ءۇي سالۋدان گورى، ونى بۇزۋ قيىنىراق ەكەن. بۇل شىندىقتى كەز كەلگەن قۇرىلىسشى ايتادى. بىراق، قازاق بيلىگىنىڭ «مىقتىلىعى» سوندا - ول قيراتۋدىڭ مايتالمانى...

سوڭعى 2 جىلدا قازاق ەلىندەگى مەملەكەتتىك دەڭگەيدە ويلاپ، ۇلتتىق تۇرعىدا تولعاناتىن كادرلەردىڭ كۇرەتامىرىنا بالتا شابىلىپ، سارىاعاش ۋنيۆەرسيتەتىن، قوستاناي كوللەدجىن، ءارى كەتكەندە، لوندوندا ءۇش اي نەمەسە پاريجدە بەس اي حوت-دوگ جەپ، «ارنايى» كۋرستاردان ءوتىپ، قىدىرىستاپ قايتقان، ەڭ مىقتاعاندا، اقشاسى مەن كوكەسىن سالىپ، ارسىز امەريكانىڭ تۇنگى كلۋبتارىندا كۇشەيتىلگەن سۋسىندار سىمىرگەن «بولاشاقتىقتار» ەلىمىزدىڭ اسا جاۋاپتى لاۋازىمدارىندا وتىر.

قايبىر جىلى مەملەكەت باسشىنىڭ ءوزى ولار تۋرالى «وزدەرىنىڭ نە ءۇشىن وتىرعاندارىن دا بىلمەيدى» دەپ ەدى. ءسويتىپ، كەڭەستىڭ قاجىرلى كومسومولى مەن تالاپشىل كوممۋنيستىنىڭ تەمىردەي بەرىك، قۇرىشتاي بەكەم مەكتەپتەرىنەن وتكەن ءورشىل دە وكتەم ماماندار اقىرىنداپ زەينەتكە شىعىپ، بەينەتكە باتىپ، اقىرىندا،  قايراڭدا قالدى...

كەزىندە، اسىرەسە، ماسكەۋ جوعارعى وقۋ ورىندارى مەن قازاقتىڭ س.م. كيروۆ اتىنداعى (قازىرگى ءال-فارابي اتىنداعى ۇلتتىق ۋنيۆەرسيتەت) مەملەكەتتىك ۋنيۆەرسيتەتىنىڭ تۇلەكتەرى تولاعايداي توپ جارىپ، وق بويى ىلگەرى سانالىپ، قاي-قاي قىزمەتتىڭ دە كوركىن قىزدىرىپ جىبەرەتىن ەدى. مەملەكەتتىڭ بولاشاعىنىڭ باعىت-باعدارىن، ۇلتتىڭ ەرتەڭىنىڭ بولجام-تولعامىن اتالعان جوعارعى وقۋ ورىندارىنىڭ تالانتتى دا قايسار قىز-جىگىتتەرى شەشىپ وتىراتىن...

ءۇي سالۋدان گورى، ونى بۇزۋ قيىنىراق ەكەن. بۇل شىندىقتى كەز كەلگەن قۇرىلىسشى ايتادى. بىراق، قازاق بيلىگىنىڭ «مىقتىلىعى» سوندا - ول قيراتۋدىڭ مايتالمانى...

سوڭعى 2 جىلدا قازاق ەلىندەگى مەملەكەتتىك دەڭگەيدە ويلاپ، ۇلتتىق تۇرعىدا تولعاناتىن كادرلەردىڭ كۇرەتامىرىنا بالتا شابىلىپ، سارىاعاش ۋنيۆەرسيتەتىن، قوستاناي كوللەدجىن، ءارى كەتكەندە، لوندوندا ءۇش اي نەمەسە پاريجدە بەس اي حوت-دوگ جەپ، «ارنايى» كۋرستاردان ءوتىپ، قىدىرىستاپ قايتقان، ەڭ مىقتاعاندا، اقشاسى مەن كوكەسىن سالىپ، ارسىز امەريكانىڭ تۇنگى كلۋبتارىندا كۇشەيتىلگەن سۋسىندار سىمىرگەن «بولاشاقتىقتار» ەلىمىزدىڭ اسا جاۋاپتى لاۋازىمدارىندا وتىر.

قايبىر جىلى مەملەكەت باسشىنىڭ ءوزى ولار تۋرالى «وزدەرىنىڭ نە ءۇشىن وتىرعاندارىن دا بىلمەيدى» دەپ ەدى. ءسويتىپ، كەڭەستىڭ قاجىرلى كومسومولى مەن تالاپشىل كوممۋنيستىنىڭ تەمىردەي بەرىك، قۇرىشتاي بەكەم مەكتەپتەرىنەن وتكەن ءورشىل دە وكتەم ماماندار اقىرىنداپ زەينەتكە شىعىپ، بەينەتكە باتىپ، اقىرىندا،  قايراڭدا قالدى...

كەزىندە، اسىرەسە، ماسكەۋ جوعارعى وقۋ ورىندارى مەن قازاقتىڭ س.م. كيروۆ اتىنداعى (قازىرگى ءال-فارابي اتىنداعى ۇلتتىق ۋنيۆەرسيتەت) مەملەكەتتىك ۋنيۆەرسيتەتىنىڭ تۇلەكتەرى تولاعايداي توپ جارىپ، وق بويى ىلگەرى سانالىپ، قاي-قاي قىزمەتتىڭ دە كوركىن قىزدىرىپ جىبەرەتىن ەدى. مەملەكەتتىڭ بولاشاعىنىڭ باعىت-باعدارىن، ۇلتتىڭ ەرتەڭىنىڭ بولجام-تولعامىن اتالعان جوعارعى وقۋ ورىندارىنىڭ تالانتتى دا قايسار قىز-جىگىتتەرى شەشىپ وتىراتىن...

قازىر بازاركوم - مينيستر بولدى، بانديت - اكىمدىككە جەتتى...

جيىرما جىل بۇرىن ەلىنىڭ تۇتاس ونەركاسىبىن بىشكەك پەداگوگيكا ينستيتۋتىنىڭ گەوگرافيا فاكۋلتەتىن تامامداعان ماشكەۆيچتەي ماقاۋ مەنشىكتەپ العان مەملەكەتتە باسقاشا بولۋى مۇمكىن دە ەمەس قوي...

ءبىر-اقمىسال: بۇگىنگى ءماجىلىستىڭ توراعاسى نۇرلان نىعمەتۋللين مەن كەشەگى جوعارعى كەڭەستىڭ توراعاسى سەرىكبولسىن ءابدىلديننىڭ ءبىلىم-بىلىگى مەن ومىرلىك تاجىريبەلەرىن، كىسىلىگى مەن «كىشىلىگىن» سالىستىرۋعا بولا ما؟ ايتپەسە، قۇدايدىڭ بەرگەن ۇشان-تەڭىز استىعىن جيناپ-تەرىپ الا الماعان قازىرگى اۋىلشارۋاشىلىعى ءمينيسترى اسىلجان مامىتبەكوۆتى - قازاقتىڭ تاۋەلسىزدىك العان قارجىسى مەن قۋاتى كەم قيىن كەزەڭىندەگى تامشى تامباعان قۋاڭشىلىق جىلدارىندا ۇن مەن ناننىڭ اقىسىن جارتى تيىنعا دا وسىرمەگەن اۋىلشارۋاشىلىعى ءمينيسترى بالتاش تۇرسىنباەۆپەن قاتار قويۋعا بولا ما؟ مۇنىڭ ءوزى «مىسىقتى - جولبارىس ەكەن» دەۋمەن بىردەي نونسەنس قوي؟!.

...مەن كەيدە ويلايمىن: قوعامىمىزداعى قاپتاپ كەتكەن شەشۋى كۇردەلى ماسەلەلەردىڭ ەڭ باستى سەبەبى - مەملەكەتتى ءتيىمدى باسقارا الماۋ، ياعني، كادرلەردىڭ قادىرىنىڭ كەتۋى شىعار دەپ..

«اباي-اقپارات»