قازاقستاننىڭ ەكس-پرەزيدەنتى نۇرسۇلتان نازارباەۆتىڭ قىزى، ءماجىلىس دەپۋتاتى داريعا نازارباەۆا قازىر دۋبايدا ءجۇر، - دەپ حابارلادى قازتاگ اگەنتتىگى.

اگەنتتىكتىڭ ءماجىلىس اپپارتىنداعى دەرەككوزدەرىنىڭ مالىمەتىنشە، دەپۋتات داريعا نازارباەۆا ءباا-دەگى دۋبايدا كورىنەدى. ايتا كەتەيىك، داريعا نۇرسۇلتانقىزى جىل باسىنداعى بەيبىت نارازىلىقتار مەن «قاڭتار وقيعاسى» باستالعان ساتتەن باستاپ ماجىلىسكە كەلمەگەن. رەسمي مالىمەتتەر بويىنشا ول كوروناۆيرۋس جۇقتىرىپ، الماتىدا ەمدەلىپ جاتىر.

ال سوڭعى وقيعالاردان كەيىن «نۇر وتان» پارتياسى ىشىندەگى ساياسي اۋىس-تۇيىستەر كەزىندە انىقتالعانى – داريعا نازارباەۆا ەندى بيلىكتەگى دومينانت پارتيا – «نۇر وتاننىڭ» ساياسي كەڭەسىنىڭ دە، ساياسي كەڭەس بيۋرسىنان دا شىعارىلعان.

Abai.kz