قاراعاندى وبلىسىندا وقۋشىلاردان اقشا جيناپ، ونى ءوز قالاۋىنشا جۇمساپ كەلگەن مەكتەپ ديرەكتورى قارماققا ءىلىندى. قارجى پوليتسياسىنىڭ حابارلاۋىنشا، جينالعان 2 411 250 تەڭگەنىڭ تەڭ جارتىسى مەكتەپ باسشىسىنىڭ وڭەشىنەن ءوتىپ كەتكەن.
تەمىرتاۋ قالاسىنداعى مەكتەپتەردىڭ بىرىندە ءوزىنىڭ قىزمەتتىك لاۋازىمىن پايدالانعان باسشىنىڭ بۇيرىعىمەن 2002 جىلدىڭ اقپانىنان 2006 جىلدىڭ جەلتوقسانىنا دەيىن ءار وقۋشى اي سايىن مەكتەپكە 1000 تەڭگەدەن تاپسىرىپ كەلگەن. «بۇل اقشا مەكتەپتىڭ قاجەتتىلىكتەرىنە جانە قوسىمشا ءبىلىم بەرۋ قىزمەتتەرىنە جۇمسالادى» دەپ ءتۇسىندىرىلىپتى اتا-انالارعا. ديرەكتوردىڭ ءتورت جىل بويى وقۋشىلاردىڭ قالتاسىن قاعىپ جيناعانى – جوعارىدا ايتقانىمىزداي، ەكى جارىم ميلليونعا جۋىقتاعان. مەكتەپتىڭ قوسىمشا قىزمەتتەرى ءۇشىن اقشا جيناتۋ ول تۇستا زاڭعا قايشى كەلە قويماعان كورىنەدى. قايشى كەلگەنى باسقا...
– مەكتەپتەگى قوسىمشا ءبىلىم بەرۋ جۇمىستارىنا اقشا جيناۋعا رۇقسات بولعانى راس. بىراق قاراجاتتى جيناپ، كادەگە جاراتۋدىڭ بەلگىلەنگەن تارتىپتەرى بار. زاڭ بويىنشا مەكتەپ وقۋشىلارىنان جينالعان اقشا ءبىلىم بولىمىنە تاپسىرىلۋى كەرەك. سوسىن سول جەردەن مۇعالىمدەرگە ۇستەمە جالاقى رەتىندە تاراتىلۋى ءتيىس ەدى. ديرەكتور سول ءتارتىپتى بەلدەن باسقان. اقشانى جيناپ العان دا، ءوز قالاۋىنشا جۇمساعان. ءوزى تاراتقان. كىمگە بەرگىسى كەلسە، قانشا بەرگىسى كەلسە دە ءوزى عانا شەشىپ وتىرعان، – دەيدى تەمىرتاۋ ايماعى بويىنشا قارجى پوليتسياسى ءبولىمىنىڭ اعا تەرگەۋشىسى جانات اگۋباەۆ.

قاراعاندى وبلىسىندا وقۋشىلاردان اقشا جيناپ، ونى ءوز قالاۋىنشا جۇمساپ كەلگەن مەكتەپ ديرەكتورى قارماققا ءىلىندى. قارجى پوليتسياسىنىڭ حابارلاۋىنشا، جينالعان 2 411 250 تەڭگەنىڭ تەڭ جارتىسى مەكتەپ باسشىسىنىڭ وڭەشىنەن ءوتىپ كەتكەن.
تەمىرتاۋ قالاسىنداعى مەكتەپتەردىڭ بىرىندە ءوزىنىڭ قىزمەتتىك لاۋازىمىن پايدالانعان باسشىنىڭ بۇيرىعىمەن 2002 جىلدىڭ اقپانىنان 2006 جىلدىڭ جەلتوقسانىنا دەيىن ءار وقۋشى اي سايىن مەكتەپكە 1000 تەڭگەدەن تاپسىرىپ كەلگەن. «بۇل اقشا مەكتەپتىڭ قاجەتتىلىكتەرىنە جانە قوسىمشا ءبىلىم بەرۋ قىزمەتتەرىنە جۇمسالادى» دەپ ءتۇسىندىرىلىپتى اتا-انالارعا. ديرەكتوردىڭ ءتورت جىل بويى وقۋشىلاردىڭ قالتاسىن قاعىپ جيناعانى – جوعارىدا ايتقانىمىزداي، ەكى جارىم ميلليونعا جۋىقتاعان. مەكتەپتىڭ قوسىمشا قىزمەتتەرى ءۇشىن اقشا جيناتۋ ول تۇستا زاڭعا قايشى كەلە قويماعان كورىنەدى. قايشى كەلگەنى باسقا...
– مەكتەپتەگى قوسىمشا ءبىلىم بەرۋ جۇمىستارىنا اقشا جيناۋعا رۇقسات بولعانى راس. بىراق قاراجاتتى جيناپ، كادەگە جاراتۋدىڭ بەلگىلەنگەن تارتىپتەرى بار. زاڭ بويىنشا مەكتەپ وقۋشىلارىنان جينالعان اقشا ءبىلىم بولىمىنە تاپسىرىلۋى كەرەك. سوسىن سول جەردەن مۇعالىمدەرگە ۇستەمە جالاقى رەتىندە تاراتىلۋى ءتيىس ەدى. ديرەكتور سول ءتارتىپتى بەلدەن باسقان. اقشانى جيناپ العان دا، ءوز قالاۋىنشا جۇمساعان. ءوزى تاراتقان. كىمگە بەرگىسى كەلسە، قانشا بەرگىسى كەلسە دە ءوزى عانا شەشىپ وتىرعان، – دەيدى تەمىرتاۋ ايماعى بويىنشا قارجى پوليتسياسى ءبولىمىنىڭ اعا تەرگەۋشىسى جانات اگۋباەۆ.
ديرەكتور اقشانىڭ ءبىر بولىگىن وسىلايشا قالاعان ادامىنا «تاراتىپ» بەرسە، قالعان بولىگىن ءوز قاجەتتىلىكتەرىنە جۇمساپتى. قارجى پوليتسياسى وكىلدەرى «كۇدىكتىنىڭ اتالعان قاراجاتتىڭ ناقتى قانشاسىن ءوز كادەسىنە جاراتقانىن ءالى انىقتاي المادىق» دەدى. بۇل جونىندە جانات اگۋباەۆ:
– ونىڭ ناقتى قانشا سومانى ءوزى پايدالانعانىن انىقتاۋ مۇمكىن بولمادى. ويتكەنى تەرگەۋ الدى تەكسەرىسى باستالعاندا ول ءتيىستى قۇجاتتاردى حاتشى قىزدان الىپ قويىپ، جويىپ جىبەرگەن. بىراق حاتشى قىزدىڭ اقشانى ديرەكتوردىڭ قولىنا ۇستاتقانىن دالەلدەيتىن فاكتىلەر بار. بۇل جايتقا مۇعالىمدەر كۋا بولعان، – دەيدى.
ال بىزگە بەلگىلى اقپاراتقا قاراعاندا، ءبىلىم ۇياسى باسشىسىنىڭ قىمقىرعانى – 1 ميلليون 682 مىڭ تەڭگە.
قىلمىستىق كودەكستىڭ 177-بابىنىڭ 3-بولىگى (الاياقتىق جولمەن وزگەنىڭ مۇلكىن قىمقىرۋ) جانە 308-بابىنىڭ 4-بولىگى (قىزمەتىن اسىرا پايدالانۋ) بويىنشا ءىستى بولعان كۇدىكتىنىڭ ماسەلەسى قازىر سوتتىڭ قاراۋىندا. بارلىق كىناسى دالەلدەنگەن جاعدايدا ونى 10 جىلعا دەيىن باس بوستاندىعىنان ايىرۋ جازاسى كۇتىپ تۇر.

قامبار احمەتوۆ، قاراعاندى
“ايقىن” گازەتى