ءماسىموۆتىڭ ۇيىمداسقان سىبايلاستارى كىمدەر؟
جارايدى، سودىرلار جوق دەيىك. وندا اكىمشىلىك، پرەزيدەنت رەزيدەنتسياسىن، عيماراتتاردى ورتەپ-قيراتقان كىمدەر؟ بەيبىت تۇرعىندار مۇنى جاساي المايتىنى ايدان انىق. وندا كىمدەر؟
ءبىر عانا مىسال، ۇلتتىق ارناعا باسىپ كىرىپ، ورتەپ-قيراتىپ، ارىپتەسىمىزدى ولتىرگەن كىمدەر؟ كوشەگە سەمكا جۇرگىزۋگە شىققان الماتى تەلەارناسىنىڭ جۇرگىزۋشىسىن اتىپ مەرت قىلعان كىم؟ تاعى سودىر ەمەس پا؟ وندا كىم؟
اۋەجايدى قيراتقاندار كىمدەر؟ اۋرۋحانانى باسىپ الىپ، مەدبيكەنى زورلاعان كىم؟ كوشەدە اتىسقاندار كىمدەر؟ قاڭعىرعان وقتان 2 ءسابي اجال قۇشتى. الدە سىزدەر ءۇشىن بۇل دا سپەكتاكل مە؟ بەيبىت حالىقتىڭ قولىندا قارۋ بولمايدى. ال قولىندا قارۋ ۇستاپ كوشەدە اتىسىپ، قارۋ ساتاتىن دۇكەندى توناپ جۇرگەندەر كىمدەر؟ تاعى سودىر ەمەس پا؟ الدە اتىسپاق ويناپ جۇرگەن پوليتسەيلەر مە؟ شەتەلدىك سودىرلار بولماسا بولماعان شىعار. بىراق ءدال وسىنى ىستەپ، قالانى استان-كەستەن ەتىپ، ادام ولتىرگەن ادام مەن ءۇشىن ناعىز تەرروريست! ارنايى اسكەري دايىندىقتان وتكەن ء“ۇشىنشى كۇش”! ايتپەسە جاي ادامدار ءدال وسىنى جاساي المايدى! سودىر دەگەندى كەز-كەلگەن قوعام ايىپتايدى! ال بىزدە سودىر ءسوزىن سايقىمازاققا اينالدىرىپ وتىرعاندار بار. اينالىپ كەتەيىندەر، تۋعانىن ايىرىلىپ قان جىلاپ جاتقاندار بار. تەرروريزم دەگەن زۇلىمدىقتان زار جىلاپ جاتقان ەلدەر بار! قاسىرەتتەن سايقىمازاق جاساۋدى دوعارىڭدار!
تۇرمەدە ازاپتالعان، تۇرمەدە قازا تاپقان ازاماتتار بويىنشا پوليتسەيلەر جاۋاپتى - بۇل انىق. ال قاراپايىم حالىقتى كوشەدە اتقان سودىرلار ما، پوليتسەيلەر مە؟ ميتينگىگە شىعىپ اجال قۇشقان ازاماتتار كىمنىڭ وعىنان مەرتىكتى؟ پوليتسەيلەردىڭ بە، الدە سودىرلاردىڭ با؟ ونى قالاي انىقتايمىز؟ تەرگەۋ قالاي جۇرگىزىلەدى؟ وسى ەكى ارانى كىم اشىپ بەرەدى بىزگە؟ تەرگەۋ امالدارى ادىلەتتى جۇرگىزىلەتىنىنە توقاەۆ بيلىگى كەپىلدىك بەرە الا ما؟ ءماسىموۆتىڭ ۇيىمداسقان سىبايلاستارى كىمدەر؟ نازارباەۆتىڭ تۋىسقاندارىنىڭ قاتىسى بار ما، جوق پا؟
تۋرا وسى ماسەلەدە پرەزيدەنت حالىققا شىندىقتى ايتىپ، ادىلدىكتى قامتاماسىز ەتپەسە، وندا ءبىرتۇتاس قوعام دا،
جاڭا قازاقستان قۇرۋ مۇمكىن ەمەس!
دينا ەلگەزەك
Abai.kz
