وتكەن جىلدىڭ سوڭىندا ورتالىق ازياداعى رەسەيشىل «stanradar.com» دەيتىن قىرعىز سايتى: «ۇلتشىلدار قازاقستان بالاباقشالارىن جاعالاۋدا. قازاقيۋگەندتىڭ كۇنى الىس ەمەس» (ناتسيوناليستى دوبراليس دو كازاحستانسكيح دەتسادوۆ. كازاحيۋگەند نا پودحودە؟) اتتى كولەمدى ماقالا جاريالادى. 

بىراق، نەگىزگى ماتەريالدى «tengrinews.kz» سايتىنان الىپ، تۇركىستان وبلىسىندا وسىندان 3-4 بۇرىن وقيعانى «سەمەي قالاسىندا بولعان» دەپ، ايدى اسپانعا شىعارادى.

اتالعان ماقالا قازاق ەلىندەگى مەكتەپكە دەيىنگى ءبىلىم بەرۋ مەكەمەلەرىندەگى ۇلتتىق پاتريوتتىق تاربيەنى مانسۇقتاۋعا ارنالعان. بالاباقشاداعى جاس بۇلدىرشىندەرىمىزدىڭ 1986 جىلعى «جەلتوقسان قوزعالىسىنىڭ» قاھارمانى قايرات رىسقۇلبەكوۆتىڭ ءومىرىنىڭ اقىرعى كۇنى ارقاۋ بولعان ساحنالىق قويىلىمىن كەلمەسكە كەتكەن «كسرو داۋىرىنە قارسىلىق تاريحتى بۇرمالاۋ» دەپ تاۋىپ،  You Tube ارناسىنا قازاق تىلىندەگى بەينەباياندى ەنگىزىپتى.

بۇلدىرشىندەرگە ۇلتتىق پاتريوتتىق تاربيە بەرۋدى ماقسات ەتكەن ۇستازداردىڭ پەداگوگيكالىق تىرلىگىنەن «فاشيزم» ەلەسىن كورىپ، ءوز رولدەرىن تاماشا سومداعان بالدىرعانداردى «قازاقيۋگەندتى» دەپ، ات قويىپ، ايدار تاعۋى كوڭىلگە سەكەم الدىرادى. «سوندا ءبىز رەسەيدىڭ پوستكەڭەستىك كەڭىستىكتەگى وتارىمىز با؟» دەگەن ويعا قالامىز.

بۇعان قاتىستى ەكى اي وتسە دە ءوز قارسىلىعىن بىلدىرەتىن ءبىر ساياسي ءام مەملەكەتتىك تۇلعانىڭ تابىلماعانىنا پۇشايمان بولادى ەكەنسىڭ!؟

ءابىل-سەرىك الىاكبار

Abai.kz