1991 جىلدان باستاپ قازاقستان اتاجۇرتتان جىراققا تاريحتىڭ تەپكىسىمەن كەتكەن قانداستاردى قايتارۋ جوباسىن باستادى. وسى ۋاقىتقا دەيىن ەلىمىزگە 1 ملننان استام قازاق كەلدى. ولاردىڭ باسىم كوپشلىگى وزبەكستان، قىتاي، رەسەي ەلدەرىنەن كەلسە، الىس شەتەلدەن دە اتاجۇرتقا ات باسىن بۇرعان قانداسىمىز جەتكىلىكتى. 

ال ەندىگى تاڭدا قازاقستاندا تاعى ءبىر مەرەكە كۇنى پايدا بولادى. ەڭبەك جانە حالىقتى الەۋمەتتىك قورعاۋ مينيسترلىگى قازاقستان رەسپۋبليكاسىنداعى مەرەكەلەر تىزىمىنە قوسىمشا دايىندادى.  وسىلايشا، قازاقستانداعى مەرەكەلەر تىزبەسى 43-1-تارماقپەن تولىقتىرىلسىن دەپ جوسپارلانۋدا.

ول ۇلى كوش كۇنى. ۇلى كوش كۇنى 18 قاراشا اتاپ وتىلەدى.

تۇسىندىرىلگەندەي، بۇل تولىقتىرۋ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ 2021جىلى 16 قاراشادا وتكەن قازاقستان رەسپۋبليكاسى پرەزيدەنتى جانىنداعى ۇلتتىق قوعامدىق سەنىم كەڭەسىنىڭ التىنشى وتىرىسىندا بەرگەن تاپسىرماسى اياسىندا جاسالعان.

قۇجات جوباسى 3 ناۋرىزعا دەيىن قوعامدىق تالقىلاۋ ءۇشىن اشىق نقا ۆەب-سايتىندا ورنالاستىرىلعان. قۇجاتتىڭ تولىق نۇسقاسى تومەندەگىدەي:

«قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى № 689 قاۋلىسىنا وزگەرىس تولىقتىرۋ تۋرالى» قازاقستان رەسپۋبليكاسى ۇكiمەتi قاۋلىسىنىڭ جوباسىنا
تۇسىندىرمە جازبا

1. جوبانى ازىرلەۋشى مەملەكەتتىك ورگان اتاۋى
قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى.
2. ءتيىستى نورماتيۆتىك قۇقىقتىق اكتىلەرگە، قازاقستان رەسپۋبليكاسى راتيفيكاتسيالاعان حالىقارالىق شارتتاردىڭ نورمالارىنا، سونداي-اق قازاقستان رەسپۋبليكاسى قاتىسۋشىسى بولىپ تابىلاتىن حالىقارالىق ۇيىمداردىڭ شەشىمدەرىنە، ۇكىمەت پەن كەڭسە باسشىلىعىنىڭ حاتتامالىق جانە وزگە دە تاپسىرمالارىنا سىلتەمە جاساي وتىرىپ، جوبانى قابىلداۋدىڭ نەگىزدەمەسى جانە/نەمەسە ونى قابىلداۋ قاجەتتىلىگىنىڭ باسقا دا نەگىزدەمەسى
قازاقستان رەسپۋبليكاسىنىڭ پرەزيدەنتى ق.ك.توقاەۆتىڭ 2021 جىلعى 16 قاراشادا قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسىنىڭ التىنشى وتىرىسىندا بەرگەن تاپسىرمالارىن ىسكە اسىرۋ جونىندەگى ءىس-شارالار جوسپارىنىڭ 25 تارماعى.
3. جوبا بويىنشا قارجىلىق شىعىنداردىڭ قاجەتتىلىگى جانە ونىڭ قارجىلىق قامتاماسىز ەتىلۋى، ونىڭ ىشىندە قارجىلاندىرۋ كوزى، سونداي-اق قاجەت بولعان جاعدايدا رەسپۋبليكالىق بيۋدجەت كوميسسياسىنىڭ شەشىمى ء(تيىستى ەسەپتەۋلەر، قارجىلاندىرۋ كوزىنە سىلتەمە، رەسپۋبليكالىق بيۋدجەت كوميسسياسى شەشىمىنىڭ كوشىرمەسى مىندەتتى تۇردە تۇسىندىرمە جازباعا قوسا بەرىلەدى)
وسى قاۋلى جوباسىن ىسكە اسىرۋ شەڭبەرىندە مەملەكەتتىك بيۋدجەتتەن قوسىمشا قاراجات تالاپ ەتىلمەيدى.
4. جوبا قابىلدانعان جاعدايدا بولجاناتىن سالدارلار
قاۋلى جوباسىن قابىلداۋ الەۋمەتتىك-ەكونوميكالىق جانە/نەمەسە قۇقىقتىق تەرىس سالدارعا اكەپ سوقتىرمايدى.
5. ناقتى ماقساتتار، كۇتىلەتىن ناتيجەلەردىڭ مەرزىمى
جوبانى قابىلداۋدىڭ ماقساتى 18 قاراشانى مەرەكەلىك كۇندەر تىزبەسىنە (ۇلى كوش كۇنى» (ۆەليكي پەرەسەلەنيا كۇنى) دەپ ەنگىزۋ.
6. جوبادا قارالاتىن ماسەلەلەر بويىنشا پرەزيدەنتتىڭ جانە/نەمەسە ۇكىمەتتىڭ بۇرىن قابىلدانعان اكتىلەرى جانە ولاردىڭ ىسكە اسىرىلۋ ناتيجەلەرى تۋرالى مالىمەتتەر
جوق.
7. ەنگىزىلەتىن جوبا قابىلدانعان جاعدايدا زاڭنامانى وعان سايكەس كەلتىرۋ قاجەتتىگى (باسقا نورماتيۆتىك قۇقىقتىق اكتىلەردى قابىلداۋدىڭ نەمەسە قولدانىستاعى اكتىلەرگە وزگەرىستەر جانە/نەمەسە تولىقتىرۋلار ەنگىزۋدىڭ تالاپ ەتىلەتىنىن كورسەتۋ) نە ونداي قاجەتتىلىكتىڭ بولماۋى ماۋى
تالاپ ەتىلمەيدى.
8. كورسەتىلگەن جوبانىڭ حالىقارالىق شارتتى راتيفيكاتسيالاۋ قاجەتتىلىگى تۋرالى اقپارات
حالىقارالىق شارتتار بولىپ تابىلمايدى.
9. قازاقستان رەسپۋبليكاسى پرەمەر-ءمينيسترى كەڭسەسىنىڭ باسشىسى مەن قازاقستان رەسپۋبليكاسى بايلانىس جانە اقپارات ءمينيسترىنىڭ 2011 جىلعى 20 مامىرداعى № 25-1-32قپۇ/22پ-قپۇ بىرلەسكەن بۇيرىعىمەن بەكىتىلگەن «قازاقستان رەسپۋبليكاسى ۇكىمەتىنىڭ موبيلدىك كەڭسەسى» اقپاراتتىق جۇيەسىندە بەرۋگە رۇقسات ەتىلگەن قىزمەتتىك اقپارات تىزبەسىنە سايكەس مەملەكەتتىك قۇپيا جانە (نەمەسە) قىزمەتتىك اقپارات قامتىلعان جوبالاردى قوسپاعاندا، جوبالاردى جانە ولارعا ماتەريالداردى ۇكىمەت مۇشەلەرىنىڭ موبيلدىك قۇرىلعىلارىنا «قازاقستان رەسپۋبليكاسى ۇكىمەتىنىڭ موبيلدىك كەڭسەسى» اقپاراتتىق جۇيەسى ارقىلى بەرۋ مۇمكىندىگى
رۇقسات ەتىلەدى.
10. جوبانى مەملەكەتتىك ورگاننىڭ ينتەرنەت-رەسۋرسىندا (ۆەب-سايتتا، ينتەرنەت-پورتالدا، سونداي-اق اشىق نورماتيۆتىك قۇقىقتىق اكتىلەردىڭ ينتەرنەت-پورتالىندا ورنالاستىرۋ تۋرالى اقپارات (كۇنى، بايت سانى)
جوبا:
1) 2022 جىلعى ** اقپانداعى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ www.enbek.gov.kz ۆەب-سايتىندا ورنالاستىرىلدى، فايلدىڭ كولەمى ** كب;
2) 2022 جىلعى ** اقپانداعى مەملەكەتتىك ورگانداردىڭ «ەلەكتروندىق ۇكىمەت» www.egov.kz پورتالىندا ورنالاستىرىلدى.
11. تاۋارلاردى ساتۋعا، كورسەتىلەتىن قىزمەتتەرگە نەمەسە زياتكەرلىك مەنشىك قۇقىقتارىنا قاتىستى جوبانى، سونداي-اق الەۋمەتتىك ءمانى بار قاۋلىنىڭ جوباسىنا ءباسپاسوز رەليزىن ورنالاستىرۋ تۋرالى اقپارات ۋاكىلەتتى مەملەكەتتىك ورگانداردىڭ ينتەرنەت-رەسۋرستارىندا ورنالاستىرىلادى
جوق.
12. جوبانىڭ قازاقستان رەسپۋبليكاسى راتيفيكاتسيالاعان حالىقارالىق شارتتارعا جانە قازاقستان رەسپۋبليكاسى قاتىسۋشىسى بولىپ تابىلاتىن حالىقارالىق ۇيىمداردىڭ شەشىمدەرىنە سايكەستىگى
سايكەس كەلەدى.
13. ۇكىمەت اكتىسىنىڭ جۇزەگە اسۋىنا بايلانىستى جەكە كاسىپكەرلەر سۋبەكتىلەرىنىڭ شىعىندارىن تومەندەدتۋ جانە (نەمەسە) ارتتىرۋدى دالەلدەيتىن ەسەپتەردىڭ ناتيجەسى
تالاپ ەتىلمەيدى.
14. قازاقستان رەسپۋبليكاسىنىڭ ۇلتتىق كاسىپكەرلىك پالاتاسى جانە جەكە كاسىپكەرلىك سۋبەكتىلەرىنىڭ اككرەديتتەلگەن بىرلەستىكتەرىنىڭ ساراپتامالىق قورىتىندىسىمەن كەلىسپەۋ سەبەپتەرىنە نەگىزدەمە
قاۋلى جوباسى جەكە كاسىپكەرلىك سۋبەكتىلەرىنىڭ مۇددەلەرىن قوزعامايدى.

ۇلى كوش كۇنىنىڭ ماڭىزى ازىرگە بەلگىسىز. سولتۇستىكتى قازاقىلاندىرۋ ما، الدە، شەتتەگى قازاقتى ەلگە شاقىرۋدى ىنتالاندىرۋ ما، ول جاعى تولىق ايتىلمادى. بۇعان دەيىن "العىس ايتۋ كۇنى" بەكىتىلگەن بولاتىن. الايدا ونىڭ يدەولوگيالىق ماڭىزىن قوعامدا ناقتى كورىنبەدى.

Abai.kz