ءبىز الەمگە مادەنيەت، ءبىلىم جانە سپورتپەن عانا تانىلىپ، مويىنداتا الامىز!
ەكسپو، سامميت…باسقا دا جيىندار - تەك بوسقا اقشا شاشۋ! ءيا، مەملەكەتتىڭ قازىناسىن شىعىنعا شاش ەتەكتەن باتىرۋ!
ەندى جاڭا كەلگەن مادەنيەت جانە سپورت ءمينيسترى داۋرەن اباەۆقا تاپسىرما!
بالالار جىلىنا وراي، اسىرەسە ەلىمىزدىڭ باتىس وڭىرىنە مەملەكەتتىك سپورت جانە مادەنيەت ۇيلەرىن كوبەيتىڭىز!
اباەۆتىڭ داۋىرىندە سالىنعان سپورت كەشەندەرى دەگەن اتقا يە بولىڭىز!
قىسقى وليمپيادادان نەگە مەدالسىز قالعانىمىزدى جازايىن!
سپورتتا جەڭىسكە جەتۋ ءۇشىن كاسىبي شىنىعۋدان بولەك، ەڭ الدىمەن ار-نامىس، جىگەر مىقتى بولۋ كەرەك!
ال نامىستى ءارى جىگەرلى، كوزدەرىندە وتى بار بالالاردىڭ كوبىسى اۋىل-ايماقتا بولادى.
قازىر اۋىلداعى سپورت مەكتەپتەرىنىڭ جاعدايىن كورسەڭىزدەر، وليپيادادان جۇلدەلى ورىن الامىز دەپ ويلاماق تۇگەل، ءتىپتى ۇمىتتەنبەيتىن ەدىڭىزدەر!
وسىدان-اق، سپورتقا بولىنگەن قارجىلار شەنەۋنىكتەردىڭ قالتاسىنا كەتىپ جاتقانىن بىردەن بايقاۋعا بولادى، ال ءبىزدىڭ انتيكور وندايلاردى كورمەيدى!
ءبىر عانا تۇركىستان وبلىسىنداعى سپورت باسقارماسىنىڭ باسشىسى ميلليونداردى جىمقىرىپ جەپ الىپ، شارتتى تۇردە عانا سوتتالىپ ۇيىنە شىعىپ العان!
وسىدان كەيىن بىزدە مەدال قايدان بولسىن؟
“اۋىل جاستارى بوس ۋاقىتىن قالاي وتكىزەدى؟ بۇكىل ەنەرگياسىن قايدا جۇمسايدى؟ قانداي سپورت تۇرىنە باۋلىساق بولادى؟”،-دەپ سۇراق قويىپ وتىرعان شەنەۋنىك كورمەدىم!
اۋىل-ايماققا مەملەكەتتىك سپورت ۇيىرمەلەرى مەن مادەنيەت ۇيلەرىن اشۋ كەرەك دەپ جۇرگەنىمە ءبىراز بولىپتى !
پرەزيدەنتكە ەسەپ بەرەر كەزدە ء“بارىن قاتىرامىز”، ال شىندىعىندا كەلگەندە سپورت سالاسى اقساپ تۇر!
مىسالى، اقتاۋ قالاسىندا “اقتاۋ” ساۋدا ورتالىعىندا مۇز ايدىنى بار. جەكەنىڭ مەنشىگى. ءار بالا سونداعى جاتتىقتىرۋشىعا اي سايىن 30 مىڭ تەڭگە تولەيدى. مۇز ايدىنى دەگەن اتى عانا بولماسا، جوعارىدان تۇسكەن كۇننىڭ ىستىعىنان مۇز سۋ بولىپ ەرىپ تۇر. بالالار سونداعى شالشىققا قۇلاپ ءجۇرىپ جاتتىعىپ جۇرگەنىن كورىپ، ەلىمدەگى جەمقور شەنەۋنىكتەرگە اشۋىم كەلدى.
وسى ۆيدەونى ءساتى كەلگەندە تۇيرەپ، اقيقاتىن اشىپ جازام دەپ جۇرگەم. بۇگىن، مىنە ءساتى كەلگەن سياقتى. مۇنداي شىندىق ايتىلۋى كەرەك!
راسىندا، ەل يگىلىگى ءۇشىن مۇز ايدىنىن اۋقىمدى ەتىپ سالىپ بەرسە، حالىق تەگىن ەمەس، بالاسى ءۇشىن اقىلى جاتتىقتىرۋعا اكەلەر ەدى! باتىستان تەك مۇنايشىلاردى ەمەس، مىقتى چەمپيونداردى دا شىعارۋعا بولاتىن ەدى. اتتەڭ…
تەك باتىس ەمەس، ەلىمىزدىڭ ءار وڭىرىنە سپورت پەن مادەنيەتكە كوڭىل بولەتىن ۋاقىت كەلدى!
مەدال كۇتپەس بۇرىن، ەڭ الدىمەن سپورتشىنىڭ جاعدايىن جاساۋ كەرەكپىز!
سپورت سالاسىنا دا ۇلكەن رەفورما كەرەك!
نامىستى جاستار قالادا ەمەس، دالادا ياعني اۋىلدا!
اۋىلدان كەلگەن “بۇزاقى جاستار” ازايسىن دەسەڭ، ءبىرىنشى جاستاردىڭ جاعدايىن جاسا!
جاڭا قازاقستاندى شىندىقتى اشىق ايتۋ ارقىلى قۇرامىز!
قۇرمەتتى سپورتشىلار، اقيقاتتى اشىق ايتاتىن ءسات تۋدى!
سپورت سالاسىن جاۋلاپ العان سالافيتتەر كەتتى، ەندى سىبايلاسقان “شىرىگەن جۇيەنى” اشىپ اقتارىپ تۇرىپ ايتاتىن ۋاقىت كەلدى!
ءبارىن اشىق جازىڭىزدار!
جاڭا قازاقستاندى بۇگىنگى قوعام ياعني ءسىز جانە ءبىز قۇرامىز!

ايگۇل ورىنبەك

Abai.kz