رەسەي دۋماسىنىڭ دەپۋتاتى گەننادي زيۋگانوۆ دەگەن كارى كوممۋنيست قازاق جەرىنە كوز الارتىپ، «سولتۇستىك قازاقستان تۇتاستاي ورىستىكى», - دەپ سويلەگەن ەدى.

ول دۋما عيماراتىندا تۇرىپ: «سولتۇستىك قازاقستان تۇتاستاي العاندا ورىستىكى، ال وڭتۇستىك قازاقستاندا ورىس ءتىلى مەكتەپتەردە وقىتىلماۋدا. سوندىقتان مەن بۇگىنگى تاڭدا پرەزيدەنت، ۇكىمەت جانە مەملەكەتتىك دۋما بۇل ماسەلەنى شەشۋ بويىنشا ناقتى شەشىمدەر شىعارۋى ءتيىس دەپ سانايمىن. ەڭ الدىمەن ورىستىلدىلەردى بۇل ەلدە بولىپ جاتقان ناتسيوناليزمنەن قورعاۋ كەرەك. ءبىزدىڭ بايقوڭىر نىسانىمىز، قارۋعا ارنالعان ۋران شىعارۋ زاۋىتىن، پوليگوندى دا قورعاۋعا الۋعا ءتيىسپىز. ءبىز رۋحاني، مادەني، تىلدىك تۇرعىدان تولىق قورعالۋعا ءتيىس شارالار قابىلداۋعا مىندەتتىمىز»، - دەگەن.

بۇگىن زيۋگانوۆتىڭ وسى مالىمدەمەسىنە قاتىستى قر سىرتقى ىستەر ءمينيسترى مۇحتار تىلەۋبەردى ارنايى پىكىر ءبىلدىرىپتى.

مۇحتار تىلەۋبەردى:

- بىرىنشىدەن، ەشقانداي رەسمي نارازىلىق بولمايدى. زيۋگانوۆ رەسەيدەگى كوممۋنيستىك پارتيانىڭ ليدەرى. ال ول پارتيا وزدەرىن رەسەيدىڭ بيلىگىنە وپپوزيتسيا رەتىندە كورسەتىپ ءجۇر. وپپوزيتسيا دەگەنىڭىز – رەسمي بيلىكتىڭ پوزيتسياسىنا سايكەسپەيتىن نەمەسە قارسى كەلەتىن پوزيتسيا ۇستانۋدى بىلدىرەدى. ونىڭ ۇستىنە زيۋگانوۆتىڭ مالىمدەمەسى رەسەيدىڭ ەشبىر فەدەرالدى تەلەارنالارىندا كورسەتىلگەن جوق.

سونىمەن قاتار، مەملەكەت باسشىسىنىڭ رەسەيگە جاساعان ءىس-ساپارى كەزىندە رەسەي بيلىگىنىڭ قازاقستانعا قاتىستى ەشقانداي تەرريتوريالىق تالابى جوق ەكەنى ەڭ جوعارعى دەڭگەيدە ايتىلدى.

ەندى زيۋگانوۆ مالىمدەمەسىنىڭ مازمۇنى جايلى ايتار بولساق، رفكپ – كسرو كومپارتياسىنىڭ مۇراگەرى. سايكەسىنشە، ول كپسس يدەولوگياسىن ۇستانادى. ال كپسس يدەولوگياسىنىڭ نەگىزىن ماركسيزم مەن لەنينيزم قالىپتاستىرعانىن، ونىڭ نەگىزى الەمدىك سوتسياليزم رەۆوليۋتسياسى مەن پرولەتاريات ديكتاتۋراسىن ورناتۋ بولعانىن بىلەسىزدەر.

ءۇشىنشى مالەسە – بۇل ۆيدەو سول مالىمدەمە جاسالعاننان كەيىن ەكى ايدان كەيىن، ۋكراينا جاعدايى ءورشىپ تۇرعان ۋاقىتتا شىعىپ وتىر. قارۋلى اسكەري سوعىس كەزىندە – اقپاراتتىق سوعىس تا قاتار كۇشەيەدى. بۇل عالامدىق ماسششتابتى، سونىڭ ىشىندە قازاقستاندى دا قامتىپ وتىر.

Abai.kz