2022 جىلعى 1 ناۋرىزدان باستاپ قولدانىسقا ەنگەن «سالىق تولەۋشىنىڭ پاسپورتى» سالىق قۇپياسى بولىپ تابىلاتىن مالىمەتتەردى اشپايدى جانە تۇتىنۋشىلاردىڭ قۇقىعىن قورعاۋعا باعىتتالعان. بارلىق مالىمەتتەردى QR-كودتى وقۋ ارقىلى كورۋگە بولادى.  

سالىق تولەۋشىنىڭ پاسپورتى - سالىق قۇپياسى بولىپ تابىلمايتىن، مەملەكەتتىك كىرىستەر كوميتەتىنىڭ پورتالى ارقىلى قالىپتاستىرىلاتىن شتريح-كودتا (QR-كود) قامتىلاتىن مالىمەتتەردى قۇرايتىن كاسىپكەرلىك سۋبەكتىسىنىڭ اقپاراتتىق كارتاسى.

سالىق تولەۋشىنىڭ پاسپورتىندا مىناداي مالىمەتتەر قامتىلادى:

- سايكەستەندىرۋ ءنومىرى;

- دارا كاسىپكەردىڭ، زاڭدى تۇلعانىڭ اتاۋى;

- دارا كاسىپكەردىڭ، زاڭدى تۇلعا باسشىسىنىڭ تەگى، اتى، اكەسىنىڭ اتى (ەگەر ول جەكە باستى كۋالاندىراتىن قۇجاتتا كورسەتىلسە);

- سالىق تولەۋشىنىڭ مارتەبەسى – ارەكەت ەتەتىن، ارەكەت ەتپەيتىن، سالىقتىق ەسەپتىلىكتى ۇسىنۋدى توقتاتقان;

- تiركەۋ ەسەبiنە قويىلعان كۇن، تiركەۋ ەسەبiنەن شىعارىلعان كۇن;

- باقىلاۋ-كاسسا ماشيناسىنىڭ سالىق ورگانىنداعى تىركەۋ ءنومىرى، باقىلاۋ-كاسسا ماشيناسىن پايدالانۋ ورنى;

- الكوگول ءونىمىن ءوندىرۋ اۋماعىندا ونى ساقتاۋ جانە بولشەك ساۋدادا وتكىزۋ جونىندەگى قىزمەتتى قوسپاعاندا، الكوگول ءونىمىن ساقتاۋعا جانە بولشەك ساۋدادا وتكىزۋگە ارنالعان ليتسەنزيانىڭ بولۋى نەمەسە بولماۋى.

سالىق تولەۋشىنىڭ تولقۇجاتىن ەنگىزۋدىڭ ماقساتى  بيزنەس سۋبەكتىلەرىنىڭ مىندەتتەمەلەرىن ورىنداۋىن قوعامنىڭ ءوزى باقىلاۋدى كۇشەيتۋ، سونداي-اق، تۇتىنۋشىلاردىڭ قۇقىقتارىن قورعاۋ ءۇشىن پايدالانۋ بولىپ تابىلادى.

سالىق تولەۋشىلەردىڭ (قوعامدىق تاماقتاندىرۋ جانە ساۋدا سالاسى) مىندەتى - قالىپتاستىرىلعان پاسپورتتى باقىلاۋ-كاسسا ماشينالارىنىڭ تىكەلەي ورنالاسقان ورىندارىندا، حالىقتى اقپاراتتاندىرۋ ءۇشىن جالپىعا بىردەي قولجەتىمدى جەرلەردە باسىپ شىعارۋ جانە ورنالاستىرۋ بولىپ تابىلادى.

بۇل رەتتە، وسىنداي پاسپورت سالىق تولەۋشىنىڭ اي سايىنعى جاڭارتۋىن قاجەت ەتپەيدى، ويتكەنى تىركەۋ دەرەكتەرى وزگەرگەن كەزدە
شتريح-كود اۆتوماتتى تۇردە جاڭارتىلادى.

قازىرگى ۋاقىتتا شتريح-كودتى قالىپتاستىرۋ بويىنشا مكك اقپاراتتىق جۇيەلەرىن بىرىكتىرۋ بولىگىندە جۇرگىزىلىپ جاتقان تەحنيكالىق جۇمىستارعا بايلانىستى بۇل سەرۆيس ۋاقىتشا پايدالانۋعا قول جەتىمسىز، سايكەسىنشە، اتالعان جۇمىستاردىڭ اياقتالۋىنا دەيىن سالىق تولەۋشىدە شتريح-كودتىڭ بولماۋى اكىمشىلىك جاۋاپكەرشىلىككە اكەپ سوقپايتىنىنا نازار اۋدارامىز.

شالحار اقىلجان ابدىحاديرۇلى،

الماتى قالاسى المالى اۋدانى بويىنشا
مكب جاناما سالىقتاردى اكىمشىلەندىرۋ ءبولىمىنىڭ باسشىسى

Abai.kz