توقتار اۋباكىروۆ ەلوردا اۋەجايىنا ەكىنشى دۇنيەجۇزىلىك سوعىستىڭ باتىرى تالعات بيگەلدينوۆتىڭ اتىن بەرۋدى ۇسىندى. بۇل تۋرالى بلوگەر سامات ىسقاقوۆ ءوزىنىڭ Facebook پاراقشاسىندا جازدى.

«قازاقتىڭ تۇڭعىش عارىشكەرى ەلوردا اۋەجايىن تالعات بيگەلدينوۆتىڭ قۇرمەتىنە اتاۋدى ۇسىندى. توقتار اۋباكىروۆ كوزىلدىرىك كيىپ كەلگەنىمەن، حالىق ونى بىردەن تانىدى. بەلسەندى تۇردە سۋرەتكە ءتۇستى.  جەڭىس كۇنى قازاقستان رەسپۋبليكاسى اسكەري-اۋە كۇشتەرىنىڭ وكىلدەرى كەڭەس وداعىنىڭ ەكى مارتە باتىرى ەسكەرتكىشىنە گۇل شوقتارىن قويدى»، - دەپ جازدى بلوگەر.

قازىر نۇر-سۇلتان قالاسىنداعى حالىقارالىق اۋەجاي تۇڭعىش پرەزيدەنت نۇرسۇلتان نازارباەۆتىڭ اتىمەن اتالادى.

Abai.kz