الداعى ۋاقىتتا زەينەت جاسىن تومەندەتۋدىڭ بىرنەشە ءتاسىلى قاراستىرىلادى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا مالىمدەدى. 

وتكەن اپتادا قازاقستان ايەلدەرىنىڭ قوزعالىسى وكىلدەرىمەن كەزدەسۋگە قاتىسقان مينيستر زەينەت جاسىن 58 جاسقا دەيىن تومەندەتۋ بويىنشا ماسەلە قارالعانىن ايتقان.

سونىمەن قاتار ول، اتالعان ماسەلە جونىندە بەلسەندى توپ وكىلدەرىمەن بىرلەسە وتىرىپ جۇمىس ىستەۋگە دايىن ەكەنىن ايتتى.

ءمينيستردىڭ سوزىنشە، حالىقتىڭ تابىسىن ەسكەرىپ، زەينەتكە ەرتە شىعۋدىڭ بىرنەشە ءتاسىلى قاراستىرىلاتىن بولادى.

- مەن قازاقستاندىقتاردىڭ زەينەتكە ەرتە شىعۋىنا قارسى ەمەسپىن. بىزدە قازىردىڭ وزىندە زەينەتاقى اننۋيتەتىن راسىمدەۋگە جانە زەينەت دەمالىسىنا 55 جاستا شىعۋعا مۇمكىندىك بار. فاكتورلاردىڭ بارلىعىن بىرلەسە وتىرىپ زەرتتەۋىمىز كەرەك. بۇل كەيىن ازاماتتارىمىزدىڭ زەينەتاقىسى تومەن بولماۋى ءۇشىن قاجەت, - دەدى تامارا دۇيسەنوۆا.

ايتا كەتەيىك، بۇعان دەيىن ۆيتسە-پرەمەر ەرالى توعجانوۆ قازاقستاندىقتاردىڭ زەينەت جاسىن تومەندەتۋ تۋرالى ماسەلەنى ۇكىمەتتە تالقىلاۋعا دايىن ەكەنىن ايتقان بولاتىن.

Abai.kz