جۇما, 12 تامىز 2022
46 - ءسوز 1160 3 پىكىر 20 مامىر, 2022 ساعات 15:07

ەرلىك جۇرەككە جەتەردەي ناسيحاتتالىپ جاتىر ما؟

7 مامىردى كوبىمىز ەر ازاماتتار مەرەكەسى رەتىندە قابىلداپ، جان-جاعىمىزداعى  ازاماتتاردى قۇتتىقتاپ، سىيلىق جاساۋمەن شەكتەلىپ ءجۇرمىز. وسى مەرەكە ارقىلى بولاشاق ۇرپاق ساناسىنا پاتريوتتىقتىڭ ءدانىن ەگىپ، وتانسۇيگىشتىككە تاربيەلەۋ كەرەك ەكەنىمىزدى ۇمىتپايىق.  بۇل كۇنى وتان ءۇشىن وتقا تۇسكەن ەرەندەردىڭ ەرلىگى جۇرەككە جەتەردەي ناسيحاتتالىپ جاتىر ما دەگەن سۇراق مازالايدى. الەمدە سوڭعى كەزدە ورىن العان وقيعالار سوعىس وتى ءبىر كۇندە بۇرق ەتەتىنىن دالەلدەدى. بۇل وقيعالار جىگەرى جاسىمايتىن، بوس سوزگە ەرمەيتىن جاستاردى تاربيەلەپ، وزىمىزگە دە جاڭا كوزقاراستا بولۋ كەرەكتىگىن كورسەتتى.

وسى تۇستا ءوزىم ءتانتى بولعان قوبدا ەلدى-مەكەنى تۋرالى ايتا كەتەيىن. ەلىمىزدەگى ايگىلى قوبدا اۋدانى - "باتىرلار مەكەنى" دەپ اتالادى. بۇل جەر قوبىلاندى باتىردان باستاپ "كورىنبەس اۋليە" اتانعان، پۋگاچەۆ كوتەرىلىسى كەزىندە قول باستاعان سافۋرا ماتەنقىزىنىڭ مەكەنى، ۇلت-ازاتتىق كوتەرىلىس  يساتاي تايمانۇلىنىڭ سوڭعى شايقاسى وتكەن قاسيەتتى مەكەن. باتىر بۇل جەردە تۋىلماعانىمەن، سوڭعى شايقاسى وسى جەردە وتكەن. قوبدادان 8 كەڭەس وداعىنىڭ باتىرى،  4 سوتسياليستىك ەڭبەك ەرى شىققان. اۋدانعا كىرەر جەردە وسى مەكەننىڭ قاقپاسى رەتىندە ءاليا اۋىلى قارسى الادى. اۋدانعا كىرگەندە مەن مۇندالاپ باتىرلاردىڭ ەسكەرتكىشتەرى باستالادى. اركادا باتىرلاردىڭ قارۋ-جاراعى بەينەلەنگەن. وسى كورىنىس قوبدانىڭ كوپ ايتىلا بەرمەيتىن پاتريوتتىقتىڭ مەكەن ەكەنىن ءسوزسىز تانىتىپ تۇر. قوبداعا اقتوبەدەن كىرەر تۇستان قوبىلاندى ەسكەرتكىشى قارسى الادى. قوبدادان ورالعا شىعاتىن باعىتتا يساتاي تايمانۇلى ەسكەرتكىشى تۇر. ورتالىقتاعى ساياباقتا ءاليا مولداعۇلوۆا ەسكەرتكىشى بار. اۋدانداعى گيمنازياعا يساتاي باتىردىڭ ءبيۋستى قويىلسا، قوبدا مەكتەبىندە قوبىلاندى باتىرعا بيۋست قويىلعان.

باتىرلار كوشەسىندە ءارتۇرلى جارناما ەمەس، ابايدىڭ قارا سوزدەرى مەن وزگە دە ۇلىلاردىڭ ۇلاعاتتى سوزدەرى ىلىنگەن، ەرىكىز نازار اۋداراسىڭ. اۋداننىڭ پاتريوتتىققا تاربيەلەۋدەگى يدەولوگيالىق جۇمىستارى بۇدان دا كوپ. پاتريوتتىق تاربيەنى وسىلاي بەرۋدەگى قوبدا تاجىريبەسىن ەلىمىزدىڭ بارلىق وبلىسىنا  ۇسىنۋ كەرەك دەپ ويلايمىن. ول ءۇشىن ءتۇرلى سەمينارلار ۇيىمداستىرىلسا دا ارتىق ەمەس.

ناعىز باتىرلارعا لايىقتى قۇرمەت كورسەتىلىپ وتىرعان مەكەن دەپ قوبدانى ايتار ەدىم.

ايسۇلۋ دۇتباەۆا

Abai.kz

3 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2082
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1709
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2743