اقىن، قوعام قايراتكەرى ولجاس سۇلەيمەنوۆ «قازاقستان حالىق كونگرەسى»اتتى جاڭا ساياسي پارتيا قۇراتىنىن مالىمدەدى.

«ءبىزدىڭ «قازاقستان حالىق كونگرەسى» اتتى پارتيامىز 1992 جىلى كەڭەس وداعى ىدىراعاننان كەيىن پايدا بولدى. سول كەزەڭدە بۇرىنعى كەڭەستىك رەسپۋبليكالاردىڭ بارىندە جەكەلەگەن ۇلتتىق پارتيالار قۇرىلدى، ونىڭ ىشىندە قازاقستاندا دا پايدا بولا باستادى.

سول كەزدە مەن كوممۋنيستىك پارتيادان قالعان ەڭ جاقسى داستۇرلەردى جالعاستىراتىن پارتيا قۇرۋ قاجەت ەكەنىن ءتۇسىندىم. وتكەننىڭ بارىنەن بىردەن باس تارتۋعا بولمايدى»، - دەدى اقىن جۋرناليستەرمەن وتكەن ءباسپاسوز ءماسليحاتىندا.

پارتيا قوعامدى مەملەكەتتى دامىتۋعا شاقىرادى، سونداي-اق، جەر مەن قازبا بايلىقتىڭ مەنشىك قۇقىعىن حالىققا بەكىتىپ بەرۋ، جەردەن «پايدا تابۋ» تەتىگىن ازىرلەۋ، كاسىپكەرلىكتى دامىتۋ جانە شاعىن بيزنەستى دامىتۋ ءۇشىن كاسىپكەرلەردى ءۇش جىلعا سالىقتان بوساتۋ، قوسىلعان قۇن سالىعىنداعى ادىلدىكتى ورناتۋ، جۇمىس ورىندارىن قۇرۋ ارقىلى جاستاردى قولداۋدى ماقسات ەتەدى.

پارتيانىڭ توراعاسى بولىپ 86 جاستاعى ولجاس سۇلەيمەنوۆ تاعايىندالادى. ول قازىرگى قازاقستان پرەزيدەنتتىڭ ساياسي رەفورمالارىن بەلسەندى تۇردە قولدايتىنىن جەتكىزدى.

بيىل ءساۋىر ايىنىڭ سوڭىندا «قازاقستان حالىق كونگرەسىن» تىركەۋ تۋرالى جاريالاندى. قازىرگى ۋاقىتتا قوزعالىس 6 وبلىستا كەڭسەسىن اشقان.

ولجاس سۇلەيمەنوۆ 90-شى جىلدارى ەلىمىزدىڭ ساياسي ومىرىنە بەلسەنە قاتىستى. 1991-1995 جىلدارى «قازاقستان حالىق كونگرەسى» پارتياسىن باسقاردى.

Abai.kz