بەيسەنبى, 1 جەلتوقسان 2022
46 - ءسوز 2095 4 پىكىر 23 مامىر, 2022 ساعات 14:36

ماعىناسىز سوعىس

ۋكراينا ماريوپۋلدە 24 مىڭنان استام بەيبىت حالىق رەسەي اتقىلۋىنان قازا تاپتى دەگەن رەسمي اقپارات بەردى. سونىمەن بىرگە، سوعىستىڭ 75-ءشى كۇنىنە 24 600 رەسەي جاۋىنگەرى مەرت بولدى دەپ جاريالادى.

رەسەي 24 اقپاندا ۋكرايناعا باسىپ كىردى. نە ماقساتپەن؟

رەسەي تاراپى ۋكرايندەر بىزگە قاۋىپ توندىرۋدە دەگەن سەبەپتى العا تارتتى.

"ارنايى وپەراتسيا" دەپ، ءوزىنىڭ توتالدى (جاپپاي) شابۋىلىن "سوعىس" دەۋدەن باس تارتتى. ءوز اگرەسسياسىن بىلدىرمەۋ ءۇشىن دە قانشا سولدات قازا بولعانى تۋرالى دا ءوز حالقىنا اشىق مالىمەت بەرمەي كەلەدى... وسى كۇنگە دەيىن 32 مىڭنان استام رەسەيلىك انالار ءوز بالالارىن ىزدەپ، ۋكرايناعا "ىزدەۋ حات" جىبەرگەن ەكەن...

رەسەي ۋكراينانى "ۇلتسىزداندىرۋ" جانە "قارۋسىزداندىرۋ" ساياساتىن العا تارتتى.

ولار ۋكراينانىڭ 30 جىلدان بەرى تاۋەلسىز مەملەكەت ەكەنىن، ۋكرايندەر ەشكىمگە تاۋەلدى بولماي، ءوز ەركىمەن ساياساتىن جۇرگىزۋگە، كىممەن دوس بولۋعا، كىممەن قانداي قاتىناستا بولۋعا قۇقىلى ەكەنىن رەسەي مويىنداعىسى كەلمەدى.

رەسەي ۋكرايندەردى "ورىستار" دەپ ساناي وتىرىپ، ولاردىڭ ەۋروپاعا ۇمتىلىسىن وزىنە قاۋىپ كوردى.

الايدا، 30 جىل بۇرىن يادرولىق قارۋدان سانالى باس تارتقان ۋكراينانىڭ يادرولىق قارۋى بار رەسەيگە شابۋىل جاساۋ ويىندا دا بولماعانى انىق ەدى...

ولارعا تەك بەيبىتشىلىك كەرەك ەدى. الايدا، رەسەي ۋكراينانىڭ دونباس پەن لۋگانسك وبلىستارىن ۋكرايناعا قارسى قويدى. اقىرى وسىنى سىلتاۋلاتىپ ۋكراينانى اتقىلاي باستادى...

رەسەي حالقى وزدەرى باستاعان سوعىستىڭ زاردابىن ءالى سەزىنە قويماعاندىقتان، ءالى دە رەسەيلىكتەر "ارنايى وپەراتسياسىن" قولداۋ ۇستىندە.

بىراق، الەم حالىقتارى بۇل شابۋىلدىڭ ماقساتسىز سوعىس، تەك ەتنوتسيد ەكەنىن انىق بىلگەندىكتەن، تۇتاسىمەن رەسەيگە قارسى شىقتى...

جاپپاي سانكتسياعا قول قويدى. ءبارى جابىلىپ ۋكرايناعا كومەكتەسىپ جاتىر... ويتكەنى، وون دەرەگى بويىنشا ۋكراينا استىعىنسىز الەمدە 1 ملرد 800 ملن حالىق اشارشىلىققا ۇشىراي باستاۋى مۇمكىن ەكەن.

بۇل وتە زور قاسىرەت!

رەسەي نە ۇتتى؟

ەشتەڭە!

رەسەي الەمدەگى ەڭ تابيعي باي ەل. تاماشا تابيعاتى بار. الىپ تەرريتورياسىنىڭ كوپ جەرىندە حالىق جوق، قاڭىراپ بوس جاتىر... سولاردى يگەرسە، بۇكىل الەم تۋريستەر بوپ رەسەيگە اعىلار ەدى. رەسەيدىڭ سوعان ساي مادەنيەتى دە بار ەدى... اتتەڭ، ولار وسىنىڭ ءبارىنىڭ كۇل تالقانىن شىعاردى!!!

ءابدىراشيت باكىرۇلى

Abai.kz

4 پىكىر

ۇزدىك ماتەريالدار