ەۋرازيا ەكونوميكالىق كوميسسياسىنىڭ 20 مامىرداعى جينالىسىندا رەسەي ەۋرازيا ەكونوميكالىق وداعى مۇشەلەرىنىڭ بارلىعى ءۇشىنشى ءبىر ەلگە استىق ەكسپورتتاۋعا كۆوتا مەن باج سالىعىن ەنگىزسىن دەگەن تالاپ قويعان.

شەتەلگە استىق ەكسپورتتاۋعا مۇددەلى قازاقستان بۇل ۇسىنىسقا قارسى شىقتى، دەپ حابارلادى رەسەيلىك "كوممەرسانت".

رەسەي 2022 جىلى كوپ استىق جيناعانىنا قاراماستان، كرەمل استىق ەكسپورتىن ەاەو اياسىندا قاتاڭ باقىلاۋ ەنگىزۋگە تالپىنىپ وتىر.

باسىلىم مالىمەتىنشە، بيىل كوكتەمدە قازاقستان ءسىبىر جاقتان استىقتى كوپتەپ ساتىپ الا باستاعاندا رەسەي ەاەو ەلدەرىنە استىق شىعارۋعا 30 ماۋسىمعا دەيىن تىيىم سالعان. مۇنداي شەشىمگە نارازى بولعان قازاقستان دا استىق پەن ۇن ەكسپورتىنا كۆوتا ەنگىزگەن.

بەلارۋس استىقتى سىرتقا شىعارۋدى تولىقتاي تىيىپ تاستادى. ارمەنيا مەن قىرعىزستان كۆوتا مەن باج سالىعىن ەنگىزۋ تۋرالى شەشىم دايىنداپ جاتىر. قازاقستان باج سالىعىن ەنگىزۋگە قارسى شىقتى، ويتكەنى مۇنداي شەشىم جەرگىلىكتى شارۋاشىلىقتارعا حالىقارالىق مىندەتتەرىن ورىنداۋعا كەدەرگى جاسايدى.

باتىس ەلدەرى رەسەيگە ۋكرايناعا شابۋىلداعانى ءۇشىن سانكتسيا سالعان سوڭ كرەمل ازىق-تۇلىك تاۋارلارىنىڭ كەيبىر تۇرلەرىن ەكسپورتتاۋدى ازايتتى. سودان كەيىن قازاقستاندا تاۋارلاردىڭ كەيبىر تۇرلەرى بىردەن قىمباتتاپ كەتتى. ناۋرىز ايىندا رەسپۋبليكانىڭ بىرنەشە ايماعىندا قانت تاپشى بولسا، ءساۋىر ايىندا ۇن قىمباتتادى.

13 مامىردا قازاقستان اۋىل شارۋشىلىعى مينيسترلىگى 23 مامىردان باستاپ قانتتى جارتى جىل سىرتقا شىعارماۋعا تىيىم سالدى.

Abai.kz