قابىليسا اسانۇلىنىڭ (قابان جىراۋ) ونەگەلى ءومىر جولى مەن ۇلاعاتتى شىعارماشىلىعىن ناسيحاتتاۋ ماقساتىندا دايىندالعان «قابىليسا. قابان جىراۋ. تاراق تاڭبالى تارلان» اتتى تانىمدىق كىتاپتىڭ جارىق كورۋىنە وراي "ASPAN" باسپاسى قابىليسا اسانۇلى ۇرپاقتارىنىڭ (بەيسەنوۆ امانباي نۇرعاليۇلى اۋلەتى) قولداۋىمەن ۇيىمداستىرىلعان «تاراق تاڭبالى تارلان» اتتى حالىقارالىق جىر ءمۇشايراسىن جاريالايدى.

مۇشايرانىڭ ماقساتى:

جامپوز جىراۋدىڭ عۇمىرى مەن شىعارماشىلىعىن تانىتۋ مەن تاراتۋ، ۇلى تۇلعانىڭ ءباھادۇر بولمىسى مەن تەرەڭ تاعىلىمدارىنا تاعزىم ەتۋ، قازاق ەلىنىڭ تاۋەلسىزدىگى مەن تۇتاستىعىن دارىپتەۋ، ۇلتتىڭ جاڭا بولمىسىن قالىپتاستىرۋ مەن رۋحاني قۇندىلىقتاردى ۇلىقتاۋ، ەلدىك پەن ەرلىكتى، رۋح پەن رۋحانياتتى جىر ارقاۋىنا اينالدىرۋ، قازىرگى قازاق ادەبيەتىنە قولداۋ كورسەتىپ، زاماناۋي قازاق پوەزياسىنىڭ ناسيحاتىن ارتتىرۋ.

مۇشايرانى وتكىزۋ ءتارتىبى مەن شارتتارى:

مۇشايراعا قاتىساتىن اقىندار تومەندەگى ەكى تاقىرىپ بويىنشا بۇرىن جاريالانباعان شىعارمالارىن ۇسىنۋى ءتيىس –

✓ قابان جىراۋعا ارنالعان كولەمدى تۋىندى (جىر/ داستان);

✓ تۋعان جەر تۋرالى ولەڭ ;

مۇشايراعا قازاقستان رەسپۋبليكاسىنىڭ ون ءتورت وبلىسى مەن رەسپۋبليكالىق ماڭىزى بار ءۇش قالاسىندا، الىس ءھام جاقىن شەت مەملەكەتتەردە تۇراتىن بارشا اقىندار قاتىسا الادى.

اقىنداردىڭ جاسىنا قاتىستى ەشقانداي شەكتەۋ جوق.

مۇشايراعا ۇسىنىلاتىن شىعارمالار 2022 جىلدىڭ مامىر ايىنىڭ 20 - نان ماۋسىم ايىنىڭ 30 - نا دەيىن قابىلدانادى.

ءمۇشايرا جۇلدەلەرى:

~ باس جۇلدە (قابان جىراۋ اتىنداعى سىيلىق، ءبىر جەڭىمپاز) — 1500000 ت.

~ ءبىرىنشى ورىن (قادىرعالي بەك قوسىمۇلى اتىنداعى سىيلىق، ءبىر جۇلدەگەر) — 1000000 ت.

~ ەكىنشى ورىن (مۇقىلاي ءباھادۇر مەن ءۋايىس سۇلتان اتىنداعى سىيلىقتار، ەكى جۇلدەگەر) — 500000 ت.

~ ءۇشىنشى ورىن (جولبارىس، ەسكەلدى، بالپىق بيلەر اتىنداعى سىيلىقتار، ءۇش جۇلدەگەر) — 300000 ت.

~ اتاۋلى سىيلىقتار (بەكباۋىل داتقا، وراقتى باتىر، كەرىمقۇل شەشەن، تاۋتان اقىن، تەزەك تورە، باقتىباي امانجولۇلى، ءسۇيىنباي ارونۇلى، ءماۋلىمباي ساياقباەۆ، قالقا جاپسارباەۆ، جۇماتاي جاقىپباەۆ، بەك توعىسباەۆ، تۇرسىنزادا ەسىمجانوۆ اتىنداعى سىيلىقتار، ون ەكى سىيلىق) — 150000 ت.

* مۇشايراعا ۇسىنىلعان شىعارمالار Times New Roman قارىپتەرىمەن تەرىلگەن WORD نۇسقاسىندا قابىلدانادى.

* ءمۇشايرانىڭ تاڭداۋلى تۋىندىلارى توپتاستىرىلىپ، جەكە جيناق رەتىندە جارىق كورەدى.

! ەسكەرتۋ:

قابىليسا جىراۋ تۋرالى زەرتتەۋلەر مەن ماقالالار، قابىليسا جىراۋدىڭ شىعارمالارىمەن مىنا سىلتەمە ارقىلى جەتە تانىسا الاسىزدار: قابىليسا. قابان جىراۋ.

بارشا سۇراقتار بويىنشا:

الماتى ق.، ابىلاي حان داڭعىلى، 105,

قازاقستان جازۋشىلار وداعىنىڭ عيماراتى.

+7(778) 9000900

+7(707) 7277799

email: aspanmedia@nail.ru نەمەسە alashtugan_e@mail.ru

Abai.kz