ورتالىق رەفەرەندۋم كوميسسياسى جالپىحالىقتىق رەفەرەندۋمنىڭ قورىتىندىسىن جاريالادى. كونستيتۋتسياعا وزگەرتۋلەر مەن تولىقتىرۋلار ەنگىزۋ جونىندەگى رەسپۋبليكالىق رەفەرەندۋمدى داۋىس بەرۋشىلەردىڭ 77 پايىزى قولداعان. 

«رەفەرەندۋمعا قاتىسۋ قۇقىعى بار قازاقستان رەسپۋبليكاسى ازاماتتارىنىڭ جالپى سانى 11 734 642 ادامدى قۇرادى. داۋىس بەرۋگە قاتىسقان ازاماتتاردىڭ سانى 7 985 769 نەمەسە رەفەرەندۋمعا قاتىسۋشى ازاماتتار سانىنىڭ 68,05 پايىزىن قۇرادى»، — دەدى كوميسسيا توراعاسى نۇرلان ءابدىروۆ.

ول رەفەرەندۋم ءوتتى دەپ ەسەپتەۋگە بولاتىنىن ايتتى.

كونستيتۋتسياعا وزگەرىستەر مەن تولىقتىرۋلار ەنگىزۋدى قولداعاندار 77,18%، قارسى بولعاندار 18,66% - دى قۇرادى. 2,58% بيۋللەتەن جارامسىز دەپ ەسەپتەلدى، ال، 1,58% بيۋللەنتەن داۋىستاردى ساناۋ كەزىندە ەسكەرىلمەگەن.

رەسپۋبليكا وڭىرلەرى اراسىندا الماتى قالاسىندا  32,99% ادام داۋىس بەرۋگە قاتىسسا، تۇركىستان وبلىسىندا 80,31% ادام رەفەرەندۋمعا قاتىسقان.

Abai.kz