قازاقستاننىڭ ەڭبەك سىڭىرگەن سپورتشىسى داۋلەت تۇرلىحانوۆ جۋرناليست امان تاسىعانعا بەرگەن سۇقباتىندا  "ديكي ارمان" لاقاپ اتىمەن تانىس ارمان جۇماگەلديەۆ تۋرالى ايتتى.

"ول كەزدە بەلگرادتا كۇرەس فەدەراتسياسىنىڭ ۇلكەن كونگرەسى وتكەن. مۇنىمەن قاتار بوكستان الەم چەمپيوناتى ءجۇرىپ جاتتى. قوناق ءۇيدىڭ استىنداعى ءدامحانادا وتىرعاندا ارماندى كورىپ قالدىم. ول كەلىپ، امانداستى. بىرگە سۋرەتكە تۇستىك. كەيىن بوكسشىلارعا سىياقىسىن بەرىپتى. ەندى ديكي ارمان تۋرالى جامان ەشتەڭە ايتا المايمىن. سەبەبى ءوز كوزىممەن كورگەن جوقپىن، الىپ-قاشپا اڭگىمەگە ىلەسپەيمىن", – دەدى ول.

تۇرلىحانوۆ «ءوسىپ كەلە جاتقان جاستاردى باقىلاۋدا ۇستايتىن» ديكي ارمان سياقتى ازاماتتار ساياساتتا كەرەك ەكەنىن ايتادى.

"ساياساتتا ارمانعا ۇقساعان ءتىپتى ودان اسىپ تۇسەتىن ازاماتتارعا مۇمكىندىك بەرۋ كەرەك. ويتكەنى ءوسىپ كەلە جاتقان جاستارعا قاراۋى قاجەت. ەگەر باقىلاۋ بولماسا، جاستار بىرىگىپ، ءتۇرلى توپتار پايدا بولادى. ايتايىن دەگەنىم، قازاقتىڭ جاس باتىرلارى كەرەك. وكىنىشكە وراي، قازىر ەشكىمدى باتىر دەپ ايتا المايمىز. بۇل – مەملەكەتتىڭ كەمشىلىگى", – دەيدى ول.

Abai.kz