قازاقستان پرەزيدەنتى قاسىم-جومارت توقاەۆتىڭ يران يسلام رەسپۋبليكاسىنا جاساعان ساپارى بارىسىندا ەكى مەملەكەتتىڭ اۋىل شارۋاشىلىعى مينيسترلەرى يرانعا 1 ملن توننا كولەمىندە استىق داقىلدارىن جەتكىزۋ تۋرالى مەموراندۋمعا قول قويدى. بۇل تۋرالى مينيسترلىكتىڭ ءباسپاسوز قىزمەتى حابارلاعان.

استىق 2022-2023 جىلدارىڭ ەگىنىنەن جەتكىزىلەتىن بولادى.

سونىمەن بىرگە، ەكى ەل اۋىل شارۋاشىلىعى ونىمدەرىنىڭ ساۋداسى مەن ترانزيتىندە ىنتىماقتاستىق تۋرالى مەموراندۋمعا قول قويدى. قۇجات شەڭبەرىندە قازاقستان يرانعا ءداندى داقىلدار (بيداي، ارپا، جۇگەرى), مايلى داقىلدار (زىعىر تۇقىمى), وسىمدىك مايلارى (كۇنباعىس مايى), كونديتەرلىك ونىمدەر، ەت (قوي ەتى، سيىر ەتى) جانە ەت ونىمدەرىن جەتكىزۋگە نيەتتى.

ءوز كەزەگىندە يران قازاقستانعا كوكونىستەر (كارتوپ، پياز، ءسابىز، قيار), جەمىستەر (الما، المۇرت، ايۆا، قۇرما، ءىنجىر، اناناس), سۋ مەن ءسۇت ونىمدەرىن جەتكىزەتىن بولادى.

ايتا كەتۋ كەرەك، 2022 جىلدىڭ قاڭتار-ناۋرىز ايلارىندا قر مەن ير اراسىنداعى اوك سالاسىنداعى تاۋار اينالىمى 167,5 ملن اقش دوللارىن قۇرادى، بۇل 2021 جىلدىڭ سايكەس كەزەڭىمەن سالىستىرعاندا 45,8% ارتىق. ەكسپورت 1,6 ەسەگە ءوسىپ، 135,7 ملن دوللاردى، ال يمپورت 16,1% ارتىپ، 31,8 ملن اقش دوللارىن قۇرادى.

Abai.kz