الماتى وبلىستىق اكىمدىك وتىرىسىندا وبلىس اكىمدىگىنىڭ بىلتىرعى اقپاندا شىققان «الماتى وبلىسى اۋماعىندا مەملەكەتتىك ءتىلدىڭ قولدانىس اياسىن كەڭەيتۋ تۋرالى» قاۋلىسىنىڭ ورىندالۋ بارىسى تالقىلاندى. قاۋلى شىققالى جىلدان استى. العاشىندا ماڭىزدى ىستە وڭ ناتيجەلەر كورىنىس بەرە باستاعان بولار دەگەن ويىمىز تەرىسكە شىقتى. قازاق ءتىلىنىڭ قادىرىن ارتتىرۋ جونىندە باتىل شارالار قولعا الىنا باستاعان العاشقى جىلدارى جۇمىسى باسقا وبلىستارعا ۇلگى بولعان جەتىسۋ جەرىندە بۇگىندە مەملەكەتتىك تىلگە دەگەن كوزقاراستا الا-قۇلالىق پەن نەمكەتتىلىك ورىن الا باستاعان سىڭايلى. بىرقاتار اۋداندار مەن وبلىستىق دەڭگەيدەگى مەكەمەلەر وسىدان بىرەر جىل بۇرىنعى كورسەتكىشتەرىنەن دە ايىرىلىپ قالىپتى. ماسەلەن، الاكول جانە جامبىل اۋداندارى سىندى حالقىنىڭ دەنىن جەرگىلىكتى جۇرتتىڭ وكىلدەرى قۇرايتىن اۋداندار بىلتىر 2007 جىلعى جەتىستىكتەرىنەن دە تومەندەپ، قازاق ءتىلىنىڭ قولدانىس اياسىن مۇلدە تارىلتىپ جىبەرىپتى. سونىمەن بىرگە ءبىلىم، دەنساۋلىق، تۋريزم، سپورت جانە دەنە تاربيەسى باسقارمالارى سىندى بولاشاق ۇرپاقتىڭ ءبىلىمدى، دەنساۋلىعى مىقتى، سالاۋاتتى بولىپ وسۋىنە ىقپال ەتەتىن سالالاردىڭ مەملەكەتتىك ءتىلدى مەنسىنبەۋىنە كىرىسكەنى قارىن اشىرادى. وسى ورايدا، وبلىس اكىمى سەرىك ابىكەنۇلىنىڭ اتالعان اۋداندار مەن باسقارمالار باسشىلارىنا قازاق ءتىلىنىڭ قادىرىن قاشىرعاندارىنا وراي رەنىش ءبىلدىرىپ، ءبىلىم جانە دەنساۋلىق ساقتاۋ باسقارمالارىنىڭ جاڭا باسشىلارىنا: «مەن سەندەردى مەملەكەتتىك ءتىلدىڭ مارتەبەسىن ءتۇسىرۋ ءۇشىن باسشىلىققا قويعام جوق.

الماتى وبلىستىق اكىمدىك وتىرىسىندا وبلىس اكىمدىگىنىڭ بىلتىرعى اقپاندا شىققان «الماتى وبلىسى اۋماعىندا مەملەكەتتىك ءتىلدىڭ قولدانىس اياسىن كەڭەيتۋ تۋرالى» قاۋلىسىنىڭ ورىندالۋ بارىسى تالقىلاندى. قاۋلى شىققالى جىلدان استى. العاشىندا ماڭىزدى ىستە وڭ ناتيجەلەر كورىنىس بەرە باستاعان بولار دەگەن ويىمىز تەرىسكە شىقتى. قازاق ءتىلىنىڭ قادىرىن ارتتىرۋ جونىندە باتىل شارالار قولعا الىنا باستاعان العاشقى جىلدارى جۇمىسى باسقا وبلىستارعا ۇلگى بولعان جەتىسۋ جەرىندە بۇگىندە مەملەكەتتىك تىلگە دەگەن كوزقاراستا الا-قۇلالىق پەن نەمكەتتىلىك ورىن الا باستاعان سىڭايلى. بىرقاتار اۋداندار مەن وبلىستىق دەڭگەيدەگى مەكەمەلەر وسىدان بىرەر جىل بۇرىنعى كورسەتكىشتەرىنەن دە ايىرىلىپ قالىپتى. ماسەلەن، الاكول جانە جامبىل اۋداندارى سىندى حالقىنىڭ دەنىن جەرگىلىكتى جۇرتتىڭ وكىلدەرى قۇرايتىن اۋداندار بىلتىر 2007 جىلعى جەتىستىكتەرىنەن دە تومەندەپ، قازاق ءتىلىنىڭ قولدانىس اياسىن مۇلدە تارىلتىپ جىبەرىپتى. سونىمەن بىرگە ءبىلىم، دەنساۋلىق، تۋريزم، سپورت جانە دەنە تاربيەسى باسقارمالارى سىندى بولاشاق ۇرپاقتىڭ ءبىلىمدى، دەنساۋلىعى مىقتى، سالاۋاتتى بولىپ وسۋىنە ىقپال ەتەتىن سالالاردىڭ مەملەكەتتىك ءتىلدى مەنسىنبەۋىنە كىرىسكەنى قارىن اشىرادى. وسى ورايدا، وبلىس اكىمى سەرىك ابىكەنۇلىنىڭ اتالعان اۋداندار مەن باسقارمالار باسشىلارىنا قازاق ءتىلىنىڭ قادىرىن قاشىرعاندارىنا وراي رەنىش ءبىلدىرىپ، ءبىلىم جانە دەنساۋلىق ساقتاۋ باسقارمالارىنىڭ جاڭا باسشىلارىنا: «مەن سەندەردى مەملەكەتتىك ءتىلدىڭ مارتەبەسىن ءتۇسىرۋ ءۇشىن باسشىلىققا قويعام جوق. ءوز ۇلتىنىڭ قۇندىلىقتارىن قادىرلەي المايتىن جەتەكشىلەردىڭ ماعان بەس تيىنعا دا كەرەگى جوق. سۇمدىق قوي، باستىق بولعاندارىڭا التى اي ەندى تولادى، جارتى جىلدا باسقانى ايتپاعاندا، انا ءتىلىمىزدى اتتان ءتۇسىرىپ تاستاۋعا جاقىنداپسىڭدىر. سوندىقتان تەز ارادا سەرپىلىڭدەر، ويتپەيدى ەكەنسىڭدەر، سەندەر جاساي الماي جاتقان قىزمەتتى  ابىرويمەن اتقاراتىن ازاماتتاردى تابامىن» دەگەنى، مەملەكەتتىك تىلگە قاتىستى تالاپتى تومەندەتىپ جىبەرگەن باسقا لاۋازىمدىلارعا دا سەس بولعانى انىق.