ءدال قازىرگى ۇلتتىق بانكتىڭ ءىس ارەكەتىن قولدايمىن. ارا-تۇرا دوللاردى نەگىزسىز قىمباتتاتقانىنان باسقاسىن. رەسەيگە 2014-تە العاشقى سانكتسيا سالىنعاندا نازارباەۆ قازاقستاندا دوللاردى 185 تەڭگەدەن ۇستاپ تۇردى. رەسەيدە 1 كۇندە دوللار 2 ەسە قىمباتتادى. ءبىز دوللاردى قولدان ۇستادىق. ەسەسىنە رۋبل 2.5-عا ءتۇسىپ كەتتى. جۇرتتار رەسەيدەن جاپپاي زات ساتىپ الا باستادى. ەستەرىڭىزدە بولسا كولىكتەر، پاتەرلەر، ازىق تۇلىك ءبارى رەسەيدەن قاپتادى. ەلىمىزدەگى از عانا ءوندىرىس جابىلۋ الدىندا قالدى. جازدا دوللاردى قىمباتتاتتى. بىراق 9 ايدا ۇلتتىق بانكتىڭ 28 ميلليارد دوللار جاراتىپ جىبەردى. سۇراۋى جوق نە دەگەن اقشا دەيمىن؟! سول اقشاعا نەشە زاۆود، فابريكا سوعار ەدى. قىزىعىن رەسەي كوردى. سونشا اقشانى قالاي جوق قىلعانىنىڭ ەسەبىن دە بەرمەدى-اۋ.

ەندى رۋبل قىمبات. رەسەيدە بۇگىن دوللار 51-گە ءتۇستى. ءدال قازىر ءرۋبلدىڭ ارتىنان قۋالاۋدىڭ قاجەتى جوق. بىزدە ونسىز دا ەكونوميكا رەسەي ءۇشىن جۇمىس ىستەپ كەلگەن ەدى. كەرەك بولسا ءرۋبلدى 10-عا شىعارا سالسىن. سول كەزدە رەسەيدىڭ تاۋارلارى قىمبات بولادى. ەسەسىنە ءبىزدىڭ تاۋارلار ارزانعا تۇسەدى. رەسەي ەندى بىزدەن تاۋار الا باستايدى. 2015-تەگى رۋبلدەن قازىرگى رۋبل 3 ەسە قىمبات. اۋىلدان 1 فۋرا داربىز اپارساڭ تەڭگەمەن 3 ەسە كوپ تابىس تاباسىڭ. جالپى رۋبلگە جالتاقتاماي وسىلاي تەڭگەنى نىق ۇستاۋ كەرەك. وسى جاعىنان توقاەۆقا ريزا بولىپ وتىرمىن. الدىندا ءرۋبلدى ارزان ۇستاعانى ءۇشىن رەسەيدىڭ تاۋارىنان اياق الىپ جۇرە المادىق. ەندى بىزدە شىقپاسا دا باسقا جەرلەردىڭ تاۋارىن ىزدەيتىن بولدىق.

سابيت رىسباەۆ

Abai.kz