قىرعىزستانداعى قازاق دياسپوراسىنىڭ بۇرىنعى باسشىسى مارات توكتوۋچيكوۆ ەكى جىل التى ايعا باس بوستاندىعىنان ايىرىلدى. بۇل تۋرالى Tengrinews.kz-كە سىلتەمە جاساپ Abai.kz حابارلايدى.  

بىشكەك پەرۆوماي اۋداندىق سوتىنىڭ ءباسپاسوز قىزمەتىنىڭ مالىمەتىنشە، ۇكىم 2022 جىلدىڭ 27 ماۋسىمىندا شىعارىلعان. ول قىرعىزستان رەسپۋبليكاسى قىلمىستىق كودەكسىنىڭ 307-بابى 1-بولىگىندە كوزدەلگەن قىلمىستى جاساعانى ءۇشىن كىنالى دەپ تانىلدى.

"وعان ەكى جىل التى اي مەرزىمگە باس بوستاندىعىنان ايىرۋ جازاسى تاعايىندالدى، جازاسىن جالپى رەجيمدەگى تۇزەۋ كولونياسىندا وتەيدى", - دەدى سوت وكىلدەرى.

توكتوۋچيكوۆ 2021 جىلدىڭ ساۋىرىندە مەملەكەتكە ساتقىندىق جاسادى دەگەن كۇدىكپەن قاماۋعا الىنعان. قازاق دياسپوراسىنىڭ بۇرىنعى باسشىسى - قىرعىزستان ازاماتى.

بۇل ءىس بويىنشا بەلگىلى ساياساتتانۋشى مارات قازاقپاەۆ تا كۇدىكتى بولعان، وعان قاتىستى سوت قىلمىستىق ءىستى توقتاتتى، سەبەبى قازاقپاەۆ بيىل 10 ماۋسىمدا ينسۋلتتان قايتىس بولدى. ول ۇقكۇ تەرگەۋ يزولياتورىندا بولعان.

Abai.kz