بۇگىندە الماتى قالاسى بويىنشا 44 مىڭنان استام بالا 594 سپورت سەكتسياسىنا تەگىن قاتىسادى. ال 1 179 شىعارماشىلىق ۇيىرمەگە ءبىر ۋاقىتتا 56 مىڭ بالا بارادى ەكەن. بۇل تۋرالى قالا اكىمى ەربولات دوساەۆ ءماسليحات وتىرىسى كەزىندە ايتتى.

«بۇل باستامانى الماتىلىقتار جاقسى باعالاپ وتىرعانىن ايتا كەتۋ قاجەت. ءوتىنىش وتە كوپ. بۇل 2,6 ملرد تەڭگە سوماسىنا كرەديتتىك بەرەشەكتىڭ قالىپتاسۋىنا سەبەپ بولدى (1,7 ملرد تگ. – سپورت،900 ملن. تگ. - مادەنيەت). وسىعان بايلانىستى، ەل پرەزيدەنتىنىڭ تاپسىرماسىن ورىنداۋ ماقساتىندا ءبىز قوسىمشا 4,5 ملرد تەڭگە قاراستىرىپ وتىرمىز. ونىڭ 3 ملرد تەڭگەسى سپورت سەكتسيالارىنا جانە 1,5 ملرد تەڭگەسى شىعارماشىلىق ۇيىرمەلەرگە بولىنەدى»، - دەدى قالا اكىمى.

بۇل رەتتە، ARTSPORTEDU.KZ باعدارلاماسىنىڭ وزىندە بالالاردىڭ، ءونىم بەرۋشىلەردىڭ دەرەكتەرىن تەكسەرۋگە، مەملەكەتتىك ورگانداردىڭ دەرەكتەر بازاسىمەن تولىق ينتەگراتسيانىڭ  بولماۋىنا بايلانىستى پروبلەمالار بار.

Abai.kz