قازاقستان ءۇشىن ماڭىزدى سالانىڭ ءبىرى ول تاريح. ۇزاق جىلدار بويى كسرو قۇرامىندا بولىپ، ۇلتتىق تاريحتى زەرتتەۋ مەن زەردەلەۋدەن كەندە قالدىق. كەڭەس بيلىگى ۇلتتىق تاريحتى زەرتتەۋگە تىيىم سالىپ، قۇجاتتىڭ بارلىعىن ارحيۆكە تىعىپ، كىرۋگە تىيىم سالىندى. شاڭ باسقان ارحيۆ سورەلەرىندە ۇلتتىڭ تاريحى دا شاڭ جۇتىپ جاتتى. بىراق ول كەزەڭ كەلمەسكە كەتتى. ەندى ءبىز ءوز تاريحىمىزدى زەرتتەۋدى جۇيەلى جۇزەگە اسىرۋدامىز. سونىڭ باسىم باعىتىنىڭ ءبىرى ارحيۆشىلەردى دايىنداۋ، ولاردىڭ بىلىكتىلىگىن ارتتىرۋ، تاجىريبە الماسۋدى كوبەيتۋ. 

الماتىدا جاس ارحيۆشىلەردىڭ V حالىقارالىق جازعى مەكتەبى باستالدى. ءىس-شارا قر پرەزيدەنتى ءارحيۆىنىڭ بازاسى نەگىزىندە وتكىزىلىپ جاتىر.

وعان ءازىربايجان، رەسەي مەن ارمەنيا جانە كورشىلەس مەملەكەتتەردىڭ 300-دەن اسا جاس مۇراعاتشى قاتىسادى. باعدارلاماعا سايكەس شەبەرلىك ساباقتارى 17 ماۋسىمعا دەيىن جالعاسادى.

«شارانىڭ ماقساتى – ارحيۆ سالاسىنداعى جاس مامانداردىڭ بىلىكتىلىگىن ارتتىرۋ. ولاردى جاڭا زاماناۋي تەحنولوگيالار مەن ارحيۆ سالاسىنداعى جاڭا ادىستەرمەن تانىستىرۋ. سونداي-اق حالىقارالىق قاتىناستاردى دامىتۋ بولىپ تابىلادى»، – دەدى قر پرەزيدەنتى ءارحيۆى وقۋ-ادىستەمەلىك ورتالىعىنىڭ باسشىسى مۇحاممەد جىلگەلدينوۆ.

Abai.kz