قازاقتىڭ ديماش قۇدايبەرگەنى، مەن ۇمىتپاسام، ەڭ العاش رەت ورىستىڭ «سلاۆيان بازارى» سىيلىعىن  «بەرسەڭ - قولىڭنان، بەرمەسەڭ - جولىڭنان» دەپ، تارتىپ الدى...

سول كەزدە «توي قازىنا» جۋرنالىن باسقارعان مەنىڭ مىڭجان دوسىم ديماشقا ورىستاردىڭ ءبىراز قىساستىق جاساعانىن ايتىپ ەدى... سودان كەيىن ديماش كۇنشىعىس ەلى - قىتايدى باعىندىردى. «قىتايعا تانىلۋ دەگەن - دۇنيەنىڭ ءتورت بۇرىشى ءبىلۋ» دەگەن ءسوز.

سوسىن، سول كەزدەگى ورىستاردى قازاق ەلشىسى يمانعالي تاسماعامبەتوۆ اعامىز ديماش ءىنىسى مەن ورىس كومپوزيتورى يگور كرۋتوي­دىڭ ىنتىماقتاستىعىنا ىقپال ەتكەن سياقتى. نەسى بار، ونەر ادامدارىنىڭ اراسىنداعى ىنتىماقتاستىق - كومپوزيتوردىڭ ءان جازۋى مەن ءانشىنىڭ ءاندى ورىنداۋى كەز كەلگەن ەلدەگى قالىپتى، تابيعي دۇنيە.

بىراق، وزبىر ورىس - ەشقاشان ءوزىنىڭ ساسىپ-بۇكسۋىن قويمايدى. مىنە، تاعى دا ورىس ارتىستەرى ديماش قۇدايبەرگەندى «ساتقىن» دەپ ايىپتاۋعا تىرىسىپ، ساندالىپ جاتقان كورىنەدى...

بۇل – قازاقتىڭ مىقتىلىعىن، ديماشتىڭ تالانتىن كورەالماۋشىلىق.

ايتپەسە، ديماشقا بارلىق ءزاۋلىم ساحنالارى مەن تەلەارنالارىن بەرىپ، الەمگە تانىلۋىنا بىردەن-ءبىر ەڭبەگى سىڭگەن قىتاي جۇرتى «ءلام-ميم» دەپ، ءبىر اۋىز ارتىق ءسوز ايتقان ەمەس! مىنە، شىعىستىڭ دانالىعى! ويتكەنى، ديماشتىڭ تانىلۋىنا ءبىرىنشى سەبەپ – ءوزىنىڭ تابيعي زور تالانتى! كورەگەن كونفۋتسيدىڭ كورگەندى ەلى - مۇنى تەرەڭ تۇسىنەدى...

ال، رەسەيلىك باق-تىڭ «رەسەيلىك جۇلدىزدار ديماش قۇدايبەرگەننەن باس تارتتى» دەپ مالىمدەۋى - كورگەنسىزدىكتىڭ كورىنىسى عانا. كورگەنسىزدەردىڭ قاتارىندا فيليپپ كيركوروۆ، نيكولاي باسكوۆ، لاريسا دولينا، ستاس پيەحا، يۋليا ساۆيچەۆا، پولينا گاگارينا، دومينيك دجوكەر جانە ت.ب. بار ەكەن.

مەنىڭشە، يگور كرۋتوي - ديماشتى سۇيرەگەن جوق، كەرىسىنشە، جاسى كارىلىككە جاقىنداپ، ساحنادان الىستاپ بارا جاتقان كرۋتويدى ديماش العا تارتىپ، ءتىرىلتتى. دەمەك، ديماش - كرۋتويعا ەمەس، كەرىسىنشە، كرۋتوي ديماشقا العىسىن ايتۋى كەرەك.

ديماشتىڭ كرۋتويمەن قارىم-قاتىناسىنىڭ بۇزىلۋى تۋرالى قاۋەسەتتەر شىعىسىمەن، دي­ماش­قا تابىنىپ، ماقتاۋعا ءسوز تاپپاي جۇرگەن ور­ىستىڭ بەلگىلى انشىلەرىنىڭ - 180 گرادۋسقا ءوز­گەرىپ شىعا كەلۋى - ولاردىڭ ناداندىقتارى مەن ساتقىندىقتارىنىڭ عانا دالەلى بولا الا­دى. ءتىپتى، «كەلەسى كونتسەرتتىك تۋرىنا ديماش - رەسەيدىڭ بىردە ءبىر قالاسىن قوسپادى. ول «ارنايى اسكەري وپەراتسيا» (ۋكراينداعى سوعىس) تۋرالى ەشقانداي پىكىر بىلدىرمەدى. بىراق، بۇل - رۋسوفوبيا (ورىستاردى جەك كورۋشىلىك) بولىپ سانالادى» دەگەن پروديۋسەر دميتري اشۋروۆ ءسوزى - قازىرگى ورىس انشىلەردىڭ ءبارى - جاۋىز پۋتلەردىڭ تابانىنىڭ استىندا جاتقانىن كورسەتەدى.

ال، اسا تالانتتى قازاق بۇلبۇلى ديماش قۇ­داي­بەرگەن - بەيبىتشىلىك ءانشىسى، باقىتتىڭ جارشىسى. مەن ديماشقا كەلەسى كونتسەرتتىك تۋرىن «رەسەيسىز - رەسپەكت!» («Respect - without Russia!») دەپ اتاۋعا ۇسىنىس جاسايمىن.

قاجىمۇقان عابدوللا

Abai.kz