رەسەي ءسىم اقپارات جانە ءباسپاسوز دەپارتامەنتى ديرەكتورىنىڭ ورىنباسارى يۆان نەچاەۆ قازاقستان مەكتەپتەرىندە ورىس سىنىپتارىن جابۋ جوسپارلانىپ وتىر دەگەن جاڭالىققا پىكىر ءبىلدىردى.

"قازاقستان مەكتەپتەردەگى ورىس سىنىپتارىن التى-جەتى جىلدا جابۋى مۇمكىن دەگەن رەسەيلىك جانە قازاقستاندىق باق-تا پايدا بولعان اقپاراتقا قالاي تۇسىنىكتەمە بەرە الاسىز؟" - دەگەن سۇراق قويىلدى.

بۇعان يۆان نەچاەۆ: "15 تامىز كۇنى رەسمي قازاقستاندىق Stopfake.kz پورتالى بۇل سىبىستى جوققا شىعاردى. قازىر الەۋمەتتىك جەلىلەردە بەلسەندى تۇردە جاريالانىپ، " قازاقستانداعى ورىس مەكتەپتەرىنىڭ بولاشاعى جوق پا؟" دەگەن جاڭالىق ەكى جىل بۇرىن ەفيرگە شىققان. وندا ورتا ءبىلىم بەرۋ سالاسىنداعى ۇردىستەر، ونىڭ ىشىندە رەسپۋبليكانىڭ ورىس ءتىلدى مەكتەپتەرىندەگى وقۋشىلار سانىنىڭ ازايۋى تالقىلاندى", - دەپ جاۋاپ بەردى.

"ەل باسشىلىعىنىڭ ورىس ءتىلدى سىنىپتاردان باس تارتۋ جوسپارى تۋرالى ايتاتىن بولساق، بۇل تۋرالى قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى شولپان كارينوۆا تۇسىنىكتەمە بەردى. اتاپ ايتقاندا، ول اقپاراتتىڭ شىندىققا جاناسپايتىنىن جانە قازاق پەن ورىس  تىلىندە وقىتاتىن سىنىپتاردا ورىس ءتىلى بۇرىنعى رەجيمدە وقىتىلىپ جاتقانىن، باسقا جوسپارلار جوعىن ايتقان بولاتىن", - دەپ قوستى نەچاەۆ.

نەچاەۆ رەسمي دەرەكتەر بويىنشا، 2022 جىلى قازاقستاندا ورىس تىلىندە وقىتاتىن 1 160 مەكتەپ (16,6%); قازاق جانە ورىس تىلدەرىندە وقىتاتىن 2047 مەكتەپ (29,4%) جۇمىس ىستەيتىنىن اتادى.  قازاقستاندا ورىس تىلىندە وقيتىنداردىڭ ۇلەسى 30,9% - دى قۇرايدى. سونىمەن قاتار، ورىس ءتىلى ءپان رەتىندە بارلىق مەكتەپتەردە وقىتىلادى.

"سونىمەن قاتار، الەۋمەتتىك جەلىلەر مەن باق-تا رەسەي – قازاقستان ىنتىماقتاستىعىنا قاتىستى "فەيكتەردىڭ" كۇرت ارتۋىنا نازار اۋداردى. ولاردى ارتىندا رەسەي مەن قازاقستاندى ارازداستىرۋ، سونداي-اق قازاقستاننىڭ كوپۇلتتى قوعامىنىڭ ىشىندە شيەلەنىس بولعانىن قالايتىندار تۇرعانىن جوققا شىعارمايمىز", - دەپ تۇيىندەدى يۆان نەچاەۆ.

Abai.kz