استاناداعى № 2 بايقوڭىر اۋداندىق سوتىندا قايرات ساتىبالدىۇلىنىڭ ۇستىنەن قوزعالعان قىلمىستىق ءىس بويىنشا سوت باستالدى. سوتتىڭ العاشقى وتىرىسى 16 قىركۇيەكتە ءوتتى، كەلەسىسى 20 20 قىركۇيەككە بەلگىلەندى.

جەرگىلىكتى اقپارات قۇرالدارىنىڭ مالىمەتىنشە، ەكس-پرەزيدەنت نۇرسۇلتان نازارباەۆتىڭ نەمەرە ءىنىسى قايرات ساتىبالدىعا "وزگەنىڭ سەنىمىنە كىرۋ نەمەسە الداۋ ارقىلى مۇلكىن ءبۇلدىرۋ" جانە "وزگەنىڭ مۇلكىن مەنشىكتەۋ نەمەسە تالان-تاراجعا سالۋ" باپتارى نەگىزىندە ايىپ تاعىلعان.

قازاقستاننىڭ جەمقورلىقپەن كۇرەس جونىندەگى قىزمەتى قايرات ساتىبالدى ءىسىن تەرگەۋ اياقتالعانىن 24 تامىزدا جاريالاعان. سول كەزدە مەملەكەتتىك قىزمەت "تەرگەۋ بارىسىندا زاڭسىز جولمەن كەلگەن 500 ميلليون دوللاردان اسا قاراجات مەملەكەتكە قايتارىلدى" دەپ حابارلاعان. بۇعان قوسا، "سالىق پەن كەدەن الىمدارىن تولەۋدەن جالتارۋ، زاڭسىز تابىستى زاڭداستىرۋ" ايىپتارى بويىنشا قوسىمشا تەرگەۋ ءجۇرىپ جاتقان ءمالىم بولعان.

ەكس-پرەزيدەنت نۇرسۇلتان نازارباەۆتىڭ نەمەرە ءىنىسى، 51 جاستاعى قايرات ساتىبالدى "Kaspi.kz" اق نەگىزگى اكتسيونەرى بولدى. ول ءار جىلدارى مەملەكەتتىك قىزمەتتە ىستەدى. 2000 جىلدارى استانا قالاسى (قازىرگى نۇر-سۇلتان) اكىمىنىڭ ورىنباسارى، "KazakhOil" كومپانياسىنىڭ ۆيتسە-پرەزيدەنتى، "قازاقستان تەمىر جولى" كومپانياسىنىڭ ءبىرىنشى ۆيتسە-پرەزيدەنتى بولدى. 2010-2015 جىلدارى پرەزيدەنتتىكتەن كەتسە دە، بيلىككە ىقپالىن ساقتاۋعا تىرىسقان اعاسى، بۇرىنعى پرەزيدەنت نۇرسۇلتان نازارباەۆتىڭ "نۇر وتان" پارتياسىندا حاتشى بولدى.

بيىل قاڭتاردا جارىق كورگەن زەرتەۋىندە ازاتتىق ليۋكسەمبۋرگتىڭ LRB رەەسترىندەگى دەرەككە سۇيەنىپ، قايرات ساتىبالدىنىڭ Skyline Investment Company S.A. وفشور فيرماسىنىڭ جالعىز قۇرىلتايشىسى ەكەنىن جازعان. اشىق دەرەككوزگە سۇيەنسەك. 2016 جىلى ساتىبالدى Alatau Capital Invest دەپ اتالاتىن كومپانياسى ارقىلى «قازاقتەلەكومنىڭ» 4 پايىزعا جەتپەيتىن اكتسياسىن ساتىپ العان.

Abai.kz