پارتيالىق ەمەس بايقاۋ ورتالىعى رەسپۋبليكا پرەزيدەنتىن سايلاۋ پروتسەسىنە قاتىساتىنى تۋرالى مالىمدەمە جاريالادى.

مەملەكەت باسشىسى 2022 جىلعى 20 قاراشاعا قازاقستان رەسپۋبليكاسى پرەزيدەنتىنىڭ سايلاۋىن تاعايىندادى.
بيلىكتىڭ اشىقتىعى مەن قوعامعا ەسەپ بەرۋىن قامتاماسىز ەتۋ قاعيداتتارىنا ادالدىقتى باسا كورسەتە وتىرىپ، ءبىز سايلاۋ پروتسەسىنە بەلسەندى قاتىسۋعا جانە پرەزيدەنتتىك سايلاۋدى وبەكتيۆتى باقىلاۋدى جۇزەگە اسىرۋعا نيەتىمىزدى بىلدىرەمىز.

ءبىز، ازاماتتىق قوعام وكىلدەرى دەموكراتيانى دامىتۋدى، قوعامنىڭ مەملەكەتتى باسقارۋداعى مۇمكىندىكتەرىن كەڭەيتۋدى جاقتايمىز. الداعى سايلاۋ - ءاربىر قازاقستاندىق ءۇشىن ماڭىزدى وقيعا، ول ەلىمىزدىڭ كوشباسشىسىنا قاتىستى حالىقتىڭ تاڭداۋىن انىقتايدى.

ءبىزدىڭ باستى ماقساتىمىز – بۇكىل سايلاۋ پروتسەسىنىڭ زاڭدىلىعى مەن ادىلدىگىن قامتاماسىز ەتۋ، داۋىس بەرۋدىڭ اشىقتىعى مەن جاريالىلىعىنىڭ مۇلتىكسىز ساقتالۋىنا ات سالىسۋ. ءبىز سايلاۋعا دايىندىقتىڭ بارلىق ساتىلارىندا جانە داۋىس بەرۋ كۇنىندە بايقاۋدى قامتاماسىز ەتۋ ءۇشىن ازاماتتىق قوعام كۇشتەرىن تارتۋعا نيەتتىمىز.

ءبىز - ءادىل سايلاۋ ءۇشىن، ەرتەڭگى كۇنگە دەگەن سەنىم ءۇشىن، ەلىمىزدىڭ جارقىن بولاشاعى ءۇشىن اتسالىسامىز. 

Abai.kz