جۇما, 29 ناۋرىز 2024
46 - ءسوز 5054 10 پىكىر 27 قىركۇيەك, 2022 ساعات 21:48

بىرلىك پەن ىنتىماق ورگە باستايدى

الەم تىنىشسىز. بۇگىنگى بولىپ جاتقان جاڭالىق كەشكە ەسكىرىپ قالىپ جاتىر. دۇنيە وسىلاي قىرىق قۇبىلىپ جاتقان كەزەڭدە ەلدىڭ تىنىشتىعىن، بىرلىگىن  قامتاماسسىز ەتەتىن جانە ەلى مەن حالقىنا دۇركىن-دۇركىن ءوزىنىڭ جاڭا جوبالارىمەن، ساياسي-ەكونوميكالىق باعىت-باعدارداعى جولداۋىمەن شىعىپ وتىرعان قازاقستان پرەزيدەنتىنىڭ  حالىق تالقىسىنا سالىپ، سول ارقىلى قولداعان ۇسىنىستاردىڭ نەگىزى بار.

ويتكەنى ءبىز ءۇشىن قازىر جەتى جىل ما، الدە ەلدىڭ تىنىشتىعى مەن ىرگەسىنىڭ شايقالماۋىن قامتاماسىز ەتەتىن ۇلكەندى-كىشىلى ەكونوميكالىق ساياسي فاكتور بولا ما، قانداي تۇلعا بيلىك باسىنا كەلەدى، ول ەل باعىتىنىڭ دامۋىن قالاي الىپ جۇرەدى دەگەن ساۋالداردىڭ ءبارى ماڭىزدى. بىراق وسىنىڭ ءبارىن قاسىم-جومارت كەمەلۇلى قاڭتار وقيعاسىنان بەرى حالىققا اشىق ايتىپ كەلە جاتىر. ەندى وعان پرينتسيپتەرىن ورىنداۋ ءۇشىن ۋاقىت كەرەك. جەتى جىل مەرزىمى كەز كەلگەن پرەزيدەنتتەرگە دە جۇرەدى. سول ارالىقتا ەلگە ءوزىنىڭ ويىن، مۇراتىن، مۇددەسىن جۇزەگە اسىراتىن ۋاقىت.

بۇگىنگى ءبىزدىڭ اقيقاتقا ورالساق، مىناۋ تىنىشسىز الەمدە نەگىزى شايقالماي، الەمگە ءوزىنىڭ ابىروي بەدەلىمەن، ءبىر سوزدىگىمەن، بىربەتكەيلىگىمەن تانىلعان تۇلعاعا – بۇل ۇلكەن قولداۋ. باتىس پەن شىعىستاعى، سولتۇستىك پەن وڭتۇستىكتەگى عالامدىق كوزقاراستار، سان-ساققا جۇگىرىپ وتىرعان ەلدەردىڭ كوزى مەن كوڭىلى ۇيرەنگەنشە، ءبىز كوپ نارسەدە كەيىنگە كەتىپ قالامىز. جولداۋىندا ايتقان بەس باعىتتى ەكونوميكالىق ماقساتىن جۇزەگە اسىرۋ ءۇشىن ەلدىڭ ءتاستۇيىن بولىپ بىرىگۋىنە مۇمكىندىك بەرەتىن كونستيتۋتسيالىق وزگەرىس تە كەرەك. سايلاۋدىڭ دا ءوتۋى قاجەت. الەمنىڭ بۇكىل ەلىمەن ءتىل تابىسىپ، دەموكراتيالىق جۇيەنىڭ شىن ماعىناسىنداعى قازاقستاندىق ۇلگىسى قالاي بولاتىنىن دالەلدەگەن تۇلعانىڭ توڭىرەگىندە قازاقستاندىقتار ۇيىسۋى كەرەك دەپ ويلايمىن.

 

نۇرلان ورازالين

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3620