ەرلان قوشانوۆ: "مينيسترلىكتىڭ دايىن ەمەس وكىلدەرى بولسا، ورىندارىنا باسقا ادامدار كەلسىن"
ءماجىلىستىڭ بۇگىنگى جالپى وتىرىسىندا پالاتا توراعاسى ەرلان قوشانوۆ ۇكىمەت مۇشەلەرىنە ەسكەرتۋ جاسادى.
ەرلان قوشانوۆ ۆەدومستۆو وكىلدەرى تەك قاعازدا كورسەتىلگەن انىقتامالاردى وقۋمەن عانا شەكتەلەتىنىنە شۇيلىكتى.
"مەن كەيبىر مينيسترلىك وكىلدەرىنە ەسكەرتپە جاسايىن دەپ ەدىم. پلەنارلىق وتىرىسقا دايىندالىپ كەلۋ كەرەك. قول استىلارىڭىزداعى ادامداردىڭ جازىپ بەرگەن انىقتاماسىن بۇل جەردە وقۋ قاجەت ەمەس. بۇل سۇراقتاردىڭ بارلىعى جۇمىس توبىنىڭ وتىرىسىندا جانە كوميتەتتىڭ وتىرىسىندا تالقىلاندى. ال بۇل جەرگە كەلگەندە سىزدەر ونى بەس ساۋساقتاي ءبىلىپ تۇرۋلارىڭىز كەرەك. مەن ۇكىمەتتىڭ وكىلىنە دە وسى ەسكەرتۋدى ايتامىن، پرەمەر-مينيسترگە جەتكىزىڭىز. ەگەر دە وسى جەردە مينيسترلىكتىڭ دايىن ەمەس وكىلدەرى بولسا، ورىندارىنا باسقا ادامدار كەلسىن", - دەپ ەسكەرتۋ جاسادى ءماجىلىس توراعاسى.
Abai.kz
