20 قاراشادا قازاقستاندا كەزەكتەن تىس پرەزيدەنت سايلاۋى وتەدى. پرەزيدەنت سايلاۋىنا كانديداتتار ۇسىنۋ 23 قىركۇيەكتە باستالدى. كانديداتتاردى ۇسىنۋ ناۋقانى 11 قازان، كەشكى ساعات 6-عا دەيىن سوزىلادى. ولاردى رەسپۋبليكالىق قوعامدىق بىرلەستىكتەر ۇسىنادى. ال ءاربىر ۇمىتكەر 3 ملن تەڭگە جارنا تولەۋگە مىندەتتى.

پرەزيدەنت سايلاۋىنا ۇمىتكەر رەتىندە ۇسىنىلعاندار:

جيگۋلي دايراباەۆ – «اۋىل» پارتياسى اتىنان;

نۇرلان اۋەسباەۆ - جالپىۇلتتىق سوتسيال-دەموكراتيالىق پارتيا اتىنان;

مەيرام قاجىكەن – «امانات» قازاقستان كاسىپوداقتار دوستاستىعى بىرلەستىگى اتىنان;

قاسىم-جومارت توقاەۆ - حالىقتىق كواليتسيا اتىنان;

قاراقات ابدەن – «كاسىبي الەۋمەتتىك جۇمىسكەرلەر ۇلتتىق اليانسى» بىرلەستىگى اتىنان.

ال، پرەزيدەنتتىككە كانديدات رەتىندە ۇسىنىلعان نۇرجان التاەۆتىڭ قۇجاتتارى بۇرمالانۋ فاكتىسىنە تەكسەرىلىپ جاتىر.

Abai.kz