سايلاۋدا قازاقستان حالقىنىڭ سەنىم مانداتى الىندى دەۋگە تولىق نەگىز بار
سونىمەن، ورتالىق سايلاۋ كوميسسياسىنىڭ الدىن الا قورىتىندىسى بويىنشا قاسىم-جومارت كەمەلۇلى توقاەۆ 81,31% داۋىس جينادى.
وزگە كانديداتتار بويىنشا:
جيگۋلي دايراباەۆ - 3,42%
قاراقات ابدەن - 2,60%
مەيرام قاجىكەن - 2,53%
نۇرلان اۋەسباەۆ - 2,22%
سالتانات تۇرسىنبەكوۆا - 2,12%
«بارىنە قارسى» — 5,80%
قازاقستان حالقى مەملەكەت باسشىسى قاسىم-جومارت كەمەلۇلى توقاەۆتىڭ جۇرگىزىپ وتىرعان رەفورمالارىنا، سايلاۋالدى باعدارلاماسىنا، الداعى 7 جىلدا پرەزيدەنت اتقارعالى وتىرعان باستامالارعا قولداۋ ءبىلدىرىپ ءوز تاڭداۋىن جاسادى. مىقتى ساياسي تۇلعا جەڭىسكە جەتتى. حالقىمىز ەلدىڭ بولاشاعىن مەملەكەت باسشىسىنا سەنىپ تاپسىردى. گەوساياسي احۋال كۇردەلى كەزەڭدە ەل تىزگىنىن ۇستاۋعا لايىقتى تۇلعا دەپ قازاقستان حالقى قاسىم-جومارت كەمەلۇلى توقاەۆتىڭ كانديداتۋراسىن قولدادى. بۇل فاكت!
سايلاۋدا قازاقستان حالقىنىڭ سەنىم مانداتى الىندى دەۋگە تولىق نەگىز بار. ەندىگى مىندەت الداعى 7 جىلدا ەلدىڭ سەنىمىن اقتاۋ.
پرەزيدەنت قاسىم-جومارت كەمەلۇلى توقاەۆ: «حالىقتىڭ سەنىمىن ءبارىمىز اقتاۋىمىز كەرەك. بۇگىن، مىنە 21 قاراشادان باستاپ ءبارىمىز جۇمىسقا كىرىسۋىمىز قاجەت» دەپ اتاپ ءوتتى.
ادىلەتتى قازاقستاندى حالقىمىزبەن بىرگە قۇراتىن تاريحتىڭ جاڭا پاراعى، جاڭا ءداۋىرى اشىلدى. تاۋەلسىز قازاقستاننىڭ دامۋىنداعى كەلەسى كەزەڭگە حالقىمىزبەن بىرگە قادام باستىق. ەلىمىز ءۇشىن تابىستى، بەرەكەلى، ىنتىماعى جاراسقان، مەملەكەتتىك مۇددەگە ۇيىسقان، جاسامپاز قوعامى دامىعان ەل بولۋدى جازسىن!
ەلىمىز امان، جۇرتىمىز تىنىش بولسىن!
باۋىرجان سەرىكباەۆ
Abai.kz
