سەيسەنبى, 31 قاڭتار 2023
بيلىك 1394 0 پىكىر 28 قاراشا, 2022 ساعات 12:03

وڭىرلىك فورۋم: توقاەۆتىڭ رەسەيگە ساپارى

قازاقستان پرەزيدەنتى قاسىم جومارت توقاەۆ ءپۋتيننىڭ رەسمي شاقىرتۋى بويىنشا رەسەيگە رەسمي ساپارمەن باردى. تاراپتار اراسىنداعى كەلىسسوزدەر ءوتىپ، ارتىنشا وڭىرلىك فورۋم بولۋى كۇتىلۋدە. 

قازاقستان مەن رەسەي اراسىنداعى وڭىرلىك فورۋم ءوز باستاۋىن 2003 جىلدان الادى. 2003 جىلى ومبى قالاسىندا ەكى ەل اراسىنداعى العاشقى فورۋم وتكەن بولاتىن. سول جىلدان باستاپ ەكى ەل باسشىلارى شەكارالاس ايماقتاردىڭ بىرىندە كەزدەسىپ، ەكى ەل اراسىنداعى وزەكتى ماسەلەلەردى تالقىلاپ كەلەدى. فورۋم ءبىر جىلى قازاقستاندا، ءبىر جىلى رەسەيدە وتەدى.

فورۋمدا ەكونوميكا، ەكولوگيا، ساۋدا قاتىناسى مەن لوگيستيكانى دامىتۋ، ءبىلىم مەن عىلىمداعى ارىپتەستىك جانە تاعى باسقا تاقىرىپتار كوتەرىلەدى. وتكەن جىلى XVII فورۋم ونلاين فورماتتا ءوتىپ، جاسىل ەكونوميكا مەن ەكولوگيا تاقىرىبىنا ارنالدى. جايىق، ەرتىستىڭ ماسەلەسى كوتەرىلىپ، ەكىجاقتى سۋ كوزدەرىن ءتيىمدى پايدالانۋ ايتىلدى.

بۇگىن ورىنبوردا XVIII فورۋم وتەدى. فورۋمدا رەسەيلىك دەلەگاتسيانى الەكسەي وۆەرچۋك باستاسا، قازاقستان دەلەگاتسياسىن سەرىك جۇمانعارين باستاپ باردى. فورۋمعا رەسەي جانە قازاقستان ايماقتارىنىڭ باسشىلارى دا قاتىسادى.

فورۋم ەكى ەل اراسىنداعى سۋ جولدارىن دامىتۋ مەن ەكونوميكالىق بايلانىستى نىعايتۋعا باعىتتالىپ وتىر. ءتورت سەكتسيادا ءتۇرلى تاقىرىپتار كوتەرىلىپ، تالقىعا سالىنباق. بيزنەس جوبالاردى قولداۋ، بىرلەسە جاساۋ ماسەلەسى دە ءسوز بولادى. فورۋمعا قازاقستان پرەزيدەنتى توقاەۆ پەن رەسەي باسشىسى پۋتين ونلاين رەجيمدە قاتىسىپ، بايانداما جاسايدى.

Abai.kz

0 پىكىر

ۇزدىك ماتەريالدار

انىق-قانىعى

جاقيانوۆ: ماعان اشىق جالا جابۋعا كىرىستى...

عالىمجان جاقيانوۆ 3252
ايقاي

ەلدە ۇلتتىق يدەولوگيا وتە ءالسىز...

بەيسەنعازى ۇلىقبەك 1968