الماتىدا 524 ساۋدا نىسانى زاڭسىز جۇمىس ىستەپ تۇر
الماتى اكىمدىگى ستاتسيونارلىق ەمەس ساۋدا نىساندارىن ورناتۋ مەن پايدالانۋ جونىندەگى جاڭا ەرەجەلەردى بەكىتتى. بۇل تۋرالى قالا باسشىسى ەربولات دوساەۆ مەدەۋ اۋدانىنىڭ تۇرعىندارىمەن كەزدەسۋدە ايتتى.
«قالادا بارلىعى زاڭ اياسىندا جۇمىس ىستەۋى كەرەك. بۇل – ءوزارا سىيلاستىقتىڭ ماسەلەسى. اركىم ءوز مىندەتىن ورىنداۋى ءتيىس. ءبىز ستاتسيونارلىق ەمەس ساۋدا نىساندارىن ورناتۋ جانە پايدالانۋ جونىندەگى جاڭا ەرەجەلەردى قالالىق ماسليحاتقا ۇسىندىق. سەبەبى، قالادا زاڭداستىرىلماعان 524 ساۋدا نىسانى بار. ولاردىڭ جۇمىس ىستەۋىنە مۇمكىندىك بەرەتىن بىردە-ءبىر رۇقسات قاعازى جوق»، - دەدى ەربولات دوساەۆ.
«قالا تابىسىنىڭ 4-تەن 3-بولىگى شاعىن جانە ورتا بيزنەستەن كەلەدى. سوندىقتان بارلىعى زاڭ اياسىندا رەتتەلۋى كەرەك. مەن بۇل ماسەلەمەن جەكە اينالىسۋعا دايىنمىن»، - دەدى الماتى قالاسىنىڭ اكىمى ەربولات دوساەۆ.
