ولاردىڭ سوزىنشە، بۇعان دەيىن "پوليتسيا كەلىپ، كيىز ۇيلەرىن تارتىپ العان", كومپانيا باسشىلىعى "ايلىقتى ءوسىرۋ مۇمكىن ەمەس" دەگەن سوزىنەن تانباعان. ال Phystech 2 وكىلدەرى جۇمىسشىلاردىڭ تالابى "نەگىزسىز" دەپ سانايدى.
15 جەلتوقساندا ازاتتىققا بەرگەن سۇحباتىندا مۇنايشىلار كومپانيا ديرەكتورى ەرنار بايجاليەۆ پەن ورىنباسارى تالعات قادىروۆتىڭ جۇمىستان كەتۋىن دە تالاپ ەتتى.
ء“ۇش كۇن ايازدا دالادا تۇرعاندا “اۆتوبۋسقا وتىرىڭدار” دەگەننەن باسقا ەشتەڭە ىستەگەن جوق. تالاپتارىمىز ورىندالمادى. الداعى ۋاقىتتا ولارمەن جۇمىس ىستەي المايمىز” دەيدى جۇمىسشىنىڭ ءبىرى.
ۆاحتالىق ءتارتىپپىن ىستەيتىن مۇنايشىلار 12 جەلتوقساندا كەن ورنىنا جاقىن دالاعا كيىز ءۇي تىگىپ، نارازىلىق رەتىندە دالادا قونا باستاعان. الايدا ىزىنشە پوليتسيا كەلىپ، "كيىز ۇيلەرىن تارتىپ الىپ", جۇرتتى ايازدا دالادا قالدىرعان. ونىڭ الدىندا اكىمدىك وكىلدەرى كەلىپ، شارانىڭ "زاڭسىز" ەكەنىن ەسكەرتىپ، مۇنايشىلاردى تاراتۋعا تىرىسقان. جۇمىسشىلار سوزىنشە، بىرنەشە ادام سۋىقتا اۋىرىپ قالىپ، ۇيىنە قايتقان. ولار “نارازىلىقتى پوليتسيا باقىلاپ تۇر” دەدى.
جۇمىسشىلار ازاتتىققا 15 جەلتوقساندا ءتۇسىرىلدى دەگەن ۆيدەونى دا جىبەردى. وندا كيىز ءۇيدىڭ جوعى، جۇمىسشىلاردىڭ كورپە ورانىپ، دالادا تۇرعانى كورىنەدى.
كومپانيا وكىلدەرى وسىعان دەيىن “نارازىلار تالابىن ورىنداۋ مۇمكىن ەمەسىن” ايتقان. Phystech-2 زاڭگەرى داريعا قيباسوۆانىڭ سوزىنشە، كومپانيا بانكروت الدىندا تۇر.
Lada.kz سايتى 14 جەلتوقساندا Phystech II كومپانياسى باسشىلىعىنىڭ نارازىلىققا بايلانىستى جاۋابىن جاريالاعان. وندا كومپانيا وكىلدەرى كاسىپورىننىڭ "قارجىلىق جاعدايى قيىن" ەكەنىن العا تارتقان. باسشىلىقتىڭ ايتۋىنشا، كاسىپورىن جۇمىسشىلارىمەن وزدەرى دە، ۋاكىلەتتى ورگاندار دا ء"تۇسىندىرۋ جۇمىستارىن" جۇرگىزگەن. ولار 6 جەلتوقساندا قابىلدانعان ەڭبەك اربيتراج شەشىمىنە سۇيەنەدى. وعان سايكەس، جۇمىسشىلار جالاقىسى 15-20 پايىزعا وسىرىلەدى، ال ۇجىمدىق كەلىسىمشارت ماسەلەسى 2023 جىلدىڭ اقپانىنان باستاپ تالقىلانا باستايدى.
جۇمىسشىلارى ەرەۋىلدەپ تۇرعان Phystech-2 كومپانياسى مۇناي جانە ىلەسپە گاز وندىرۋمەن اينالىسادى. كومپانيا ماڭعىستاۋدا "سولتۇستىك قاراجانباس" مۇناي-گاز كەنىشىن 2006 جىلدان بەرى يگەرىپ كەلەدى. بيىل 2,3 ملرد تەڭگە سالىق تولەگەن. KASE قازاقستان قور بيرجاسىنىڭ دەرەگى بويىنشا، كومپانياعا قايرات بورانباەۆ كەيىنگى جىلدارى "قازتۋربوجوندەۋ" دەگەن سەرىكتەستىك ارقىلى يەلىك ەتكەن. ناۋرىزدا قاماۋعا الىنعان ساتتە وليگارح "قازتۋربوجوندەۋدىڭ" نەگىزگى قۇرىلتايشىسى بولعان. ال 30 ماۋسىمدا بورانباەۆتىڭ ورنىنا ديرەكتور اسحات وسەروۆپەن تەگى ءبىر تالعات وسەروۆ دەگەن ازامات كەلگەن.
Abai.kz
