رەسەيدى تاعى دا ەلەس كەزىپ ءجۇر. ءبىر كەزدەگى ماركسيزم-لەنينيزم-كوممۋنيزم مۇراتى ەمەس. ستالينيزم سارىنى. 5 ناۋرىزدا ادامزات تاريحىنداعى اتى شۋلى ديكتاتوردىڭ جان تاپسىرعانىنا 60 جىل تولدى. ءستاليننىڭ سۋرەتىن كوككە كوتەرگەن جۇرت قىزىل الاڭداعى ءمۇسىن ماڭىنا باردى. تاۋ-تاۋ گۇل شوعىن قويىپ، تاعزىم ەتتى. كوممۋنيستەردىڭ بۇگىنگى كوسەمى گ. زيۋگانوۆ «ستالين - رەسەيدىڭ ۇلى جەڭىسىنىڭ سيمۆولى» دەدى. ولاي دەيتىن ءجونى بار. كوممۋنيست ستالين تۇسىندا ورىستىڭ ءورىسى كەڭەيە ءتۇستى. كەنيگسبەرگ قالاسى، كارەليانىڭ ءبىر بولىگى، كۋريل ارالدارى كسرو-نىڭ يەلىگىنە ءوتتى. اتوم قارۋىن جاسادى.

رەسەيدى تاعى دا ەلەس كەزىپ ءجۇر. ءبىر كەزدەگى ماركسيزم-لەنينيزم-كوممۋنيزم مۇراتى ەمەس. ستالينيزم سارىنى. 5 ناۋرىزدا ادامزات تاريحىنداعى اتى شۋلى ديكتاتوردىڭ جان تاپسىرعانىنا 60 جىل تولدى. ءستاليننىڭ سۋرەتىن كوككە كوتەرگەن جۇرت قىزىل الاڭداعى ءمۇسىن ماڭىنا باردى. تاۋ-تاۋ گۇل شوعىن قويىپ، تاعزىم ەتتى. كوممۋنيستەردىڭ بۇگىنگى كوسەمى گ. زيۋگانوۆ «ستالين - رەسەيدىڭ ۇلى جەڭىسىنىڭ سيمۆولى» دەدى. ولاي دەيتىن ءجونى بار. كوممۋنيست ستالين تۇسىندا ورىستىڭ ءورىسى كەڭەيە ءتۇستى. كەنيگسبەرگ قالاسى، كارەليانىڭ ءبىر بولىگى، كۋريل ارالدارى كسرو-نىڭ يەلىگىنە ءوتتى. اتوم قارۋىن جاسادى.

ناۋرىزدىڭ باسىندا دۇنيەجۇزىلىك ورىس حالىق سوبورى القالى جيىن («دوڭگەلەك ۇستەل») وتكىزدى. تانىمال شولۋشى كونستانين ەگگەرت جازعانداي، جيىندا ينە شانشار جەر بولماپتى. ماقتاۋ مەن ماداق اتاۋلىنى اياۋسىز جاۋدىرعان. ءامىرشىل-اپەرباقان جۇيە، جازىقسىزدى قويداي قىرعان رەپرەسسيا، سوعىستىڭ العاشقى ايلارىندا ميلليونداعان اسكەردى ولىمگە ايداپ سالۋ. مۇنىڭ بارىنە ستالين ەمەس، اينالاسى، «قاۋقارسىز» قولباسشىلار، ادەتتەگىدەي، ياھۋديلەر ايىپتى-مىس...
ءبىر قىزىعى، ورىس شىركەۋىنىڭ باسشىسى، پاتريارح كيريلل الگى سوبوردىڭ جەتەكشىسى بوپ ەسەپتەلەدى. ال پراۆوسلاۆيەنىڭ مانسۇق ەتىلگەنى، شىركەۋدىڭ قيراتىلىپ، پوپتاردىڭ قۋعىنعا ۇشىراۋى سول ­­ «ءبۇ­كىل حالىقتاردىڭ اكەسى» بيلەگەن كەزەڭدە. بىراق بۇل تۋرالى ءلام-ميم.
اقپارات كەڭىستىگىمىزدە ماسكەۋلىك حابار-وشار قۇرالدارى ارمانسىز ات ويناتىپ جاتقاندىقتان، وسىنداي «ازىقتى» تۇتىنۋعا ءماجبۇرمىز. اتاسى نانىم-سەنىمى ءۇشىن قىزىلكوز بولشەۆيك-بەلسەندىلەردەن جاپا شەككەن مەن سياقتىلارعا مۇنى جايباراقات قابىلداۋ قيىن-اق. ءۇستى-ۇستىنە تىقپالايدى. «ستالين - مىقتى مەنەدجەر»، «ستالين - پاراساتتى ءپالساپاشى»، «ستالين - دەموكرات» (؟), تاعىسىن تاعىلار. مەملەكەتارالىق «مير» تەلەارناسى ارنايى توك-شوۋ ۇيىمداستىردى. بۇل جولى تاريحشىلار بىزگە ءبىر-بىرىنە ءسوز بەرمەي، تيراننىڭ ءولىمى كىسى قولىنان قازا تاپقانىن دالەلدەۋگە تىرىستى. ءتىپ­تى كۇللى دۇنيە مويىنداعان قا­ھارمان قول­باس­­­­­شى ­­ ­­­­­­­­گ.­ جۋكوۆقا­ دا ءتىل تيگىزىپ جىبەردى. «تاڭ» تەلەارناسى كوپ سەريالى «ستالين live» كوركەم ءفيلمىن پرايم-تايم، ياعني جۇرت كورەتىن قولايلى ۋاقىتقا قويدى. مۇندا دا قاسكويلەر «دانىشپان كوسەمنىڭ» تۇبىنە جەتەدى. كۇنى كەشە قازاقتىڭ ءبىرتۋار ۇلى ساكەن سەيفۋللينىڭ ستاليندىك جەندەتتەردىڭ قولىنان قازا تاپقانىنا 75 جىل تولدى. ءبىزدىڭ رەسەيشىل ارنالار قارالى كۇندى ەسكە المايدى. كەرىسىنشە، ىستىق ءىلتيپاتىن باس جەندەتكە بىلدىرەدى. ال بيلىك اقپارات قۇرالدارى ارقىلى جالپىعا ورتاق قازاقستاندىق يدەيانى قايتسەك قالىپتاستىرۋعا بولادى؟ - دەگەن ساۋالعا باس قاتىرىپ ءجۇر. ال بۇكىلرەسەيلىك يدەولوگيانى ءاربىر ازاماتتىڭ ساناسىنا ءسىڭىرۋ ءۇشىن كرەملگە ءستاليندى ۇلىقتاۋ قاجەت بوپ تۇر.

"جاس قازاق" گازەتى