قازپوشتا lazima sue. نەمەسە سۋاحيلي تىلىنەن اۋدارعاندا «قازپوشتانى سوتتاۋ كەرەك. Ni unyonge mama yangu ulimi. ول مەنىڭ تۋعان ءتىلىمدى قورلادى.
سوڭعى كۇندەردە سۋاحيلي دەگەن ءسوز قازاقستاندا ەڭ كوپ قولدانىلاتىن سوزگە اينالدى. قىزىعى ويدا جوقتا سۋاحيلي تىلىنە قىزىعۋشىلىقتىڭ ارتقانى ەمەس. قىزىعى - ورىسشا تىلدەسەتىن «قازپوشتا» قىزمەتكەرلەرى ءۇشىن مەملەكەتتىك ءتىل مەن افريكالىق ءتىلدىڭ پارقى بىردەي بولعانى.
پوشتا بايلانىسىنىڭ ۇلتتىق وپەراتورى باسقا دا كومپانيالار سياقتى الەۋمەتتىك جەلىدە اككاۋنت جۇرگىزەدى. وسى اپتادا كومپانيانىڭ تۋيتتەردەگى پاراقشاسىندا تومەندەگىدەي پولەميكا بولدى.
@Arystan Patsha ەسىمدى قولدانۋشى: «فوللوۋەرلەردىڭ اراسىندا مەملەكەتتىك ءتىلدى قالايتىندار جوق پا ەكەن؟ مەملەكەتتىك تىلدە قاتىناساتىندارعا نەمقۇرايلى قاراماڭىز!»
@Kazpost: «سرەدي فوللوۆەروۆ موگۋت بىت گوۆورياششيە نا سۋاحيلي. نام تەپەر كاجدىي تۆيت پەرەۆوديت؟ يسپولزۋەم سامىي پوپۋليارنىي يازىك» (فوللوۋەرلەرىمىزدىڭ اراسىندا سۋاحيلي تىلىندە سويلەيتىندەر دە بار شىعار، ەندى ءاربىر ءتۆيتتىمىزدى اۋدارىپ وتىرايىق پا؟ ەڭ تانىمال تىلدە جازىپ وتىرمىز).

قازپوشتا lazima sue. نەمەسە سۋاحيلي تىلىنەن اۋدارعاندا «قازپوشتانى سوتتاۋ كەرەك. Ni unyonge mama yangu ulimi. ول مەنىڭ تۋعان ءتىلىمدى قورلادى.
سوڭعى كۇندەردە سۋاحيلي دەگەن ءسوز قازاقستاندا ەڭ كوپ قولدانىلاتىن سوزگە اينالدى. قىزىعى ويدا جوقتا سۋاحيلي تىلىنە قىزىعۋشىلىقتىڭ ارتقانى ەمەس. قىزىعى - ورىسشا تىلدەسەتىن «قازپوشتا» قىزمەتكەرلەرى ءۇشىن مەملەكەتتىك ءتىل مەن افريكالىق ءتىلدىڭ پارقى بىردەي بولعانى.
پوشتا بايلانىسىنىڭ ۇلتتىق وپەراتورى باسقا دا كومپانيالار سياقتى الەۋمەتتىك جەلىدە اككاۋنت جۇرگىزەدى. وسى اپتادا كومپانيانىڭ تۋيتتەردەگى پاراقشاسىندا تومەندەگىدەي پولەميكا بولدى.
@Arystan Patsha ەسىمدى قولدانۋشى: «فوللوۋەرلەردىڭ اراسىندا مەملەكەتتىك ءتىلدى قالايتىندار جوق پا ەكەن؟ مەملەكەتتىك تىلدە قاتىناساتىندارعا نەمقۇرايلى قاراماڭىز!»
@Kazpost: «سرەدي فوللوۆەروۆ موگۋت بىت گوۆورياششيە نا سۋاحيلي. نام تەپەر كاجدىي تۆيت پەرەۆوديت؟ يسپولزۋەم سامىي پوپۋليارنىي يازىك» (فوللوۋەرلەرىمىزدىڭ اراسىندا سۋاحيلي تىلىندە سويلەيتىندەر دە بار شىعار، ەندى ءاربىر ءتۆيتتىمىزدى اۋدارىپ وتىرايىق پا؟ ەڭ تانىمال تىلدە جازىپ وتىرمىز).
ۇلتتىق وپەراتور وسىلاي، سىزدانا جاۋاپ قاتتى. اۋدار. اۋدارماعاندا شە؟ بۇل ەلدە مەملەكەتتىك ءتىل، ياعني №1 ءتىل قازاق ءتىلى، سول تىلدە تاتىمدى اقپارات ۇسىن. ودان كەيىن سۋاحيلي گە اۋداراسىڭ با، يۋكاتەك تىلىنە اۋداراسىڭ با، ءوز شارۋاڭ. وسىنى «قازپوشتانىڭ» جىلىك كەمىرگەن قوجالارى نەگە تۇسىندىرە المايدى؟ سوندا قازاقستاندا قازاق تىلىندە سويلەيتىن 10 ملن. ادام مەن وقۋعا كەلگەن ءبىردى-ەكىلى زاڭگىنىڭ ايىرماشىلىعى جوق پا ەكەن؟ تۇتىنۋشىعا دورەكىلىك تانىتقانى ءوز الدىنا، «باسپوشتا» مەملەكەتتىك ءتىلدى، ونىمەن بىرگە بۇكىل مەملەكەتتى قاساقانا قورلاپ وتىر. قازاق تىلىندەگى سۇراقتى تۇسىنە تۇرا قاسارىسا وزگە تىلدە جاۋاپ قاتۋى دا سونىڭ دالەلى.
نەگە «قازپوشتا» اتالاتىن ۇلتتىق وپەراتوردىڭ قىزمەتكەرى بۇلاي بەتپاقتىق تانىتادى؟ ويتكەنى «قاز» دەگەن جازۋ «قازپوشتانىڭ» سىرتىندا بولعانىمەن، ىشىندە جوق دەگەن ءسوز. باستىقتارى قازاق تىلىندە تاپسىرما بەرمەيدى، جينالىس وتكىزبەيدى، ءوتىنىش پەن تۇسىنىكتەمە جازدىرمايدى دەگەن ءسوز. كومپانيانىڭ سايتىنا كىرسەڭىز، باسقارما توراعاسى ا.ارىستانوۆتىڭ «اعىمداعى ماسەلەلەر بويىنشا كوكەيتەستى تۇسىندىرمەسى» دە (اۋدارمانى قارامايسىڭ با) تەك قانا ورىس تىلىندە. ارىستانوۆ مىرزا قۇتتىقتاۋ سوزدەرى دە «تانىمال تىلدە» جەتكىزگەندى ءجون كورەدى ەكەن. ارينە، پوشتابا    ي پەچكيندەر قانداي مەملەكەتتە ءومىر ءسۇرىپ جاتقانىن ۇمىتىپ كەتەدى.
بىردەن عالامتور پايدالانۋشىلارى كومپانيادان جاۋاپ كۇتتى. «بۇنىسى نەسى تاعى! انىق باسىنۋ بۇل! پىكىر يەسىنىڭ ءىس باسىنان الاستاتىلۋى شارت!» دەدى بەكبولات تىلەۋحان. «قالعان كوڭىل - شاققان جانمەن تەڭ. مەملەكەتتىك تىلگە نەمقۇرايلى قاراعان قىزمەتكەرىڭىزگە قانداي شارا قولداناسىزدار؟» دەدى جۋرناليست، بلوگگەر اسحات ەركىمباي. تۇتىنۋشىلاردىڭ ءتۇيىندى ءسوزىن ساياساتتانۋشى ايدوس سارىم ايتقانداي بولدى: «ەگەر «قازپوشتا» ەكى-ءۇش ءتىل بىلەتىن قىزمەتكەردى جالداپ، جەلىدە قاراپايىم تۇردە ءتىل تابىسا الماسا، وندا ونىڭ توپ-مەنەدجمەنتىنىڭ كوك تيىنداي قۇنى جوق. قازىر نارىقتا ەكى ەمەس، ءتىپتى ءۇش تىلدە قاتار سويلەيتىن، دورەكىلىك كورسەتپەي، مەملەكەتتىك تىلگە، 70 پايىزىن قۇرايتىن حالىقتىڭ تىلىنە مۇرنىن شۇيىرە قاراماي، كەرەمەت قارىم-قاتىناس جاساي بىلەتىن  جۇزدەگەن، مىڭداعان قىز-جىگىتتەر بار. الدە بۇل نارىق ەمەس پە؟ تۇتىنۋشىلار ەمەس پە؟...»
تۇتىنۋشى دەگەننەن شىعادى. كومپانيانىڭ ماركەتينگ بويىنشا ديرەكتورى مارات شىناليەۆ: «تۋيتتەردەگى بۇل اككاۋنت كومپانيانىڭ رەسمي اككاۋنتى ەمەس. ونى ءبىز تەك بايلانىس ءۇشىن اشقانبىز. سوسىن ونىڭ قۇپياسوزىن 20 شاقتى ادامعا بەرىپ قويدىق. سولاردىڭ كەز كەلگەنى پايدالانا بەرەتىن. كەشە سولاردىڭ قايسى جوعارىداعى جازبانى جازعانىن انىقتاۋ ۇستىندەمىز. ەگەر تاپساق، ول جازاسىز قالمايدى. بۇل جاعداي ءۇشىن كەشىرىم سۇرايمىز»، - دەپ اقتالعانداي بولدى.
قۇداي-اۋ، اينالاسى 20 ادامنىڭ اراسىندا شوۆينيستىك كوزقاراسى بار ادامدى انىقتاۋ سونشالىقتى قيىن با؟ الدە 20-سىنىڭ ءبارى دە قازاق تىلىنە مۇرىن شۇيىرە قاراي ما؟ كەشىرىم سۇرايمىز دەيدى. كەشىرمەگەندە قايدا بارامىز؟ گازەتىمىزدى تاراتىپ، قۇجاتىمىزدى جەتكىزەتىن باسقا وپەراتور بولسا، «قازپوشتانى» تالاق ەتىپ، كوشىپ كەتەتىن ەدىك. ءبىر «وپەراتورعا» تاۋەلدى بولعان سوڭ، كەشىرمەگەندە قايتپەكپىز؟ ايتپەسە وسى ۋاقىتقا دەيىنگى «قازپوشتانىڭ» تۋيتتەردەگى 5800 جازبانىڭ 13-ءى عانا قازاق تىلىندە. نەمەسە 0,22 پايىز. بايقاعان شىعارسىز، كەمىندە 50/50 دەگەن سوراقى تالاپتىڭ ءوزى قول جەتپەس ارمان بولىپ تۇرعان جوق پا؟..
د.ماكەجان

"حالىق ءسوزى" گازەتى