«ATA MEKEN» اتتى پارتيانى باستاعان اقىن اۋىت مۇقيبەك بۇگىن ادىلەت مينيسترلىگىنە قۇجات تاپسىردى. ول تۋرالى ءوزىنىڭ الەۋمەتتىك جەلى پاراقشاسىندا جاريالادى.

«ساياسي جۇيەنى ورنىقتى دامىتۋ ىسىندە پارتيالار ماڭىزدى ءرول اتقارادى. وسى ورايدا ەلىمىزگە جاۋاپكەرشىلىگى جوعارى پارتيالار قاجەت. ولار حالىقتىڭ مۇددەسىن ءتيىمدى قورعاي بىلۋگە ءتيىس».

بۇل – پرەزيدەنتىمىز قاسىم-جومارت توقاەۆتىڭ  2023 جىلعى 26 قاڭتاردا پارلامەنت سەناتى دەپۋتاتتارىنىڭ الدىندا ايتقان ءسوزى.

قۇدايعا شۇكىر، كاسىپكەرلىكتى دامىتۋ مەن ەكولوگيانى ساقتاۋدى ماقسات تۇتقان ەكى پارتيا – «RESPUBLIKA» مەن  «بايتاق» پارتيالارى تىركەۋدەن ءوتىپ، الداعى سايلاۋلارعا قاتىسۋعا كىرىسىپ جولداما الىپتى.

ءيا، ەلىمىزدە اقساپ تۇرعان سالا كوپ. سونىڭ ءبىرى – دەموگرافيا مەن كوشى-قون. 2023 جىلعى 1 قاڭتارداعى جاعداي بويىنشا، ەلىمىزدەگى حالىق سانى 19 765 004 مىڭ ادام، دەپ جاريالادى ۇلتتىق ستاتيستيكا بيۋروسى.

قازاقستان تاۋەلسىزدىكتىڭ 32 جىلىنا قادام باستى، حالىق سانى ءالى 20 ميلليونعا جەتكەن جوق.

حالىق سانىن كوبەيتۋدىڭ ۇلكەن ءبىر دونورى – الىس-جاقىن شەتەلدەردەن اتاجۇرتقا ورالىپ جاتقان قازاقتار بولسا، 1991 جىلدان وتكەن جىلدىڭ جەلتوقسانىنا دەيىن 1 ملن 105,7 مىڭ ەتنيكالىق قازاق وتانعا ورالىپتى. شەكارا سىرتىندا ءالى دە التى-جەتى ميلليون قازاقتىڭ قالىپ وتىرعانىن ەسكەرسەك، بۇل وتە از كورسەتكىش ەكەنى بەلگىلى.

ەگەر، ساياسي جانە مورالدىق جاعىنان الساق، تاعدىردىڭ جازۋىمەن شەكارا سىرتىندا قالىپ قالعان قازاقتاردى ءوزىنىڭ تاريحي وتانىنا ورالتۋ – جاڭا قازاقستاننىڭ تاريحي ادىلەتسىزدىكتى قالپىنا كەلتىرۋى بولىپ ەسەپتەلەدى. قاسىم-جومارت كەمەلۇلىنىڭ پرەزيدەنت بولا سالىپ، «شەتەلدەگى قانداستارىمىزدى ەلگە قايتارۋ ءىسى ەشقاشان نازاردان تىس قالعان ەمەس، قالمايدى دا. دۇنيەجۇزىندەگى قانداستارىمىزدىڭ باسىن تۋعان جەردە بىرىكتىرۋ – ءبىزدىڭ قاسيەتتى پارىزىمىز» - دەۋى سونى مەڭزەسە كەرەك.

قىسقاسى، ەلگە كوشىپ كەلگەن قازاقتىڭ دا، كوشىپ كەلۋگە بەكىنىپ وتىرعان قانداستارىمىزدىڭ دا پروبلەماسى تولىپ جاتىر. سونداي-اق ىشكى كوشى-قون دا كەزەك كۇتتىرمەيتىن تاقىرىپ...

ءبىز وسى سالانىڭ قىزمەتىن ءوز دەڭگەيىندە جۇرگىزۋ، پرەزيدەنتىمىزدىڭ ءتيىمدى ساياساتى مەن باستامالارىن قولداۋ جانە جۇرگىزىپ جاتقان رەفورمالارى مەن بەرگەن تاپسىرمالارىنىڭ مۇلتىكسىز ورىندالۋىنا كومەكتەسۋ، ۇلى كوشكە مۇددەلى قاۋىم مەن بيلىك اراسىنداعى بايلانىستى نىعايتۋ ماقساتىدا «ATA MEKEN» اتتى جاڭا ساياسي پارتيا قۇرىپ، بۇگىن باستاماشىل توپتىڭ العاشقى ءوتىنىشىن ادىلەت مينيسترلىگىنە تاپسىردىق.

ءبىز جوعارىداعى ايتىلعان ماقساتىمىز بەن باعىتىمىزدى اقسارباس اتاپ ورتاعا تاستادىق، ۇلى كوشكە مۇددەلى قاۋىم بۇل باستامامىزدى بىردەن قولداپ شىقتى.

دەمەك، «ATA MEKEN» - ۋاقىت تالابى تۋدىرعان پارتيا. ول، اللا قالاسا، قاسىم-جومارت كەمەلۇلى ايتقانداي، جاۋاپكەرشىلىگى جوعارى، حالىقتىڭ مۇددەسىن ءتيىمدى قورعاي بىلەتىن پارتيا بولادى.

قازاق حالقىنىڭ ۇشتەن ءبىرى بولىپ تابىلاتىن ۇلى كوشكە مۇددەلى قاۋىمنىڭ ۇلى ماقساتىن تۋەتكەن، پرەزيدەنتىمىزگە دەگەن سەنىمى مەن ىقىلاسىن ارقالاۋعا بەل بۋعان «ATA MEKEN»-ءنىڭ بەتىن ادىلەت مينيسترلىگى كەرى قاقپايدى دەگەن سەنىمدەمىز.

ەسكەرتۋ: ءبىز پارتيانىڭ اتىن باسىندا «QAZAQ ARMANY» دەپ قويعامىز، «ساياسي پارتيالار تۋرالى» زاڭنىڭ 7-بابىنداعى «ساياسي پارتيانىڭ اتاۋىندا ۇلتتىق، ەتنيكالىق، دiني، ايماقتىق، قاۋىمدىق جانە گەندەرلiك بەلگiلەردi كورسەتۋگە، ونىڭ ليدەرلەرiنiڭ، تاريحي تۇلعالاردىڭ ەسiمدەرi مەن فاميليالارىن پايدالانۋعا جول بەرiلمەيدi» دەگەن نورماعا قۇرمەت ەتە وتىرىپ،  پارتيا اتاۋىن «ATA MEKEN» دەپ وزگەرتتىك.

Abai.kz