رەسەيلىك كوبىك اۋىز ساراپشىسىماقتار قازاقستاننىڭ جەرىنە تاعى دا اۋىز سالا سويلەدى. بۇل جولى الەكسەي ساۆۆاتەەۆ دەگەن ادام، دەپ جازدى Mezgil.kz.

49 جاستاعا ساۆۆاتەەۆ ماسكەۋدىڭ تۋماسى ەكەن. ماتەماتيك. پروفەسسور. رەسەي عىلىم اكادەمياسىنىڭ كوررەسپوندەنت مۇشەسى ەكەن. قايبىر جىلى (2019 ج.) رەسەي دۋماسىنا دەپۋتاتتىققا دا ءتۇسىپ كورگەن. ارا-تۇرا قازاقستانعا دا كەلىپ، ءدارىس وقىپ جۇرگەن.

مىنە، سول ساۆۆاتەەۆ دەگەن «بىلگىش» ۋكراينا، قازاقستان مەن بەلارۋستىڭ تەرريتوريالارىنا قاتىستى سىڭارجاق پىكىر ءبىلدىرىپ، «قازاقستاننىڭ سولتۇستىگى – رەسەيدىڭ جەرى» دەگەن ەسكى ءسوزدى قايتا ايتىپتى.

الەۋمەتتىك جەلىدە تاراعان ۆيدەودا، ماتەماتيك دەگەن ساۆۆاتەەۆ: «ۋكرايندەر دە، بەلارۋستەر دە – ورىستار. كەشىرىڭىز، روستوۆتىڭ ورىسى مەن ماسكەۋدىڭ ورىسى ءبىر-بىرىنە ۇقسامايدى. سول سەكىلدى، ولار دا...»، - دەپ سويلەيدى.

ال: «قازاقتار دا ورىس پا؟»، - دەپ قويىلعان سۇراققا: «كەشىرىڭىز، قازاقتار – ۇلت. بىراق، ولار ءبىزدىڭ وربيتامىزدا. مەنىڭشە، ولارعا رەسەيدىڭ قول استىندا بولعان - جايلى. بۇل سۇراقتىڭ فيلوسوفيالىق سارىنى بار. رەسەيدىڭ كەڭەيۋى بارىسىن الايىق. قازاق ەلى ولاردىڭ جەرىندەگى ورىسقا قاباق شىتپاسا، ازىرگە كوڭىلىم تولادى. بىراق بەلگىلى ءبىر ۋاقىتقا عانا. سولتۇستىگىك قازاق ەلى دەگەنىڭ - تەگىس ورىس. قازاق ەلىنىڭ سولتۇستىگى دەگەنىڭ – رەسەي»، - دەيدى عالىمسىماق ساۆۆاتاەەۆ.

بىرىنشىدەن: رەسەيلىك مەديا تۇلعا ساۆۆاتەەۆ تاۋەلسىز قازاقستاننىڭ تەرريتوريالىق تۇتاستىعىنا قاۋىپ توندىرەتىن سوزدەردى جاريا تۇردە ايتىپ وتىر. دەمەك، قازاقستاننىڭ قۇزىرلى ورگاندارى ساۆۆاتەەۆكە قاتىستى قانداي دا ءبىر شارا قولدانۋى كەرەك. ال قر سىرتقى ىستەر مينيسترلىگى رەسمي تۇردە سۇراۋ سالىپ، رەسەيگە ەسكەرتۋ جاساۋى كەرەك. ازىرگە، قر سىرتقى ىستەر مينيسترلىگى تاراپىنان ەشقانداي رەاكتسيا بايقالعان جوق.

Abai.kz