سەنبى, 20 شىلدە 2024
بۇ نە مازاق؟ 2819 12 پىكىر 21 اقپان, 2023 ساعات 11:55

مەديتسينا: ماسكەۋسىز كۇنىمىز قاراڭ با؟

مىناداي ءبىر سۇمدىق جاعدايدى ايتپاسقا بولماي تۇر. بىلتىرعى جىلدىڭ قازان ايىندا قوستاناي وبلىسىنداعى رۋدنىي شاھارىندا نەبارى التى جاستاعى اعايىندى ەكى جاس بالا -ءامىر مەن ءىلياس اياق استىنان كوز جۇمدى. مۇنداعى دارىگەرلەر ارى-بەرى زەرتتەپ «بىردەڭەدەن ۋلانعان» دەگەن دياگنوز قويدى.

الايدا ولاردىڭ نەدەن ۋلانعاندىعىن انىقتاي المادى. بۇل وبلىستاعىلاردىڭ دا قولىنان كەلمەدى. ءتىپتى، استاناداعى ءمۇيىزى قاراعايداي مىقتىلار دا دارمەنسىزدىك تانىتتى. سوسىن امال جوق، وزدەرى جۇگىرىپ، كومەك سۇراپ ۇيرەنگەن ماسكەۋگە قاراي جالپاقتادى. تاۋەلسىز ەلىمىز وزدەرىنىڭ مەديتسينا سالاسىندا مۇلدەم بەيشارا كۇيگە تۇسكەندىگىن مويىنداپ، تورەلىككە «ۇلى حالىقتىڭ» دەنساۋلىق ساقتاۋ مينيسترلىگىنە قارايتىن سوت-مەديتسينالىق ساراپتاۋ ينستيتۋتىنا جۇگىنۋگە ءماجبۇر بولدى. بىزدەگى ءدال وسىنداي كەرەمەت دەيتىن ساراپتاۋ ورتالىعىنان ەش قايراڭ بولماعان.

ەندى ولار وزدەرىن «ورتالىق ازياداعى كوشباسشىمىز»، ەشكىمدى كوزگە ىلمەيتىن «تاۋ بارىسىمىز» دەپ كوپىرگەندە ەشكىمگە دەس بەرمەيتىن قازىرگى تاڭداعى «اسا وزىق» مەملەكەتكە ماسكەۋ «كوكەمىز» قول ۇشىن بەرەتىن بولىپ، قىرشىن كەتكەن بالالاردىڭ اناليزدەرىن تەكسەرۋگە كىرىسىپ كەتتى.

ەندى بىلاي قاراعاندا، قاراپايىم عانا ۋلانعان ادامنىڭ دياگنوزىن دۇرىس قويا المايتىن دارەجەگە جەتسەك، ار جاعىندا بىردەڭە دەپ ايتۋدىڭ ءوزى ارتىق سەكىلدى. بۇل - بىزدەگى مەديتسينانىڭ ابدەن قۇلدىراپ، مۇلدەم قۇردىمعا كەتكەندىگىنىڭ ايعاعى. بوتەن نە دەرسىڭ؟

ايتپاقشى، كەيبىر دەرەكتەرگە قاراعاندا، ول بالالارعا دۇكەننىڭ الدىندا ءبىر ادام ەسىرتكى قوسىلعان كامپيت تاراتقان دەگەن ءسوز بار. قۇرامىندا الاپات ءزارى مەن ۋى بار مۇنداي پالەگە جاس ورگانيزم قايدان شىداسىن؟.. سونىڭ سالدارىنان قىزۋلارى قاتتى كوتەرىلىپ، ۇيلەرىنە كەلگەن بويدا اياق استىنان جان ءتاسىلىم ەتكەن دەسەدى. اۋرۋدى انىقتاي الماي جاتقاندىعى دا سوندىقتان كورىنەدى. مەنىڭشە، وسى قيسىنعا سيادى. قازىر نەشە ءتۇرلى سۇمدىق جاعدايلارعا دا تاڭ قالمايتىن بولدىق قوي.

ەندى بۇلاردى دا از دەسەڭىز، جاقىندا تاعى دا «جاڭالىق» ەستىدىك. ەندى رۋدنىي پوليتسەيلەرى بارلىق پالەنى الگى قىرشىن كەتكەن بالالاردىڭ شەشەسىنە جابۋعا اينالىپتى. ونىڭ قورعاۋشىسى تاتيانا انتونوۆانىڭ ايتۋىنا قاراعاندا، پوليتسەيلەر وزدەرىنشە «ۇيدەگى دارىلەرگە ۋلانىپ، اجال قۇشقان شىعار» دەگەن بال اشۋعا كىرىسەدى. ال قورعاۋشىنىڭ ايتۋىنا قاراعاندا، ونداي دارىلەر ۇيدە مۇلدەم جوق كورىنەدى. مىنە، وسىنداي قىسىمعا شىداماعان اناسى ءتىپتى، ادام قۇقىعى جونىندەگى حالىقارالىق بيۋروعا شاعىمدانۋعا ءماجبۇر بولادى. اقىرى جۇيكەسى شىداماي، اۋرحاناعا تۇسەدى. قازىر سوندا جاتىر.
تەك ءبىزدىڭ ەلدە عانا كەزدەسەتىن مۇنداي «حيكايا» جاقىن ارادا اياقتالا قويمايتىن شىعار. ەگەر اياقتالسا، ارينە.

جايبەرگەن بولاتوۆ

Abai.kz

12 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1312
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2061
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2107