«ورالدى رەسەيگە بەرەيىك» دەپ جۇرگەن ورالدىق تۇرعىننىڭ ءىس-ارەكەتىن قازاقستان پوليتسياسى قىلمىس دەپ سانامايدى.

2022 جىلى 29 قاراشادا «چات رۋلەتكا» الەمەتتىك جەلىسىندە قازاقستاندىق ءۇش ەر ادام ءوزىن رەسەي ازاماتى دەپ تانىستىرعان اداممەن تىلدەسىپ، رەسەيدىڭ قازاقستانعا شابۋىلىن قولدايتىنىن ايتقان. ولار «ورال قالاسىنان باستاپ چاپاەۆا اۋىلىنا دەيىن رەسەيگە بەرۋ كەرەك» دەپ مالىمدەمە جاساعان.

«ورالدى چاپاەۆقا دەيىن الىڭدار. قولىمىزعا قارۋ بەرىڭدەر. تەك بىزگە «رۇقسات» بەرسەڭدەر بولدى. ءبارىمىز كەتەمىز. قازاقستاندى الىپ كەتەمىز. ءبىز بۇرىننان دايىنبىز. تەك كۇتىپ وتىرمىز»،-دەپ ايتقان ورالدىقتار رەسەيلىك ازاماتقا.

بۇل ۆيدەو ەلىمىزدىڭ الەۋمەتتىك جەلىلەرىندە تاراپ، «ۋرالسكايا نەدەليا» جۋرناليستەرى پوليتسياعا ارىز جازعان بولاتىن. 30 قاراشادا مالىمدەمە جاساۋشىلار انىقتالدى. ولار: ۆاسيلي حۋدابەردىەۆ دەگەن ەر ادام، 18-20 جاستاعى بوزبالا مەن كامەلەتكە تولماعان بالا بولىپ شىقتى. ولار كەشىرىم سۇراپ، ۆيدەو ۇندەۋ جاسادى.

كەيىن ءىستىڭ ءمان-جايىن سۇراعان رەداكتسياعا جاۋاپ بەرگەن پوليتسيا «قىلمىستىق قۇرامنىڭ بولماۋىنا بايلانىستى» ءىستىڭ توقتاتىلعانىن ايتقان.

«2023 جىلعى 14 اقپاندا "ۋن" سۇراۋىنا جاۋاپ رەتىندە پوليتسيا قىزمەتكەرلەرى ۆيدەوعا قاتىسۋشىلارعا قاتىستى سوتقا دەيىنگى تەرگەۋ ولاردىڭ ءىس-ارەكەتىندە قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلعانىن حابارلادى. پوليتسيانىڭ تۇسىندىرۋىنشە، ساراپتاما بۇل مالىمدەمەلەردە سەپاراتيزم جانە ۇلتارالىق الاۋىزدىق تۋعازىتانى بەلگىلەر تاپپاعان»، – دەپ حابارلادى باسىلىم.

Abai.kz