الەمدىك مۇناي باعاسى 21 تامىز كۇنى دە تومەندەگەن جوق. تاياۋ شىعىستاعى جەتكىزىلىمدەرگە قاتىستى جالعاسىپ جاتقان قاۋىپ-قاتەرلەرگە بايلانىستى مۇناي باعاسى ەكىنشى اپتانى دا وسىممەن اياقتادى، دەپ حابارلايدى Reuters.

Brent ماركاسىنىڭ فيۋچەرستەرى باررەلىنە 93,82 دوللارعا دەيىن ءوستى. ال امەريكالىق WTI مۇنايى باررەلىنە 86,78 دوللارعا ازداپ تومەندەدى.

اپتا ىشىندە Brent 7%-دان اسا، ال WTI 8%-دان اسا ءوستى. ءوسىمنىڭ نەگىزگى قوزعاۋشى كۇشى اقش-يران اراسىنداعى قاقتىعىس. سالدارىنان تاياۋ شىعىستىڭ بىرنەشە ەلىنەن مۇناي جەتكىزىلىمى شەكتەلدى.

نارىق قاتىسۋشىلارى ورمۋز بۇعازىنداعى جاعدايدى ءجىتى باقىلاپ وتىر. ايماقتاعى جۇك تاسىمالى قاقتىعىس ۋشىققانعا دەيىنگى دەڭگەيدەن تومەن قالپىن ساقتاپ تۇر.

بۇعان دەيىن الەمدىك مۇناي باعاسى ءتورت اپتاداعى ەڭ جوعارى دەڭگەيگە جۋىقتاعانىن حابارلاعان بولاتىنبىز.

دەرەككوزى: قازاقپارات اگەنتتىگى

Abai.kz