استانا "قىتايدىڭ مەملەكەتتىڭ اۋماقتىق تۇتاستىعى، تاۋەلسىزدىگى جانە ەگەمەندىگى نەگىزىندە قانتوگىستى توقتاتۋعا كومەكتەسەتىن" ۇستانىمى "قولداۋعا لايىق" دەدى.

ء"بىز بۇل ماسەلەنى تەك حالىقارالىق قۇقىق پەن بۇۇ قاعيداتتارى نەگىزىندە بەيبىت جولمەن شەشۋگە بالاما جوق دەپ ەسەپتەيمىز" دەپ جازىلعان مينيسترلىكتىڭ مالىمدەمەسىندە.

قازاقستان ءسىم حابارلاماسىندا رەسەيدىڭ ۋكرايناعا باسقىنشىلىعىن، ورىس اسكەرىنىڭ ۋكراينا ازاماتتارى مەن ەنەرگەتيكالىق ينفراقۇرىلىمىنا سوققىسىن ايىپتامايدى.

ۆەدومستۆو قازاقستان "اسكەري قاقتىعىسقا قاتىسۋشى تاراپتاردىڭ ىزگى نيەت تانىتىپ", "ۇرىس-قاقتىعىستى توقتاتىپ" كەلىسسوز ۇستەلىنە وتىرۋىن، ال حالىقارالىق قاۋىمداستىق "جاعدايدى بارىنشا ديپلوماتيالىق جولمەن شەشۋگە ۇلەس قوسۋىن" جاقتايدى دەدى.

بۇعان دەيىن قىتاي سىرتقى ىستەر مينيسترلىگى ۋكرايناداعى سوعىستى اياقتاۋ "جوسپارىن" تانىستىرعان. 12 پۋنكتتەن تۇراتىن قۇجات، پەكيننىڭ پىكىرىنشە، اسكەري قيمىلداردى اياقتاۋعا مۇمكىندىك بەرەدى. قىتاي قۇجاتتا بۇۇ جارعىسى پرينتسيپتەرى مەن حالىقارالىق زاڭنامانى باسشىلىققا الا وتىرىپ، بارلىق ەلدىڭ ەگەمەندىگىن قۇرمەتتەۋگە شاقىرعان.

بىراق قۇجاتتا رەسەيدىڭ ۋكراينا ەگەمەندىگىن بۇزعانى جونىندە ەشتەڭە ايتىلماعان. باتىس شەنەۋنىكتەرى سوعىس كەزىندە رەسەيگە كومەك بەرۋدەن قاشقاقتاپ، بىراق سوندا دا ماسكەۋمەن قارىم-قاتىناسىن نىعايتىپ جاتقان قىتاي "جوسپارىن" سكەپتيتسيزممەن قابىلدادى.

قۇجاتقا باعا بەرگەن كەيبىر ساراپشىلار بۇل – "قىتاي وكىلدەرى ميۋنحەن كونفەرەنتسياسىندا ءسوز سويلەگەننەن كەيىن پەكيننەن كۇتكەن ناقتى ۇسىنىستارى بار جوسپار ەمەس، ۇندەۋ مەن تىلەكتەر جازىلعان جالپى سوزدەر" دەدى.

كيەۆ 1991 جىلى حالىقارالىق قاۋىمداستىق مويىنداعان بارلىق اۋماعىن قالپىنا كەلتىرەتىنىن، ورىس اسكەرى باسىپ العان جەرلەردى ازات ەتەتىنىن بىرنەشە رەت مالىمدەگەن.

قازاقستان بيلىگى رەسەيدىڭ باسقىنشىلىعىن اشىق ايىپتاعان جوق، بىراق استانا ۋكراينانىڭ اۋماقتىق تۇتاستىعىن قۇرمەتتەيتىنىن مالىمدەگەن. بيلىك ۋكراينانىڭ شىعىسىنداعى سەپاراتيستىك قۇرىلىمداردى جانە وندا وتكەن پسەۆدورەفەرەندۋمدى مويىنداعان جوق.

وسى اپتادا قازاقستان ورىس اسكەرىن ۋكراينادان اكەتۋدى تالاپ ەتەتىن بۇۇ قارارىنا داۋىس بەرگەن كەزدە قالىس قالعان. بۇعان دەيىن رەسەي باسقىنشىلىعىن ايىپتاۋدان باس تارتقان قازاقستاننىڭ پوزيتسياسىنا قاتىستى قوعامدا سىن ايتىلعان. قازاقستان سىرتقى ىستەر ءمينيسترى مۇحتار تىلەۋبەردى بۇعان دەيىن "قالىس قالۋ دا – پوزيتسيا", ء"بىز ۇلتتىق مۇددەمىزدى ەسكەرە وتىرىپ داۋىس بەردىك" دەگەن.

Abai.kz