دۇيسەنبى, 15 شىلدە 2024
دەپ جاتىر 3416 11 پىكىر 2 ناۋرىز, 2023 ساعات 13:14

پۋتين - قىلمىسكەر. زەلەنسكي - سوعىس قاھارمانى!

ۋكرايناداعى قانقاساپ سوعىستىڭ جالعاسىپ جاتقانىنا ءبىر جىلدان اسا ۋاقىت ءوتتى. قازىر ەكى تاراپ تا (ۋكراينە مەن رەسەي) كەلىسسوزدەر تۋرالى سيرەك ايتاتىن بولدى. ال وسى ۋاقىت ىشىندە ۋكراينا پرەزيدەنتى ۆلاديمير زەلەنسكي تۋرالى الەمدىك ساياساتكەرلەر مەن ليدەرلەر نە دەدى؟ ءبىز شەتەل ساياساتكەرلەرىنىڭ پرەزيدەنت زەلەنسكي تۋرالى پىكىرلەرىنىڭ ءبىرسىپىراسىن توپتاستىردىق.

شەتەل ساياساتكەرلەرى زەلەنسكي جايىندا:

دانيەل گولدمان (اقش پروكۋرورى): ناتو اسكەري كومەك بەرمەسە دە، زەلەنسكي ەۋروپالىقتاردىڭ دەموكراتيالىق قۇندىلىقتارىن قورعاپ جاتىر.

ەليوت ا كوحەن (كىشى بۋشتىڭ كەڭەسشىسى بولعان): رەاليزم دەيتىندەر كرەملدىڭ وزبىرلىعىنا كەكتەنبەسە، زەلەنسكيدىڭ ليدەرلىگى مەن ۋكراين حالقىنىڭ ەرلىگىنە اسەرلەنبەسە، وندا ولار - شىندىعى جوق، سۋايتتار.

مايك ريان (اۆستراليا گەنەرالى): زەلەنسكيدىڭ ليدەرلىك قابىلەتى، يادرولىق دەرجاۆانىڭ قىسىمىنا ۇستاعان سالماقتى پوزيتسياسى – ونى بولاشاقتىڭ ۇلگىسىنە اينالدىردى.

كارل ديلديف (شۆەيتساريانىڭ بۇرىنعى ءۋازىرى): زەلەنسكيگە باسىندا ءسال كۇمانمەن قاراپ ەدىم.  بىراق حالقىن كۇرەسكە جۇمىلدىرا ءبىلۋى ويىمدى وزگەرتتى. كرەملدىڭ دە بۇلاي بولارىن كۇتپەگەنىنە ءباس تىگەمىن.

كرون جونسون (اقش سەناتاتورى): زەلەنسكي ءۇشىن، ۋكراينا حالقى ءۇشىن دۇعا ەتەمىن. بۇل قىلمىسقا جاۋاپتى پۋتين مەن ونىڭ جاقىندارى.

اريف راحماني (بۇرىنعى اۋعان دەپۋتاتى): ءبىزدىڭ پرەزيدەنت - وپاسىز، سوعىس قاشقىنى، زەلەنسكي – وتانشىل، سوعىس قاھارمانى.

ۆلاديمير پۋتين (رەسەي پرەزيدەنتى): مەن ول ادامدى تانىمايمىن. ءبىر كۇندەرى تانىسىپ قالارمىز دەپ ويلايمىن. ول كۇنى كەشەگە دەيىن ىستەگەن ىسىنەن مىقتى سياقتى – ول جاقسى اكتەر.

دجو بايدەن (اقش پرەزيدەنتى): پۋتين ءوزىن كۇشىتىمىن، ال دەموكراتيالىق ەلدەردىڭ باسشىلارى ءالسىز دەپ ويلادى. ول بولاتتاي مىقتى ادامعا قارسى سوعىس اشتى. ول ادام – پرەزيدەنت زەلەنسكي. مەن زەلەنسكيمەن كەزدەستىم، ءبىز ەشتەڭەگە قاراماستان ءارى قاراي دەموكراتيالىق پرينتسيپىمىزدە تۇرامىز.

الەكساندر لۋكاشەنكو (بەلارۋس پرەزيدەنتى): مەن ۆلاديمير زەلەنسكيدىڭ جان-جاعىن باعامداپ، سوعىستىڭ امەريكادا، پولشادا، بەلارۋستە، رەسەيدە ءوتىپ جاتپاعانىن تۇسىنگەنىن قالايمىن. سوعىس ءوزىنىڭ ۋكرايناسىندا ءوتىپ جاتىر. ول وسىنى تۇسىنبەيتىندەي اقىماق دەپ ويلامايمىن. بۇگىندە وعان ديپلوماتيالىق جولمەن بەيبىتشىلىك ورناتۋعا مۇمكىندىك بەرمەيتىن ءوز ىشتەرىندە كۇشتەر جەتكىلىكتى.

ونىڭ ىستەپ جۇرگەن ىسىنە كەلەر بولساق... وعان پرەزيدەنت بولاتىن ۋاقىت جەتتى. جۋىنىپ-قىرىنىپ، كيىنىپ، ۋكراينا حالقىنىڭ جانە الەمدىك قاۋىمداستىقتىڭ الدىنا شىعىپ، جاعدايلارىنىڭ كۇندە جاقسارىپ كەلە جاتقانىن كورسەتۋى كەرەك. قازىرگى وبرازىنان شىعۋى كەرەك. بۇل ويىن تىم ۇزاققا سوزىلىپ كەتتى. ول اكتەر، ارتيست، ول بەلگىلى ءبىر جاعدايدا ءومىر ءسۇرىپ جاتىر.

ايجان تەمىرحان

Abai.kz

11 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1210
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1904
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1951