اپتا باسىندا اقش-تىڭ ەنەرگەتيكا مينيسترلىگى دە كوروناۆيرۋس قىتايلىق زەرتحانادان شىقتى دەگەن قورىتىندى جاساعان.
The Wall Street Journal باسىلىمى بۇل ەكى مەكەمەنىڭ ۇستانىمى ءدال كەلۋىنە قاراماستان، ولار مۇنداي گيپوتەزاعا ءتۇرلى سەبەپتەرمەن كەلگەنىن ءتۇسىندىردى.
كريستوفەر رەي قىتاي ۇكىمەتى پاندەميا سەبەپتەرىن زەرتتەۋ بويىنشا اقش-تىڭ ارەكەتتەرىن توقتاتۋعا ۇمتىلعانىن ايتتى.
وسىعان دەيىن ۆيرۋستىڭ پايدا بولۋىن ددسۇ دا زەرتتەگەن. بىراق قىتايدان مالىمەت جيناۋ قيىن بولعاسىن بۇل ءىس توقتاعان.
كوروناۆيرۋس ىندەتى ءبىرىنشى رەت 2019 جىلدىڭ سوڭىندا قىتايدىڭ ۋحان قالاسىندا انىقتالعان. 2020 جىلدىڭ 11 ناۋرىزىندا ددسۇ ونى پاندەميا دەپ جاريالادى.
بۇگىنگى كۇندە دەيىن COVID-19 ۆيرۋسىمەن 700 ملن-عا جۋىق ادام اۋىرىپ، كوز جۇمعاندار سانى 7 ميلليونعا جەتتى.
Abai.kz
