ساۋد ارابياسىنىڭ كاسىپكەرلەرى پاۆلودار وڭىرىندە مال وسىرۋگە مۇددەلى. بۇگىندە ولار جەرگىلىكتى اگرووندىرىس سالاسىنىڭ دامۋىنا 20 ملن. اقش دوللارى مولشەرىندە ينۆەستيتسيا قۇيۋعا ءازىر وتىر. وتكەن اپتادا پاۆلودار قالاسىنداعى امىرلىكتىڭ بيزنەس وكىلدەرى مەن وتاندىق ءىرى شارۋا قوجالىق باسشىلارىنىڭ كەزدەسۋىندە ەكىجاقتى سەرىكتەستىك ماسەلەلەرىن تالقىعا سالدى.

ساۋد ارابياسىنىڭ كاسىپكەرلەرى پاۆلودار وڭىرىندە مال وسىرۋگە مۇددەلى. بۇگىندە ولار جەرگىلىكتى اگرووندىرىس سالاسىنىڭ دامۋىنا 20 ملن. اقش دوللارى مولشەرىندە ينۆەستيتسيا قۇيۋعا ءازىر وتىر. وتكەن اپتادا پاۆلودار قالاسىنداعى امىرلىكتىڭ بيزنەس وكىلدەرى مەن وتاندىق ءىرى شارۋا قوجالىق باسشىلارىنىڭ كەزدەسۋىندە ەكىجاقتى سەرىكتەستىك ماسەلەلەرىن تالقىعا سالدى.

اراب كاسىپكەرلەردىڭ ايتۋىنشا، جەرگىلىكتى تابيعات مالدىڭ مول ءونىم بەرەتىن تۇقىمىن كوبەيتۋگە وتە قولايلى كورىنەدى. «حاشۋگرۋپپ» بيزنەس توبىنىڭ قارجى ديرەكتورى اساد تاليب حۋساين شاح: «تاياۋ شىعىس ەلدەرىنە ەت تاسىمالداۋ 70-75%-دى قۇرايدى. نەگىزىنەن ءبىز اۆستراليا مەن ەۋروپا ەلدەرىنەن ەت تاسىمالدايمىز. كوپتەگەن مۇسىلماندار ەتتىڭ ساپاسىنا رازى بولماي جاتادى. ويتكەنى ولاردى دايىنداۋدا ءارتۇرلى دارىلەر، گورموندار پايدالانىلادى. ءبىز ەت ونىمدەرى اناعۇرلىم ساپالى بولسا دەيمىز. سىزدەردەگى تابيعات دەنى ساۋ مالدى وسىرۋگە مۇمكىندىك بەرەدى»، - دەيدى. بيىل بۇكىل الەم بويىنشا سيىر ەتىن وندىرۋدە دەڭگەيى الدەقايدا جوعارى بولاتىن كورىنەدى. اقش اۋىل شارۋا­شى­لىعى مينيسترلىگى تاراپىنان بەرىلگەن ءمالى­مەت­تەردە امەريكا مەن ەۋروپالىق وداققا مۇشە ەلدەردە ءونىم ءوندىرۋ قارقىنى 11,3 جانە 1 پايىزعا تومەندەسە دە، الەمدىك نارىقتاعى جالپى ەت كولەمى جوعارى بولاتىنى ايتىلعان. ونىڭ سەبەبى، ءۇندىستان، ارگەنتينا مەن برازيليادا سيىر ەتىن بارىنشا مولىنان ءوندىرۋدىڭ ارقاسىندا جەر شارى ەتتەن كەندە بولمايدى. بيىل كارىستەر جەرىندە دە سيىر اسا كوپ سويىلمايدى. ەت باعاسىنىڭ كۇرت تومەنەدۋى سەبەپتى، ول جاقتا ەت ءونىمىن ءوندىرۋ 10 پايىزعا قىسقارعان. ەسەسىنە، ەت ەكسپورتىندا ۇندىلەر كۇشەيگەن. ۇستىمىزدەگى جىلى 14 پايىزعا وسەتىن سيىر ەتىنىڭ ەكسپورتى 4,2 ملن. تونناعا جەتپەك. ال ارگەنتينانىڭ ءجونى ءتىپتى بولەك: بيىلعى ەكسپورت كولەمى 9,4 ملن. توننادان اسادى.
ەت ەكسپورتىن دامىتۋعا قازاقستان دا مۇددەلى. بىلتىر پرەزيدەنت 2015 جىلعا قاراي شەكارا سىرتىنا ەت تاسىمالىن 60 مىڭ تونناعا جەتكىزۋگە تاپسىرما بەرگەن بولاتىن.

نۇراحمەت قۋات

"تۇركىستان" گازەتى