Cۋرەتتە: 1.  الىمجەتتىك جاساپ، اقشا بوپسالاپ جۇرگەن ءمادينا ەسىمدى سوتقار قىز. 2. تەپكىنىڭ استىندا قالعان بەلگىسىز وقۋشى قىز

جۇمىستان قولىم قالت ەتسە، الەۋمەتتىك جەلىلەردى كەزىپ وزىمە ءارى شىعارماشىلىعىما قاجەتتى ماتەريالدار جيناستىرۋ - ادەتكى شارۋام. وسىلايشا عالامتوردى كەزىپ ءجۇرىپ YOUTUBE  ۆيدەو جەلىسىنەن سۇمدىق جاعدايدى كوزىم شالىپ قالدى. «Tەپەر دەۆۋشكي زانيمايۋتسيا رەكەتوم»، - دەگەن ايدارمەن بەرىلگەن بۇل تۇسىرىلىمگە ادەتكى الىس-جۇلىس ەكەن دەپ ءمان بەرمەي وتىرعانمىن. انىقتاپ قاراسام، الگى «رەكەتتەرىم» قازاقتارعا ۇقسايدى. دەرەۋ اشىپ قارادىم. كوردىم دە  وكىندىم. بەينەتاسپا 2012 جىلدىڭ قازان ايىنىڭ ءبىرى كۇنى تاراز قالاسىنان جاريا بولعان ەكەن. قولداعى بار مالىمەت وسى عانا.

Cۋرەتتە: 1.  الىمجەتتىك جاساپ، اقشا بوپسالاپ جۇرگەن ءمادينا ەسىمدى سوتقار قىز. 2. تەپكىنىڭ استىندا قالعان بەلگىسىز وقۋشى قىز

جۇمىستان قولىم قالت ەتسە، الەۋمەتتىك جەلىلەردى كەزىپ وزىمە ءارى شىعارماشىلىعىما قاجەتتى ماتەريالدار جيناستىرۋ - ادەتكى شارۋام. وسىلايشا عالامتوردى كەزىپ ءجۇرىپ YOUTUBE  ۆيدەو جەلىسىنەن سۇمدىق جاعدايدى كوزىم شالىپ قالدى. «Tەپەر دەۆۋشكي زانيمايۋتسيا رەكەتوم»، - دەگەن ايدارمەن بەرىلگەن بۇل تۇسىرىلىمگە ادەتكى الىس-جۇلىس ەكەن دەپ ءمان بەرمەي وتىرعانمىن. انىقتاپ قاراسام، الگى «رەكەتتەرىم» قازاقتارعا ۇقسايدى. دەرەۋ اشىپ قارادىم. كوردىم دە  وكىندىم. بەينەتاسپا 2012 جىلدىڭ قازان ايىنىڭ ءبىرى كۇنى تاراز قالاسىنان جاريا بولعان ەكەن. قولداعى بار مالىمەت وسى عانا.

ورىمدەي قازاقتىڭ قىزى ءوزى شامالاس جاپ-جاس قىزدى تەكپىنىڭ استىنا الىپ جاتىر. ارينە، ءتۇسىرىلىمنىڭ ساپاسى ايتارلىقتاي بولماعانىمەن بارلىعىن انىق اڭعارۋعا، ەستۋگە  بولادى. بوقتىق سوزگە اۋىزىن تولتىرىپ العان بويجەتكەن بەت قاراتاتىن ەمەس، جىعىلىپ جاتقان قىزدى تەبەدى، ۇرادى، شاشىنان جۇلادى.  شوشىپ كەتتىم. ەكەۋى دە قازاق. انىقتاپ تىڭداسام تەكپىنىڭ استىندا جاتقان سارى شاشتى قىز  انا «مىقتىعا» اقشا بەرۋى كەرەك ەكەن. اقشا بولعاندا ءبىر، نە ەكى ءجۇز تەڭگە ەمەس - باقانداي 20 مىڭ تەڭگە. ەسىمى بەلگىسىز تاياق جەۋشى قىز بارىن ايتىپ جالىنعانىمەن  مادينا (سوتقار قىزدىڭ ەسىمى) ءۇستى ۇستىنە توپەلەپ، انا بايقۇستىڭ بەت-اۋزىن قىزىل-الا قان قىلدى. «ايتقان سوزدە تۇرمايتىن چورتسىڭ با؟ الدە مەنى سونداي دەپ جۇرسىڭدەر مە سەندەر؟!» - دەپ جانە كىجىنەدى. ونىسىمەن قويماي ءوزى دە تاياقتان كوز اشپاي جاتقان بالاڭ قىزدى  شەشىندىرىپ تاستاپ تەكپىلەيدى كەلىپ. «دۇرىستاپ كەشىرىم سۇرا، ەندىگارى قايتالانبايدى بۇل قاتەلىك دەپ ايت!» - دەپ قورقىتادى.  مادينا اشۋىنا تاعى ءمىنىپ، ءۇستى-ۇستىنە سوققى بەرىپ جاتىپ، «43-ءتىڭ ەڭ مال قىزىمىن دەپ ايت»،- دەيدى. مۇنىسىنا قاراساق، 43 - تاراز قالاسىنداعى  مەكتەپتەردىڭ ءبىرى بولۋى مۇمكىن.

اقىرى تەكپىگە شىداماعان بايعۇس قىز اتا-اناسىنا وتىرىك ايتىپ، مادينا سۇراعان جيىرما (20 مىڭ) مىڭ تەڭگەنى اكەلىپ بەرەتىنىنە سەندىرىپ، انت سۋ ءىشتى. اپىر-اي، سوندا  جابىرلەنۋشى اتا-اناسىنا نە دەپ باردى ەكەن، قىزىل-الا قان بولعان قىزىن كورىپ اتا-انا قالاي ءۇنسىز قالدى؟

ايتايىن دەگەنىم: بءىزدىڭ مەملەكەت الەۋمەتتىك جەلىلەرگە دە ءبىر ۋاق كوز سالىپ قاداعالاپ، قازاقستانعا قاتىستى بۇزاقىلىق ارەكەتتەرگە ءمان بەرسە ەكەن دەيمىن. ەگەردە الگى مادينا ەسىمدى بويجەتكەننىڭ بۇل قىلىعىن دەر كەزىندە توقتاتپاسا، ەرتەڭ مەكتەپ قابىرعاسىنان شىعا سالىسىمەن قولىن قانعا بوياۋى ابدەن مۇمكىن ەمەس پە؟  ال الگى جابىرلەنۋشى قىزدىڭ دەنساۋلىعىنا كەلگەن زالالعا كىم كەپىلدىك بەرەدى؟ بەسىكتەن بەلى شىقپاي جاتىپ بىرەۋدى قان جوسا ەتىپ ۇرعان قىز ەرتەڭ قالاي انا بولادى؟ وسى جاعىنا ءمان بەرۋىمىز قاجەت.

ماقالانىڭ قىسقا مازمۇنىن وقىپ نە عالامتورداعى بەينەتاسپانى كورگەن اتقا مىنەرلەر مەن قۇقىق قورعاۋ سالاسىنىڭ ماماندارى مادينانىڭ قاي وڭىرلىك ەكەنىن انىقتاپ دەرەۋ ءتيىستى شارا قولدانۋلارى قاجەت. ايتپەسە ءوزى دە قانىپەزەرگە اينالىپ كەتە جازداپ تۇرعان مادينا ەرتەڭ بىرەۋدى جازاتايىم ەتىپ ءجۇرۋى ابدەن مۇمكىن.

Abai.kz