سوڭعى كەزدە ورتا ازيالىق ءىرى مەملەكەت باسشىلارىنىڭ دەنساۋلىعى تۋرالى نەبىر اقپارات قوقىسى تارادى. اۋەلى ناۋرىز مەرەكەسى قارساڭىندا  اۋرۋ تۋرالى قاڭقۋ قازاق پرەزيدەنتىن جاعالادى. ودان بەرى ول كىسى  حالىقپەن دە كەزدەستى، الەمدىك اۋقىمداعى وتىرىستاردى دا بۇرىنعىداي ەڭسەرىپ، ەشتەڭە بولماعانداي ءوز شارۋاسىندا ءجۇر.

سوسىن وزبەكستان باسشىسى يسلام كارىموۆ ءولىم حالىندە جاتقاندىعى ينتەرنەتتى جايلادى. ونى وزبەك وپپوزيتسياسى قوسىلا قوپسىتتى. انىعىنا قازاقتىڭ سىرتقى ىستەر ءمينيسترى بارعاندا كوزىمىز جەتتى. گۇلنار كارىمقىزىنىڭ «اكەم بيلەپ ءجۇر» دەگەنى راس بولىپ شىقتى.

ارينە، وزبەكستانعا شۇعىل بارعان قازاق ءمينيسترى كارىم اكانى ەمدەپ جىبەردى دەگەننەن اۋلاقپىز. بۇرىن توڭتەرىس جۇرەتىن قازەكەڭ مەن وزەكەڭدى باۋىرلاستىراتىن الدەبىر سىرتقى كۇش بار سەكىلدەنەدى. ول كۇش بۇرىنعى مەتروپوليا بولىپ جۇرمەسىن. الگى «اۋرۋ» ماسەلەسى ناۋرىز مەرەكەسى قارساڭىندا تۇركىلەردىڭ ءبىر بىرىنە قىدىرىپ مارە-سارە بولىساتىن، بىرلىكتى قولعا الاتىن اڭگىمەنى كوبەيتەر شاعىندا تۋىنداۋى دا تەگىن ەمەس.   وسىندايدا ناۋرىزدى جاڭا جىل ەتپەك بولعان ۇلكەن ءسوزىمىزدىڭ دە جىم-جىرت بولۋىنا كىم كەدەرگى ەكەنى بايقالادى. بىراق بيىل قاساقانا  9 كۇن بويى ناۋرىزداتقان وڭىرلەرىمىز بوي كورسەتىپ، وعان دۇنيەجۇزىلىك ءىى تۇركى فورۋمىنىڭ ۇلاسقانى سولتۇستىكتەن سوققان ىزعارعا قارسى كوكتەمنىڭ لەبىندەي ەسىپ جاتىر...

سوڭعى كەزدە ورتا ازيالىق ءىرى مەملەكەت باسشىلارىنىڭ دەنساۋلىعى تۋرالى نەبىر اقپارات قوقىسى تارادى. اۋەلى ناۋرىز مەرەكەسى قارساڭىندا  اۋرۋ تۋرالى قاڭقۋ قازاق پرەزيدەنتىن جاعالادى. ودان بەرى ول كىسى  حالىقپەن دە كەزدەستى، الەمدىك اۋقىمداعى وتىرىستاردى دا بۇرىنعىداي ەڭسەرىپ، ەشتەڭە بولماعانداي ءوز شارۋاسىندا ءجۇر.

سوسىن وزبەكستان باسشىسى يسلام كارىموۆ ءولىم حالىندە جاتقاندىعى ينتەرنەتتى جايلادى. ونى وزبەك وپپوزيتسياسى قوسىلا قوپسىتتى. انىعىنا قازاقتىڭ سىرتقى ىستەر ءمينيسترى بارعاندا كوزىمىز جەتتى. گۇلنار كارىمقىزىنىڭ «اكەم بيلەپ ءجۇر» دەگەنى راس بولىپ شىقتى.

ارينە، وزبەكستانعا شۇعىل بارعان قازاق ءمينيسترى كارىم اكانى ەمدەپ جىبەردى دەگەننەن اۋلاقپىز. بۇرىن توڭتەرىس جۇرەتىن قازەكەڭ مەن وزەكەڭدى باۋىرلاستىراتىن الدەبىر سىرتقى كۇش بار سەكىلدەنەدى. ول كۇش بۇرىنعى مەتروپوليا بولىپ جۇرمەسىن. الگى «اۋرۋ» ماسەلەسى ناۋرىز مەرەكەسى قارساڭىندا تۇركىلەردىڭ ءبىر بىرىنە قىدىرىپ مارە-سارە بولىساتىن، بىرلىكتى قولعا الاتىن اڭگىمەنى كوبەيتەر شاعىندا تۋىنداۋى دا تەگىن ەمەس.   وسىندايدا ناۋرىزدى جاڭا جىل ەتپەك بولعان ۇلكەن ءسوزىمىزدىڭ دە جىم-جىرت بولۋىنا كىم كەدەرگى ەكەنى بايقالادى. بىراق بيىل قاساقانا  9 كۇن بويى ناۋرىزداتقان وڭىرلەرىمىز بوي كورسەتىپ، وعان دۇنيەجۇزىلىك ءىى تۇركى فورۋمىنىڭ ۇلاسقانى سولتۇستىكتەن سوققان ىزعارعا قارسى كوكتەمنىڭ لەبىندەي ەسىپ جاتىر...

بۇعان قوسا، ۇلى مەرەكەمىزدىڭ قارساڭىندا قازاقستانداعى «سەپاراتيستىك» اڭگىمە دە كوكتەن تۇسكەندەي قوزا ءتۇستى. اراسىندا شوشاڭداعان ەشكى ساقالدىسى بار، اۋىق-اۋىق تايراڭداپ، الدەنەگە ارانداتاتىنداي كۇي كەشىپ اۋرە بولادى بايعۇستار.

مۇنىڭ بارىنە ادەتتە جاۋاپ بەرە قوياتىن بيلىگىمىز دە تىم-تىرىس. شاماسى، «اۋرازيا وداعىنىڭ»  كەلەشەگى اۋىرلىققا ۇشىراپ، ءار كاللانىڭ باسىنا ءتۇرلى اۋىرتپالىق ءتۇسىرىپ جاتقان سىڭايى بار. بىزگە قوقان-لوققى جاساعانسىپ، مۇنايلى وڭىردەگى الدەبىر الەم-جالەم توپتى كوشەگە شىعارىپ كولبەڭدەتىپ، ارانداتىپ باعۋدا.

بىراق ارانداتۋعا ءبىز دە الاڭداپ وتىرماعان سەكىلدىمىز قولدان كەلگەن ويىنىمىزدى قونىشتان باسپاساق تا، اڭدىسۋعا كوشكەندەي سىڭايىمىز بار. 2008 جىلدىڭ تامىزىنان بەرى رەسەيمەن قىرعيقاباق بولىپ كەلە جاتقان گرۋزياداعى ەل ءىسى سەنىپ تاپسىرىلعان ءادىل تۇرسىنوۆ مىرزانىڭ ورنىنا تولىققاندى قۇزىرەتتى ەلشى بولىپ اقوردانىڭ «ساندۋعاشى» بولسا دا ە.ەرتىسباەۆ تاعايىندالدى. ونىڭ ۇستىنە الەمدەگى ەكىنشى ەل بولىپ وتىرعان قىتاي باسشىمىزدى العاشقىلاردىڭ ءبىرى بولىپ قابىلدادى. بۇل دا ءبىزدىڭ تاراپىمىزدان ەلدىگىمىزدى كورسەتكەن ءبىر قادام دەگەنگە سەنەيىك.

ءيا، ايتىپ-ايتپاي نە كەرەك، سول تۇسىمىزداعى كورشىنىڭ تالاعى تارس ايىرىلسا دا، ىرگەمىزدىڭ دۇرىستىعى ەلدىڭ ىشكى بۇتىندىگى مەن وزىنە دەگەن سەنىمىنە قاتىستى. سول سەنىمگە باستايتىن ىرگەلى ىستەر كەرەك-اق. كوپ نارسەنىڭ باسىن اشتىق، باستادىق، سولاردى اياقتاۋعا جازسىن جاراتقان. «ساقتانساڭ - ساقتارمىن!» دەگەن.

Abai.kz