بەيجىڭ، شانحاي، گونكونگ، سينگاپۋر، كۋالا-لۋمپۋر، ۇلان-باتىر قالالارىندا داۋىس بەرۋ ۋچاسكەلەرى ءوز جۇمىسىن باستادى، دەپ حابارلايدى ءسىم.

سونىمەن قاتار دجاكارتا، بانگكوك مەن حانوي قالالارىندا سايلاۋ ۋچاسكەلەرى اشىلدى.

بۇعان دەيىن حابارلاعانىمىزداي، استانا ۋاقىتىمەن تاڭعى ساعات 4-تە سەۋلدە №258 جانە توكيودا №261 سايلاۋ ۋچاسكەلەرى الەمدە ءبىرىنشى بولىپ اشىلدى.

وڭتۇستىك كورەياداعى قر ازاماتى كۋرسانت اسانوۆ ەلنۋر بىرىنشى بولىپ داۋىس بەردى.

قر كونستيتۋتسياسىنا سايكەس، پارلامەنت ءماجىلىسى ارالاس سايلاۋ جۇيەسى بويىنشا كونستيتۋتسيالىق زاڭدا بەلگىلەنگەن تارتىپپەن سايلاناتىن 98 دەپۋتاتتان تۇرادى. بىرىڭعاي جالپىۇلتتىق سايلاۋ وكرۋگى اۋماعى بويىنشا، ياعني پارتيالىق ءتىزىم بويىنشا ءماجىلىستىڭ 69 دەپۋتاتى، ءبىر مانداتتى اۋماقتىق سايلاۋ وكرۋگتەرى بويىنشا – 29 دەپۋتات سايلانادى.

19 قاڭتاردا مەملەكەت باسشىسى قاسىم-جومارت توقاەۆ جەتىنشى سايلانعان قر پارلامەنتىنىڭ ءماجىلىسىن تاراتۋ جانە 19 ناۋرىز كۇنى پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويعان ەدى. بۇل كۇنى ماجىلىسپەن قاتار ءماسليحات دەپۋتاتتارىن دا كەزەكتەن تىس سايلاۋ ۇسىنىلدى.

بۇل كۇنى 12 ملن-عا جۋىق ازامات تاڭداۋ جاسايدى. الدىن الا تۇرعىلىقتى جەرى بويىنشا 11 970 406 سايلاۋشى انىقتالدى. سايلاۋشىلاردىڭ ەڭ كوبى – 1 177 507 سايلاۋشى تۇركىستان وبلىسىندا، ال ەڭ ازى – 138 277 سايلاۋشى ۇلىتاۋ وبلىسىندا تىركەلگەن. 2023 جىلعى 4 ناۋرىزدان باستاپ ۋچاسكەدەگى سايلاۋشىلار تىزىمىندەگى دەرەكتەرى تەكسەرۋ مۇمكىندىگى بەرىلدى.

Abai.kz