بىرنەشە اپتا بۇرىن ەلدىڭ استاناسىنداعى توتەنشە جاعدايلار دەپارتامەنتىنەن ءبىر كۇندە 66 ءورت ءسوندىرۋشى جۇمىستان قۋىلىپ، قازاقستاننىڭ اتالمىش سالاسى رەكورد جاساعانىن جاريالادىق. ارينە، بۇل 66 جىگىتتىڭ عانا جانۇيالىق نەمەسە الەۋمەتتىك ماسەلەسى ەمەستىگى بەلگىلى. بۇل مەملەكەتتىك اۋقىمداعى ءورت دەۋگە بولاتىنداي جايت.

بىرىنشىدەن، استانالىق دەپارتامەنت سوڭعى 10-15 جىل بويى ورتتە شىنىققان ءتۇرلى ماماندى ءبىر كۇندە تابا الماسى بەلگىلى. سالا قىزمەتتىك قاۋقاردان بىرنەشە جىلعا كەيىن شەگەرىلمەسە دە، ساپالىق جاعىنان ايتارلىقتاي نۇقسان كەلتىرىلدى. ەستۋىمىزشە، دەپارتامەنت باسشىلىعى بولىمشەلەردى مامانداستىرۋ جاعىنان قاتتى قينالىستا كورىنەدى. سەبەبى، اتتەستاتسيالىق سىناقتان وتكەن  66  ادامدى ءبىر كۇندە دە، ءبىر ايدا دا تابۋ مۇمكىن ەمەس.

ەكىنشىدەن، جۇمىسسىزدىق كوبەيىپ، الەۋمەتتىك جاعداي ۋشىعىپ، باي مەن كەدەي اراسىنداعى الەمدىك ولشەۋ كوەفيتسيەنتى ەلىمىزدە 6%-عا جەتۋىنە (10  بولسا، الەۋمەتتىك جارىلىسقا اپارادى) ۇلەس قوسۋ مەملەكەتتىڭ ءوزىنىڭ مەكەمەسىندە اتقارىلىپ وتىر.

ۇشىنشىدەن، اتالمىش توتەنشە جايتتىڭ سالدارى ازاماتتىق-الەۋمەتتىك اقۋالدى السىرەتتى، قۇقىقتىق-الەۋمەتتىك مەملەكەت ورناتامىز دەگەن جاساندى ماقتان ساياساتتىڭ وراشولاقتىعىن اشكەرەلەدى. بۇعان بۇلك ەتكەن ىشكى ساياسات ورگاندارى بولمادى.

بىرنەشە اپتا بۇرىن ەلدىڭ استاناسىنداعى توتەنشە جاعدايلار دەپارتامەنتىنەن ءبىر كۇندە 66 ءورت ءسوندىرۋشى جۇمىستان قۋىلىپ، قازاقستاننىڭ اتالمىش سالاسى رەكورد جاساعانىن جاريالادىق. ارينە، بۇل 66 جىگىتتىڭ عانا جانۇيالىق نەمەسە الەۋمەتتىك ماسەلەسى ەمەستىگى بەلگىلى. بۇل مەملەكەتتىك اۋقىمداعى ءورت دەۋگە بولاتىنداي جايت.

بىرىنشىدەن، استانالىق دەپارتامەنت سوڭعى 10-15 جىل بويى ورتتە شىنىققان ءتۇرلى ماماندى ءبىر كۇندە تابا الماسى بەلگىلى. سالا قىزمەتتىك قاۋقاردان بىرنەشە جىلعا كەيىن شەگەرىلمەسە دە، ساپالىق جاعىنان ايتارلىقتاي نۇقسان كەلتىرىلدى. ەستۋىمىزشە، دەپارتامەنت باسشىلىعى بولىمشەلەردى مامانداستىرۋ جاعىنان قاتتى قينالىستا كورىنەدى. سەبەبى، اتتەستاتسيالىق سىناقتان وتكەن  66  ادامدى ءبىر كۇندە دە، ءبىر ايدا دا تابۋ مۇمكىن ەمەس.

ەكىنشىدەن، جۇمىسسىزدىق كوبەيىپ، الەۋمەتتىك جاعداي ۋشىعىپ، باي مەن كەدەي اراسىنداعى الەمدىك ولشەۋ كوەفيتسيەنتى ەلىمىزدە 6%-عا جەتۋىنە (10  بولسا، الەۋمەتتىك جارىلىسقا اپارادى) ۇلەس قوسۋ مەملەكەتتىڭ ءوزىنىڭ مەكەمەسىندە اتقارىلىپ وتىر.

ۇشىنشىدەن، اتالمىش توتەنشە جايتتىڭ سالدارى ازاماتتىق-الەۋمەتتىك اقۋالدى السىرەتتى، قۇقىقتىق-الەۋمەتتىك مەملەكەت ورناتامىز دەگەن جاساندى ماقتان ساياساتتىڭ وراشولاقتىعىن اشكەرەلەدى. بۇعان بۇلك ەتكەن ىشكى ساياسات ورگاندارى بولمادى.

تورتىنشىدەن، قولدانىستاعى زاڭ مەن الەۋمەتتىك ءومىردىڭ الشاقتىعى ءبۇتىن ءبىر تج سالاسىنداعى وسى تۇيتكىلدەن كورىنىس تاپتى. تەرىس زاڭنىڭ ەل ازاماتتارىنا ءومىر ءسۇرۋدى قيىنداتىپ قويماي، اتا زاڭدا ايتىلعان اركىمنىڭ ەركىن ءومىر ءسۇرۋ قابىلەتىنە قول سۇعۋدىڭ قازاقستاندا زاڭ جۇزىندە اتقارىلاتىنىنا تاعى دا كوز جەتتى. جەمقورلىق تۋرالى زاڭ بويىنشا بالا-شاعاڭدى اسىراۋ ءۇشىن سونداي ساناتتاعى قوسىمشا جۇمىس ىستەۋ دە جەمقورلىققا جاتىپ، مەملەكەتتى ميللونداپ توناۋ قىلمىسىنىڭ ساپىنا جاتقىزىلادى ەكەن...

بەسىنشىدەن، ءورت سوندىرۋشىلەرگە مەملەكەتتىك قىزمەتتىڭ زاڭدى تالابى قويىلىپ، بىراق ولارعا مەملەكەتتىك قىزمەتكەرگە جاسالاتىن جاعدايدىڭ جۇرمەيتىندىگى اشكەرە بولدى. جۇمىستان بوساعان قىزمەتشىلەردى ءبىر دە ءبىر مەملەكەتتىك قۇزىرلى ورگان، ونىڭ ىشىندە مەملەكەتتىك قىزمەت جونىندەگى اگەنتتىك تە ىزدەگەن جوق، قاقىلارىن قورعاعان جوق. كەرىسىنشە، ولاردى ىزدەپ سابىلىپ، شاعىمدانۋدىڭ سوڭى سوتتىڭ كۇلدى-كومەش شەشىمىمەن بىتەتىن ءتۇرى انىق. شالا-شارپى بولسا دا، زاڭعا باعىنبايتىن سوتتىڭ جوق ەكەنى بەلگىلى.

التىنشىدان، ءورت سوندىرۋشىلەر قىزمەت ساناتى جاعىنان مەملەكەتتىك قىزمەتكە جاتقىزىلىپ، ال ەڭبەك ساناتى بويىنشا قۇقىققورعاۋ سالاسىنا ءتيىستى كورىنەدى.بۇل دەگەنىڭىز - ولار اسكەري قىزمەتكە تەڭەستىرىلگەن توتەنشە جاعدايدا قىزمەت ەتىپ، قۇقىق سالاسىنىڭ كەڭسە قىزمەتشىسىنىڭ ناپاقاسىن الادى دەگەن ءسوز.

جەتىنشىدەن، ءبىزدىڭ ەلدە قانداي الەۋمەتتىك ويسىراۋ بولسا دا، مەملەكەتتىك دەڭگەيدەگى ساراپتاۋدىڭ جوقتىعىن، ەشكىمنىڭ بۇلك ەتپەيتىندىگىن كورسەتتى. اتالمىش جايت، وتكەن عاسىردىڭ 90-جىلدارى ءبىزدىڭ بيلىگىمىز اڭساعان امەريكالىق جابايى كاپيتاليزمنىڭ بىزدە جابايىلانا تۇسكەن ءتۇرى ورنىققانىن كورسەتىپ وتىر. ال، ناعىز كاپيتاليزمگە ءتان قوعامدى ۇيلەستىرەتىن ىشكى تەتىكتەر قالعىپ-مۇلگىگەن، الدارىنا كەلگەن شالا زاڭ جوبالارعا داۋىس بەرە سالاتىن، «سايلانا سالعان» پارلامەنتتىڭ قۇقايىن  66 ازامات قانا ەمەس، بۇكىل ەل تارتىپ وتىرعانىنا كوزىمىز تالاي جەتىپ ءجۇر. تالاي ءورتتىڭ وشاعى سوتتى جاعالاپ ءجۇر...

Abai.kz